وفاقی وزیر جان سلامتی مصطفی کمال ءِ جینوا ءَ ایران ءِ وزیر ءِ جان سلامتی ءَ گوں گند ءُ نند

اسلام آباد۔21مئی  (اے پی پی): وفاقی جان سلامتی ءِ وزیر مصطفیٰ کمال ءَ جنیوا ءَ جہانی جان سلامتی ءِ دیوان ءِ ساھت ءَ ایران ءِ جان سلامتی ءِ وزیر محمد رضا ظفر قندی ءَ گوں گند ءُ نند کتگ۔ اے موہ ءِ سرءَ آئی ءَ ایران ءِ انوگیں وئیلانی وھد ءَ چک ءُ ایندگہ شہریانی شہید بیگ ءِ سر ءَ سکیں دلپدردی ءُ اپسوز ءِ درشانی کتگ ءُ دلپدردی ءِ درشانی کتگ۔ آئی ءَ گوشت کہ اے گرانیں وھد ءَ پاکستان ایران ءِ ھمراھی ءَ اوشتاتگ، تناؤ ءِ کم کنگ ءُ جیڈھ آناں ایمنی ءَ گوں گیواری ءِ واستہ پاکستان توامیں فریق آں گوں رابطہ ءَ انت، پاکستان دمگ ءَ جنگ بندی ءُ دائمی امن ءِ برجائی ءِ واستہ سنگینیں کوشست کنگ ءَ انت۔ اے گند ءُ نند ءَ جنیوا ءَ تعیناتی ایران ءِ سفیر ھم ھوار ات۔ گند ءُ نند ءِ تہ ءَ جان سلامتی ءِ کمک ءُ دمگ ءِ سرجمیں جاور ھال آنی سر ءَ سرجمیں رنگ ءَ گپ ءُ تران کنگ بوت۔ وزارت جان سلامتی ءِ نیمگ ءَ جاڑی بوتگیں بیان ءِ تہ ءَ گوشگ بوتگ کہ ایران ءِ جان سلامتی ءِ وزیر ءَ پاکستانی سروکی ھاسیں رنگ ءَ مزن وزیر ءُ فیلڈ مارشل ءِ نیمگ ءَ چہ دمگ ءَ امن ءِ برجائی ءِ واستہ مخلصیں کوشست آناں ساڑاتگ۔ گوستگیں اُرشانی آسر ءَ ایران ءَ بازیں اسپتال، جاندراھی ادارگ ءُ ھاسیں بنیاتی ڈھانچہ ءَ را تاوان رستگ۔ وفاقی جان سلامتی ءِ وزیر ءَ گیش گوشت کہ پاکستان ویکسین جوڑ کنگ ءُ دوائی آنی صنعت ءَ را مھکم کنگ ءِ واستہ جزمیگ انت۔ اے وھد ءَ پاکستان ءِ تہ ءَ 90 درسد ءِ کساس ءَ خام مال چین ءَ چہ درآمد کنگ بیت بلے اے ملک وتی بنجاہی پیداواری گنجائش ءَ را گیش کنگ لوٹ ایت۔ دوئیں ملک آں جان سلامتی ءِ شوبگ ءَ یک ءِ دومی ءِ تجروبت آں چہ سیت زورگ ءُ کمک ءَ را گیش دیمروئی دیگ ءِ سرا تپاک کتگ۔