نائب مزن وزیر ءُ دری کارانی وزیر اسحاق ڈار ءَ بنگلہ دیش ءِ مزنیں حکومت ءِ کارندہ آنی ڈل ءَ را وزارت ءِ درئی کار ءَ وش اتک

اسلام آباد۔20مئی  (اے پی پی): وزارت ءِ درئی کار ءَ نائب مزن وزیر ءُ دری کارانی وزیر اسحاق ڈار ءَ چار شمبے ءِ روچ ءَ بنگلہ دیش ءِ سرکاری مزنیں کارندہ آنی ڈل ءَ را وزارت ءِ درئی کار ءَ وش اتک کت۔ اے ڈل پاکستان بنگلہ دیش زانشتی راہداری ءِ گامگیج ءِ رد ءَ پاکستان ءِ تر ءُ تاب ءَ کنگ ءَ انت ءُ لاہور ءَ سول سروسز اکیڈمی ءَ سئے ہفتگ ءِ ایگزیکٹو ڈویلپمنٹ پروگرام ءَ بہر زور انت۔ دری کارانی کارگس ءِ نیمگ ءَ چہ جاڑی بوتگیں بیان ءِ رد ءَ اے تر ءُ تاب کہ 53سال ءَ پد بوھگ ءَ اِنت دو نیمگی ادارگی تبادلہ آنی تہ ءَ سنگ میل ءِ نشان اِنت۔ اگست 2025 ءَ نائب مزن وزیر ءُ درئی کارانی وزیر ءِ ڈھاکہ ءِ تر ءُ تاب ءِ ساھت ءَ علمی راہداری ءِ بندات کنگ بوتگ ات، ایشی ءِ تہ ءَ آئی ءَ پنچ سال ءِ تہ ءَ بنگلہ دیشی نودربر آنی واستہ 500 اسکالرشپ ءِ جار جتگ ات۔ انوگ ءَ تاں 74 بنگلہ دیشی نودربر پاکستان ءَ ہائیر ایجوکیشن ءِ وانگ ءَ انت۔ نائب مزن وزیر محمد اسحاق ڈار ءَ گوشت کہ اے مبادلہ پاکستان ءُ بنگلہ دیش ءِ سیادی آنی تہ ءَ گیش بوھوکیں جوانیں مومنٹم ءِ درشان انت۔ آئی ءَ سروکی ءِ تک ءَ برجمیں رابطہ، ادارگی کمک ءُ مردم آنی نیام ءَ سیادی ءِ سر ءَ ھم زور پر دات۔