امریکہ پاکستان ءِ گوما دراجیں مدتی کمک ءِ وسیلگ ءَ کان کنی ءِ شعبہ ءَ را صنعتی دیمروئی، ہنرمندیں روزگار، ٹیکنالوجی ءِ ٹرانسفر ءُ پائیدار اقتصادی دیمروئی ءَ گوں ہمگرنچ کنگ ءِ تہا دلچسپی داریت، نیٹلی بیکر

اسلام آباد۔21مئی  (اے پی پی): پاکستان ءَ امریکی ادارُکی سفیر نیٹلی بیکر ءَ گوشت کہ امریکہ پاکستان ءِ گوما دراجیں مدتی کمک ءِ وسیلگ ءَ کان کنی ءِ شوبگ ءَ را صنعتی دیمروئی، ہنرمندیں روزگار، ٹیکنالوجی ءِ ٹرانسفر ءُ پائیدار اقتصادی دیمروئی ءَ گوں ھمگرنچ کنگ ءِ واھشت مند اِنت۔ اے ھیالانی درشانی آئی ءَ نیشنل ووکیشنل اینڈ ٹیکنیکل ٹریننگ کمیشن پاکستان ءِ ھیڈ کوارٹر ءِ تر ءُ تاب ءِ ساھت ءَ کت۔ این وی ٹی ایک ءِ بنجاہی کارگس ءَ سر بوھگ ءَ پد ادارُکی امریکی سفیر ءَ را این وی ٹیک ءِ چیئرپرسن   گلمینہ بلال احمد  ءُ ادارگ ءِ افسر آنی نیمگ ءَ وش آتک کنگ بوت۔ تر ءُ تاب ءِ ساھت ءَ نیٹلی بیکر ءَ این وی ٹی ای سی ءِ سینٹر آف ایکسیلنس ءِ ھم تر ءُ تاب کت کہ اودا آئی ءَ را صنعت ءَ گوں سیادی داروکیں تربیتی ماڈل، میاں اوستمانی سرٹیفکیشن پروگرام ءُ پاکستانی ورنا آناں جھان ءِ روزگار ءِ موہ آنی گوما یکجا کنگ ءِ گامگیج آنی بابت ءَ سرجمیں بریفنگ دیگ بوت۔ اے موہ ءِ سر ءَ نیٹلی بیکر ءَ گوشت کہ ساؤتھ ڈکوٹا اسکول آف مائنز اینڈ ٹیکنالوجی ءِ ماہرین آنی گوستگیں تر ءُ تاب ءَ پد پاکستان ءَ کان کنی ءُ صنعتی ورک فورس ءِ شوبگ ءَ کمک نوکیں پڑ ءَ داخل بوھگ ءَ انت۔ آئی ءَ گوشت کہ اے شریکداری ایوک ءَ معدنیات ءِ گرگ ءَ گوں بندوک نہ اِنت بلکیں مہارت آنی دیمروئی، جدید ٹیکنالوجی، سیفٹی سسٹم ءُ ادارگی صلاحیت سازی ءِ سر ءَ ھم دلگوشی دیگ بیت۔ آئی ءَ گوشت کہ پاکستان ءَ تانبہ، زرّ، کلیتی معدنیات، صنعتی معدنیات ءُ نادر زمین ءِ معدنیات آنی تہ ءَ مزنیں موہ است انت وھدیکہ امریکہ پاکستان ءِ گوما دراجیں مدتی کمک ءِ وسیلگ ءَ کان کنی ءِ شوبگ ءَ را صنعتی دیمروئی، ہنرمندیں روزگار، ٹیکنالوجی ءِ ٹرانسفر ءُ پائیدار اقتصادی دیمروئی ءِ گوما یکجا کنگ ءِ واھشت مند انت۔ نیٹلی بیکر ءَ اے گپ ءِ سر ءَ زور پر دات کہ پاکستان ءُ امریکہ ءِ نیام ءَ کان کنی ءِ کارکن آنی دیمروئی ءُ صنعتی گنجائش ءِ شوبگ آنی تہ ءَ کمک ءَ چہ آیوکیں وھد ءَ دوئیں ملک آنی اقتصادی ءُ تکنیکی سیادی آناں گیش مھکم کنگ بوت کنت۔ اے موہ ءِ سر ءَ چیئرپرسن نیو ٹیک گلمینہ بلال احمد ءَ گوشت کہ پاکستان ءِ آیوکیں مقابلہ ءِ توانائی ایوک ءَ وانگ ءُ زانگ ءِ سر ءَ بندوک نہ اِنت بلکیں اے گپ ءِ سر ءَ بندوک اِنت کہ ما مہارت آناں صنعت، ٹیکنالوجی ءُ جھان ءِ مارکیٹ آنی گوما کجام رنگ ءَ جوانیں رنگ ءَ جوڑ کن ایں ۔ آئی ءَ گوشت کہ ملک آنی نیام ءَ کارکن آنی سر ءَ بنیات ءِ سر ءَ شریکداری نوکیں اسٹریٹجک اتحاد ءِ رنگ ءَ زورگ ءَ اِنت، اے وڑیں جاور ھال آنی تہ ءَ مئے واھشت اِنت کہ امریکی ٹیکنالوجی ءِ وسیلگ ءَ پاکستان ءِ ہنرمندیں کارکن آناں گیش باصلاحیت جوڑ بہ کن ایں، ایشی ءِ واستہ ما امریکی کمک ءِ شوھاز ءَ ایں ۔ ادارُکی امریکی سفیر ءَ نیو ٹیک ءِ اصلاحات ءِ کوشست آنی توسیپ کنان ءَ تکنیکی وانگ ءُ زانگ، مہارت ءُ نوکیں صنعتی شوبگ آنی تہ ءَ برجاھیں کمک ءِ سر ءَ زور پر دات۔ اے تر ءُ تاب ءِ رد ءَ اے منگ ءِ درشانی کنگ بیت کہ پاکستان ءُ امریکہ ءِ نیام ءَ اقتصادی کمک، صنعتی دیمروئی ءُ میاں اوستمانی سیادی آنی تہ ءَ ہنر ءُ کار ءِ دیمروئی ءَ را یک ھاسیں ستون ءِ رنگ ءَ منگ بوھگ ءَ اِنت۔