پاک فوج ءِ افسر ءُ ورنا  وتی بہادری ءُ شرپداریں ازمتانی پد ءَ 50 ستارہ امتیاز (ملٹری)  ءُ 12 میڈل آف میرٹ داد دیگ بوت

راولپنڈی۔21مئی  (اے پی پی): پاک فوج ءِ افسر ءُ سپاھیگاں آپریشن ءِ تہ ءَ شجاعت ءُ شرپداریں ازمت آنی پد ءَ 50 ستارہ امتیاز (ملٹری)  ءُ 12 میڈل آف میرٹ داتگ۔ پنچ شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ جنرل ہیڈ کوارٹر راولپنڈی ءَ پاک فوج ءِ افسر ءُ سپاھیگ آناں فوجی ایوارڈ دیگ ءِ مراگش برجم دارگ بوتگ۔ پاک اُرد ءِ سروک ءُ دفاعی اُرد ءِ سروک فیلڈ مارشل سید  عاصم منیر ءَ ھاسیں مہمان ءِ بستار ءَ شہید آنی ھاندان، افسر ءُ سپاھیگ آناں آپریشن آنی تہ ءَ شجاعت ءُ شرپداریں ازمت آنی ستا ءَ داد دات۔ مراگش ءَ ستارہ امتیاز (ملٹری)  ءُ 12 میڈل آف میرٹ ءَ آپریشن ءِ تہ ءَ وتی بہادری ءُ شرپداریں ازمت آنی واستہ بھر زوری کتگ۔ ءُ 12 بہادری ءِ داد  دیگ بوتگ انت۔ شہادت ءِ پد ءِ داد شہیدانی کھول ءِ نیمگ ءَ گوں شان ءُ شان ءَ زرت انت۔ فیلڈ مارشل سید  عاصم منیر  ءَ شہید ءُ پیشہ ور آناں شگر ءُ منت وار کنان ءَ گوشت کہ شہید  ءُ  کزبی    راج ءِ ابدمانیں شان اَنت، آھانی عزت ءُ قربانی ھمک پاکستانی ءِ واستہ شرپ مندیں  امانت اِنت، مئے وطن ءِ امن ءُ ایمنی آوانی مزنیں قربانی ءُ فرض ءِ احساس ءِ سبب اِنت۔ فیلڈ مارشل ءَ شہید آنی ھاندان آنی استقامت، شرپ ءُ مھکم بوھگ ءِ سر ءَ ھم مزنیں شگر ءُ منت گپت، آوانی بے دروریں قربانی ءُ وطن ءِ ھاترا بے دروریں عزم ءِ ساڑاھگ ءِ درشانی کت۔ پاک فوج ءُ کانود ءِ نفاذ ءِ ادارگ آنی آپریشنل کارکردگی ءُ بے مٹیں جزم ءِ توسیپ کنان ءَ فیلڈ مارشل سید  عاصم منیر  ءَ ناشرکار آنی ھلاپ ءَ آوانی برجاھیں کوشست آناں توسیپ کت ءُ اے جزم ءِ سر ءَ زور پر دات کہ ناشرکاری ءِ ھلاپ ءَ جنگ راجی جزم ءِ گوما برجاہ بیت تاں سرجمیں ملک ءَ دائمی امن ءُ ایمنی ءِ ھاترا جھد کنگ بہ بیت۔