نیشنل ایمرجنسی آپریشن سنٹر ءِ سرجمیں ملک ءَ پولیو ءِ ھلاپ ءَ کمپین ءِ وھد ءَ 9 لکھ  زھگاں 2 روچ ءِ تہ ءَ ویکسین کنگ بوتگ

اسلام آباد۔20مئی  (اے پی پی): سرجمیں ملک ءَ 79 خاصیں ضلع آنی تہ ءَ پولیو ءِ ھلاپ ءَ مہم ءِ 2 روچ آنی تہ ءَ 9 لکھ  ءَ چہ گیش زھگ آناں پولیو ءِ ھلاپ ءَ ویکسین کنگ بوتگ۔ نیشنل ایمرجنسی آپریشن سینٹر ءِ رد ءَ پولیو ءِ ھلاپ ءَ مہم 18مئی ءَ بگر داں 24 مئی ءَ برجاہ بیت ایشی ءِ تہ ءَ سرجمیں ملک ءَ نزیک ءَ 19ملین زھگ آناں ویکسین کنگ ءِ ٹارگٹ ایر کنگ بوتگ۔ نیشنل ای او سی ءِ کارندہ آں گشتگ کہ سرجمیں ملک ءَ دروازگ ءَ چہ دروازگ ءَ روگ ءَ چہ اے مہلکیں نادراہی ءَ چہ زھگاں رکھینگ ءِ راجی مشن ءَ 163 ہزار ءَ چہ گیش پولیو ءِ کارندہ بہر زورگ ءَ انت۔ اعداد و شمار ءِ رد ءَ پنجاب ءَ پولیو ءِ ھلاپ ءَ 33,63,000 ءَ چہ گیش زھگاں ویکسین کنگ بوتگ۔ سندھ ءَ 36,82,000 ءَ چہ گیش زھگ، خیبرپختونخوا ءَ 2.6 ملین 7 ھزار ءَ چہ گیش، بلوچستان ءَ 1.052 ملین ءَ چہ گیش ءُ اسلام آباد ءَ 2.81 ملین ءَ چہ گیش زھگ پولیو ءِ ھلاپ ءَ ویکسین کنگ بوتگ اَنت۔ نیشنل ای او سی ءِ کارندہاں مات ءُ پتاں چہ اپیل کتگ کہ پولیو یک بے درمانیں نادراہی یے کہ آ زھگاں زندمان ءِ واستہ ناتوان کنت، پمیشکا آھانی 5 سال ءِ عمر ءَ تاں زھگاں ھر پولیو مہم ءِ وھد ءَ ویکسین کنگ المی اِنت دانکہ پاکستان پولیو ءَ چہ پاک کنگ بہ بیت۔ پولیو ٹیم ءَ گوں رابطہ کنگ یا شکایت رجسٹر کنگ ءِ ھاتر ءَ 1166 ءَ گوں فون کنگ یا 7776546.0346 ءَ واٹس ایپ ءِ کلوہ دیم دیگ بیت۔