وفاقی  یونیورسٹی ءُ صوبائی وانگ ءُ زانگ ءِ ادارگ آنی نیام ءَ سیادی ءَ را مھکم کنگ ءِ ضلورت اِنت، اسپیکر راجی اسمبلی

اسلام آباد۔21مئی  (اے پی پی): راجی اسمبلی ءِ اسپیکر سردار ایاز صادق ءَ گوشت کہ وفاقی یونیورسٹی ءُ صوبائی وانگ ءُ زانگ ءِ ادارگ آنی نیام ءَ سیادی ءَ را گیش مھکم کنگ ءِ ضلورت انت۔ دانش آموزان ءُ ورنا رضاکاراں راجی دیمروی ءِ تہا برجائی  کرد پیلو کنگی انت۔ پنچ شمبے ءِ روچ ءَ پارلیمنٹ گس ءَ "ما استیں  پاکستان”   ایس ڈی جیز ورنا مہم ءِ بنگیج ءِ مراگش ءَ گوں تران کنان ءَ آئی ءَ گوشت کہ وفاقی ءُ صوبائی کانود ساز ادارگ آنی نیام ءَ ھمگرنچی ءِ واستہ ایس ڈی جیز سیکرٹریٹ جوڑ کنگ بوتگ۔ قومی اسمبلی ءَ پارلیمانی کاکس ءِ جوڑ کنگ ءِ واستہ صوبائی اسمبلی آناں تربیت داتگ۔ پارلیمانی کاکسز ءِ درستیں صوبائی اسمبلی آنی تہ ءَ فعالیں کرد پیلو کنگ ءَ انت۔ 2024 ءِ اسپیکر کانفرنس ءَ صوبائی اسمبلی آنی نیام ءَ کمک ءَ را دیمروئی داتگ۔ راجی اسمبلی ءِ باسک شائستہ پرویز ملک ءَ گوشت کہ  "ما استیں  پاکستان ” ءِ مول ءُ مراد نودربر آناں راجی دیمروئی ءِ شریک جوڑ کنگ انت۔ ورنا آنی سروکی ءُ سرپدی ءِ ھست نہ بوھگ ءَ پائیدار دیمروئی ممکن نہ اِنت۔ ’’ھم ھین پاکستان‘‘ کمپین ءَ چہ ورنا آنی تہ ءَ رہشونی ءِ ازم دیمروئی بیت۔ وزارت ءِ اطلاعات ءُ نشریات ءِ پارلیمانی سیکرٹری بیرسٹر دانیال چوہدری ءَ گوشت کہ ’’ما پاکستان ایں‘‘ ءِ مہم ءَ سرکاری وانگجاھ آنی پرنسپل آنی بھر زوری ءَ را وش اتک کنگ بیت۔ پرنسپلاں تعلیمی ءُ چاگردی حقیقتانی سرا ساپ ءُ سلہ ایں  سرپدی است انت۔ مراگش ءَ راجی اسمبلی ءِ باسک سید علی قاسم گیلانی، ڈاکٹر شازیہ صوبیہ اسلم سومرو، میجر (ر) طاہر اقبال، سید حفیظ الدین، شیر علی ارباب  ءُ  مہتاب اکبر راشدی  ءَ بہر زرتگ ات۔