مزن وزیر ءِ ھاسیں کمکار مبارک زیب خان ءِ سروکی ءَ ڈل ءَ گورنر خیبر پختونخوا فیصل کریم کنڈی ءَ گوں گند ءُ نند

اسلام آباد۔21مئی  (اے پی پی): مزن وزیر ءِ ھاسیں کمکار مبارک زیب خان ءِ سروکی ءَ ڈل ءَ گورنر خیبر پختونخوا فیصل کریم کنڈی  ءَ گوں گورنر گس ءَ گند ءُ نند کت۔ دیوان ءِ تہ ءَ وت مہ وتی مفاد ءِ جیڈھ، ورنا آنی کرد، استان ءِ پازیٹیو  امیج ءُ ملک ءِ دیمروئی ءِ ھوالگ ءَ جتا جتائیں جیڈھ آنی سر ءَ تران کنگ بوت۔ گورنر ءِ کارگس ءِ نیمگ ءَ چہ جاڑی بوتگیں بیان ءِ رد ءَ گورنر خیبر پختونخوا فیصل کریم کنڈی ءَ مبارک زیب خان ءُ آئی ءِ کھول ءِ ھزمت ءُ قربانی آناں شگر ءُ منت گپت ءُ گوشت کہ ملک ءُ قوم ءِ واستہ قربانی دیوکیں کھول راجی اثاثہ اَنت۔ آئی ءَ گوشت کہ ورنا پاکستان ءِ وشیں آیوکیں باندات ءِ ضامن انت ءُ خیبر پختونخوا ءِ جوانیں امیج ءَ را پدر کنگ ءَ ورنا آنی کرد سک باز ارزشتی انت۔ گورنر کے پی کے ءَ گوشت کہ مرچیگیں ورنا نا ایوک ءَ وانگ ءُ زانگ، سرپدی، جوانیں سوچ ءُ نوکیں ھنر آنی وسیلگ ءَ ملک ءِ دیمروئی ءِ تہ ءَ ھاسیں کرد پیلو کت کن اَنت بلکیں سرجمیں دگنیا ءَ پاکستان ءُ ھاسیں رنگ ءَ خیبر پختونخوا ءِ جوانیں ءُ امنیں اکس ءَ را ھم پدر کت کن اَنت۔ آئی ءَ ورنا آناں زور پر دات کہ آ سوشل میڈیا ءَ ھوار ھمک پلیٹ فارم ءِ سر ءَ زمہ واریں کرد پیلو بہ کن اَنت ءُ صوبگ ءِ دود ءُ ربیدگ، سیل ءُ سواد، دود ءُ ربیدگ ءُ صلاحیت آناں جوانیں رنگ ءَ دگنیا ءِ دیم ءَ پیش بہ کن اَنت۔ اے موہ ءِ سر ءَ ھاسیں کمکار مبارک زیب خان ءَ گورنر فیصل کریم کنڈی ءِ ورنا آنی ھوار بوھگ ءُ ورنا آنی گہبودی ءِ ھوالگ ءَ گامگیج آناں ساڑات۔ آئی ءَ گوشت کہ گورنر خیبر پختونخوا ورنا آناں مین اسٹریم کنگ ءُ جوانیں چست ءُ ایر آنی نیمگ ءَ راجی کنگ ءِ واستہ جوانیں کرد پیلو کنگ ءَ انت۔