آف شور تیل ءُ گیس ءِ شوھازگ ءِ منوگری آنی سر ءَ دستخط کنگ حکومت ءِ توانائی ءِ پالیشی ءِ تہ ءَ یک راجدپتری سنگ میل ءِ اِنت، پٹرولیم ءِ وفاقی وزیر

اسلام آباد۔20مئی  (اے پی پی):پٹرولیم ءِ وفاقی وزیر علی پرویز ملک ءَ گوشت کہ آف شور تیل ءُ گیس ءِ شوھازگ ءِ منوگری آنی سر ءَ دستخط کنگ حکومت ءِ توانائی ءِ پالیشی ءِ تہ ءَ راجدپتری سنگ میل اِنت۔ حکومت آف شور ریسرچ ءِ زندگ کنگ، سرمایہ کاری ءَ را گیش کنگ ءُ درآمد بوتگیں ایندھن ءِ سر ءَ انحصار ءَ را کم کنگ ءِ ھاترا جزم اِنت۔ آف شور پٹرولیم ءِ رھبند آنی سر ءَ عمل کنگ ءُ ماڈل پیداوار ءِ بھر ءُ بانگ ءِ منوگری آنی جاری کنگ ءَ چہ شفافیت ءُ سرمایہ کار آنی اعتماد ءَ را گیش کنگ بیت۔ آئی ءَ اے ھیالانی درشانی آف شور تیل ءُ گیس ءِ پٹ ءُ پول ءِ واستہ آف شور بولی راؤنڈ 2025 ءِ چیر دستی ءَ پیداوار ءِ بھر ءُ بانگ ءِ منوگری ءُ پٹ ءُ پول ءِ لائسنس آنی سر ءَ دستخط کنگ ءِ مراگش ءَ گشتانک دیان ءَ کت۔ مراگش ءَ گوں تران کنان ءَ وفاقی وزیر پٹرولیم ءَ اے دیمروئی ءَ را آف شور ریسرچ ءِ شوبگ ءَ را زندگ کنگ، ملکی ءُ درملکی سرمایہ کاری ءَ را دیمروئی دیگ ءُ درآمد بوتگیں توانائی ءِ سر ءَ انحصار ءَ را کم کنگ ءِ ھاترا حکومت ءِ کوشست آنی تہ ءَ یک ھاسیں سنگ میل ءِ رنگ ءَ گوشت۔ آئی ءَ گوشت کہ اے منوگری پاکستان ءِ آف شور اپ اسٹریم سیکٹر ءِ سر ءَ سرمایہ کار آنی دل یکیمی ءِ درشان اَنت کہ ایشی ءِ دمگ 282ہزار 623 مربع کلومیٹر اِنت وھدیکہ پاکستان ءِ جوڑ بوھگ ءَ چہ ادا ایوک ءَ 18ویل ءِ ڈرل کنگ بوتگ۔ وفاقی وزیر ءَ گوشت کہ آف شور بولی ءِ راؤنڈ ءِ سوبمندیں سرجمی ءَ چہ حکومت ءِ یک شفاف ءُ سرمایہ کار دوستیں ریگولیٹری فریم ورک ءِ وسیلگ ءَ پاکستان ءَ را یک معتبر ءُ مقابلہ ءِ آف شور منزل ءِ رنگ ءَ پیش کنگ ءِ جزم ءِ درشان اِنت۔ اے درگت ءَ آف شور پٹرولیم رولز ءُ ماڈل پروڈکشن شیئرنگ ایگریمنٹ ءِ جار جنگ ءَ را بولی پیکج ءِ بھر جوڑ کنگ بوتگ تانکہ شفافیت، مقابلہ ءُ سرمایہ کار آنی اعتماد ءَ را گیش دیمروئی دیگ بہ بیت۔ علی پرویز ملک ءَ اے عزم ءِ یک رندے پدر کتگ کہ حکومت بنجاہی توانائی وسیلگ آنی پائیدار دیمروئی ءِ واستہ یک مھکم، شفاف ءُ سرمایہ کار دوستیں چاگرد ءِ پھجارینگ ءَ برجاہ دار ایت۔ پٹرولیم ڈویژن ءِ نیمگ ءَ چہ جاڑی بوتگیں بیان ءِ رد ءَ بنداتی سئے سالی لائسنس ءِ مدت ءِ اولی بھر ءَ 82ملین ڈالر ءِ سرمایہ کاری کنگ بیت۔ اگاں دومی بھر ءَ ڈرلنگ دیمروئی بہ کنت گڑا کلیں سرمایہ کاری ءِ کساس یک ارب ڈالر ءَ سر بوھگ ءِ امکان اِنت۔ سندھ ءُ بلوچستان ءِ ساحلی سیمسراں گوں ہمگرنچیں سندھ ءُ مکران ءِ آف شور بیسن ءَ بلاک ایر کنگ بوتگ انت۔ بیان ءِ رد ءَ آف شور بولی راؤنڈ 2025 ءَ 54ہزار 600 مربع کلومیٹر ءِ رقبہ ءِ 23 بلاک منظور کنگ بوتگ انت وھدیکہ دو بلاک آف شور ڈیپ سی ءُ آف شور ڈیپ ایف ءِ واستہ منوگری ءِ سر ءَ مزن وزیر گس ءَ دستخط کنگ ،   دو بلاکس آف شور ڈیپ-C  ءُ  آف شور ڈیپ-F  ءِ منوگری   2 دسمبر 2025  ءَ مزن وزیر کارگس ءَ منوگری بوت۔ شیئرنگ ءِ منوگری مرچی آف شور بولی راؤنڈ 2025 ءِ منوگری ءِ فریم ورک سرجم بوتگ۔ ماری انرجیز ءَ 23 ءِ تہ ءَ 18 بلاک آپریٹر ءِ بستار ءَ جتگ ءُ 5 بلاک جوائنٹ وینچر پارٹنر ءِ بستار ءَ جتگ، او جی ڈی سی ایل ءُ پی پی ایل ءَ را 8 ایکسپلوریشن بلاک الاٹ کنگ بوتگ کہ ایشی ءِ تہ ءَ دو بلاک آپریٹر ءِ بستار ءَ ھوار انت۔ پرائم گلوبل انرجیز ءَ را آپریٹر ءِ بستار ءَ یک بلاک ءِ الاٹ کنگ بوتگ، یونائیٹڈ انرجی پاکستان لمیٹڈ ءُ اورینٹ پٹرولیم انکارپوریٹڈ ھم یکجائی منصوبگ ءِ شریک اَنت۔ اولی بھر ءَ جیولوجیکل ءُ جیو فزیکل ءِ پٹ ءُ پول ھوار بیت ایشی ءِ تہ ءَ زلزلہ ءِ ڈیٹا ءِ یکجا کنگ، پروسیسنگ ھوار بیت، جوانیں آسراتی ءِ وھد ءَ دومی بھر ءِ چیر دستی ءَ آف شور آئل ءُ گیس ءِ پٹ ءُ پول ءِ واستہ پٹ ءُ پولی کنوکانی ڈرل کنگ بیت۔ ایوارڈ یافتہ کمپنی آں سندھ ءُ بلوچستان ءِ کوہستانی دمگ آنی تہ ءَ چاگردی وشھالی ءُ صلاحیت سازی منصوبگ آنی واستہ ھاسیں گامگیج آنی ھم دل یکیمی داتگ۔