وزیر مملکت وجیہہ قمر ءَ گتر چیریٹی پاکستان کارگس ءِ تر ءُ تاب کت، نزوریں ٹک آنی واستہ جوانیں وانگ ءُ زانگ ءِ دیمروئی ءُ کمک ءِ بابت ءَ گپ ءُ تران

اسلام آباد۔20مئی  (اے پی پی): وفاقی وانگ ءُ زانگ ءُ پیشہ وارانہ تربیت ءِ وزیر ءِ مملکت واجہہ قمر ءَ گتر چیریٹی پاکستان کنٹری آفس ءِ تر ءُ تاب کت ایشی ءِ تہ ءَ نزوریں ٹک آنی واستہ جوانیں وانگ ءُ زانگ ءِ دیمروئی ءُ وانگ ءُ زانگ ءِ شوبگ ءَ کمک ءِ دیمروئی ءِ ھوالگ ءَ گپ ءُ تران کنگ بوت۔ چار شمبے ءِ روچ ءَ وزارت وانگ ءُ زانگ ءِ نیمگ ءَ جاڑی بوتگیں پریس ریلیز ءِ رد ءَ وزیر ءِ مملکت ءَ را سر بوھگ ءِ سر ءَ گتر چیریٹی پاکستان کنٹری ڈائریکٹر عثمان ابو حجلیہ ءَ آئی ءَ را وش آتک کتگ۔ تر ءُ تاب ءِ ساھت ءَ وزیر ءِ مملکت ءَ را پاکستان ءَ تنظیم ءِ وشھالی ءُ دیمروئی ءِ کار آنی بابت ءَ ھاسیں رنگ ءَ وانگ ءُ زانگ ءِ شوبگ ءَ جاری گامگیج آنی بابت ءَ سرپد کنگ بوت۔ بریفنگ ءَ گوشت بوت کہ گتر چیریٹی پاکستان ملک ءِ جتاجتائیں نزوریں دمگ آنی تہ ءَ وانگ ءُ زانگ ءِ آسراتی ءَ گہتر کنگ، مستحقیں زھگ آنی کمک ءُ وانگ ءُ زانگ ءِ بنیات ءِ مھکم کنگ ءِ واستہ جتاجتائیں منصوبگ آنی سر ءَ کار کنگ ءَ اِنت۔ اے موہ ءِ سر ءَ واجہہ قمر ءَ پاکستان ءَ وانگ ءُ زانگ ءِ دیمروئی ءُ چاگردی گہبودی ءِ واستہ گتر چیریٹی ءِ ازمت آناں ساڑات ۔ آئی ءَ گوشت کہ حکومت دیمروئی ادارگ آنی گوما شریکداری ءَ را گیش مھکم کنگ ءِ واستہ جزمیگ انت تانکہ کوالٹی ءُ یکسانیں وانگ ءُ زانگ ءِ موہ پجاری بہ بنت۔ وزیر مملکت ءُ عثمان ابو حجلیہ ءَ آیوکیں وھد ءَ کمک ءِ امکانات ءُ نزوریں تبک آناں وانگ ءُ زانگ ءِ آسراتی ءِ پجاری ءَ را گیش شاھیگانی  دیگ ءِ سر ءَ ھم گپ ءُ تران کت۔ دوئیں نیمگ ءَ پاکستان ءَ برجمیں وانگ ءُ زانگ ءِ دیمروئی ءُ زھگ ءُ ورنا آنی واستہ جوانیں وانگ ءُ زانگ ءِ موہ پجاری ءِ واستہ وتی جزم ءِ یک رند ءَ پدر کت۔