وزیر دفاع خواجہ محمد آصف برطانیہ ءِ ہائی کمشنر جین میریٹ  ءَ گوں گند ءُ نند ءَ وت مہ وتی مفاد ءِ جیڈھ آنی سر ءَ گپ ءُ تران

اسلام آباد۔21مئی  (اے پی پی):وزیر دفاع خواجہ محمد آصف ءَ پنچ شمبے ءِ روچ ءَ اسلام آباد ءَ پاکستان ءِ واستہ برطانیہ ءِ ہائی کمشنر جین میریٹ  ءَ گوں گند ءُ نند کتگ، ایشی ءِ تہ ءَ وت مہ وتی واھند ءِ جیڈھ آنی سر ءَ گپ ءُ تران کنگ بوتگ۔ پنچ شمبے ءِ روچ ءَ وزارت دفاع ءِ نیمگ ءَ جاڑی بوتگیں بیان ءِ رد ءَ وزیر دفاع ءَ ہائی کمشنر ءَ را گرمیں وش اتک کتگ ءُ دوئیں ملک آنی نیام ءَ دو نیمگی سیادی ءَ را گیش گہتر کنگ ءِ واھشت ءِ درشان کتگ۔ گند ءُ نند ءِ ساھت ءَ وت مہ وتی ھب ءُ واھگ ءِ جیڈھ آنی سر ءَ ھیال ریچی کنگ بوت۔ گند ءُ نند پاکستان ءُ برطانیہ ءِ نیام ءَ دیریں شریکداری ءَ را گیش مھکم کنگ ءُ جوڑیشت ءِ رابطہ آناں برجاہ دارگ ءِ جزم ءِ گوما آسر بوت۔