مزن وزیر شہباز شریف ءَ شہزادہ رحیم آغا خان پنجم ءِ شرپ ءَ ناشتہ ءِ میزبانی کتگ، میاں اوستمانی شریکاں گوں تعمیری رابطہ ءِ دیمروئی ءِ تہا کرد ءِ توسیپ

اسلام آباد۔21مئی  (اے پی پی): مزن وزیر محمد شہباز شریف ءَ حکومت ءُ میاں اوستمانی شریک آنی گوما امن، برجائی  ءُ جوڑیشت ءِ دیمروئی ءِ واستہ شہزادہ رحیم آغا خان پنجم ءِ کرد ءِ توسیپ کتگ ءُ پاکستان ءِ مزنیں مول ءُ مراد آنی واستہ یکجائی جزم ءِ یک رندے پدا گوشتگ۔ مزن وزیر محمد شہباز شریف ءَ پنچ شمبے ءِ روچ ءَ پاکستان ءِ اولی سرکاری تر ءُ تاب ءِ موہ ءَ شہزادہ رحیم آغا خان پنجم ءِ شرپ ءَ ھاسیں ناشتہ ءِ میزبانی کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ مراگش ءَ شہزادہ رحیم آغا خان ءَ را گرمیں وش اتک کت ءُ حکومت ءُ میاں اوستمانی شریک آنی گوما امن، برجائی  ءُ جوڑیشت ءِ دیمروئی ءِ واستہ آئی ءِ جزم ءِ توسیپ کت۔ آئی ءَ اے بُرزیں مول ءُ مراد آنی واستہ پاکستان ءِ یکجائی جزم ءِ ھم پدر کت۔ مزن وزیر ءَ پاکستان ءُ آغا خان دیمروئی نیٹ ورک ءِ نیام ءَ دیریں شریکداری ءِ سر ءَ چمشانک دیان ءَ دیہی دیمروئی، جان سلامتی، وانگ ءُ زانگ، آفت ءِ دیم ءَ دارگ، موسمیاتی بدلی ءِ گوما ھمگرنچ بوھگ، قابل تجدید توانائی، ڈیجیٹل مہارت آنی تربیت ءُ ورنا آنی کاروباری ءِ پڑ آنی تہ ءَ اے کے ڈی این ءِ ھزمت آنی سر ءَ شگر ءُ منت گپت۔ آئی ءَ گلگت بلتستان ءُ چترال ءِ دور ءُ دراجیں ءُ نا دیمروئی کتگیں دمگ آنی تہ ءَ اے کے ڈی این ءِ موثر کرد ءِ ھاسیں رنگ ءَ ستا کرتگ۔ مزن وزیر ءَ اے کے ڈی این ءَ را پاکستان ءَ ھاسیں رنگ ءَ گلگت بلتستان ءُ چترال ءَ وتی شریکداری ءَ را گیش وسعت دیگ ءِ واستہ دلبڈی دات کہ اودا نیٹ ورک ءِ ادارگی ھست ءُ سرکاری ازمت آناں سک باز ارزشت دیگ بیت۔ آئی ءَ آغا خان یونیورسٹی ءِ گوما گیشیں کمک ءِ ھم وش اتک کت ءُ جان سلامتی ءُ مزنیں وانگ ءُ زانگ ءِ پڑ ءَ آئی ءِ جوانیں ازمت آناں ساڑات۔ مزن وزیر ءَ چاگردی رکھینگ ءِ واستہ شہزادہ رحیم آغا خان ءِ کوشست آناں ساڑاتگ ءَ گوشت کہ اے کے ڈی این موسمی بدلی ءِ ھلاپ ءَ جنگ ءِ واستہ پاکستان ءِ کوشست آنی تہ ءَ یک قدرتی ءُ معتبریں شریک اِنت ھاسیں رنگ ءَ گلیشیر ءَ چہ آماچیں رودراتکی دمگ آنی تہ ءَ چاگردی برجائی ءِ دیمروئی ءِ واستہ۔ مزن وزیر ءَ پاکستان ءِ تر ءُ تاب ءِ پد ءَ شہزادہ رحیم آغا خان پنجم ءِ شگر ءُ منت گپت ءُ گوشت کہ پاکستان مدام آئی ءِ دومی گس بیت۔ آئی ءَ امیت کت کہ شہزادہ رحیم ءِ باقاعدہ تر ءُ تاب پاکستان ءُ اسماعیلی کمیونٹی ءِ نیام ءَ دیریں سیادی ءَ را گیش مھکم کنت۔ مزن وزیر ءَ اسلام آباد ءِ گپ ءُ تران ءِ واستہ سرینا ہوٹل ءِ مفت ءَ پجارینگ ءِ واستہ شہزادہ رحیم آغا خان پنجم ءِ ہم منت واری ءِ درشانی کت۔ مزن وزیر ءَ شہزادہ رحیم ءِ پت شہزادہ کریم آغا خان چہارم ءِ بیرانی ءِ سر ءَ دل ءِ جہلانکی ءَ دلپدردی ءِ درشان کت۔ مزن وزیر ءَ شہزادہ کریم آغا خان ءِ پاکستان ءِ گوما نزیک ءَ ھپت دہائی آنی سر ءَ ھواریں جزم ءُ آئی ءِ برجاھیں انسانی کمک ءِ ھزمت آنی سر ءَ شگر ءُ منت گپت۔ مزن وزیر ءَ پاکستان ءِ واستہ شہزادہ کریم آغا خان چہارم ءِ ازمت آنی اعتراف ءَ پاکستان پوسٹ ءِ نیمگ ءَ جاڑی بوتگیں یاتگاری ٹکٹ ھم پیش کت۔ شہزادہ رحیم آغا خان پنجم ءَ مزن وزیر ءِ پاکستان ءَ وش اتک کنگ ءِ منت گپت ءُ انسانی کمک ءِ جتا جتائیں گامگیج آنی تہ ءَ پاکستان ءِ گوما کمک ءَ را برجاہ دارگ ءِ واھشت ءِ درشان کت۔