پاک چین ءِ دوستی ءِ ابدمانیں بندش نسلاں چہ گیش اِنت، اے مئے دلانی سک نزیک اِنت، وفاقی وزیر ءِ زانتکاری عطا اللہ تارڑ ءَ پاک چین ءِ سفارتی سیادی ءِ 75 سال ءِ سرجمی ءِ سر ءَ ”پاک چین ءِ دود ءُ ربیدگی شام“ ءَ گوں تران

اسلام آباد۔20مئی  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ پاک چین ءِ دوستی یک انچیں سیادی یے کہ مئے دیم ءَ نسل ءَ چہ نسل ءَ دیم ءَ اتکگ، دوئیں ملک آنی نیام ءَ دہائی آنی تہ ءَ دوستی ءِ سیادی جوڑ بوتگ، ما پاک چین ءِ نیام ءَ دوستی ءِ بابت ءَ کسہ گوشدارگ ءَ ایں ءُ اے مئے آیوکیں نسل آنی تہ ءَ مئے دوستی ءِ بابت ءَ کسہ گوشدارگ ءَ ایں ۔ آئی ءَ اے ھیالانی درشانی پاک چین ءِ سفارتی سیادی ءِ 75سال ءِ سرجمی ءِ ھوالگ ءَ پاک چین دوستی مرکز ءَ وزارت ءِ اھوالکاری ءُ شنگکاری ءِ نیمگ ءَ برجم داشتگیں ’’پاک چین دود ءُ ربیدگی شام‘‘ ءِ مراگش ءَ گوں تران کنان ءَ کت۔ اے مراگش ءِ تہ ءَ ھاسیں مہمان وفاقی وزیر ءِ منصوبگ بندی، دیمروئی ءُ ھاسیں گامگیج پروفیسر احسن اقبال، پارلیمانی سیکرٹری اطلاعات و نشریات دانیال چوہدری، وفاقی سیکرٹری اطلاعات و نشریات اشفاق احمد خلیل، چینی سفارت خانے کے ڈپٹی ہیڈ آف مشن  شی یوآن کیانگ   ساڑی ات۔   کیانگ ءُ دگہ ھاسیں مردماں ھوار بوتگ اَنت۔ وفاقی وزیر اطلاعات عطا اللہ تارڑ ءَ اے باوقاریں مراگش ءِ برجم دارگ ءِ ھاتر ءَ جارچین آناں مبارکی دات۔ مراگش ءَ گوں گشتانک دیان ءَ آئی ءَ گوشت کہ پاکستان ءُ چین ءِ نیام ءَ دہائیاں چہ دوستی ءِ سیادی جوڑ بوتگ انت، دوئیں ملک آنی نیام ءَ سیادی وھد ءِ گوزگ ءَ گوں گیش مھکم ءُ مھکم بوتگ انت۔ آئی ءَ گوشت کہ پاک چینی دوستی یک انچیں سیادی یے کہ مارا نسل ءَ چہ نسل ءَ سر بوتگ ءُ مئے دل ءَ سک نزیک انت، ما وتی پیرین آنی نیمگ ءَ چہ پاک چینی دوستی ءِ بابت ءَ کسہ اِش کنگ ءَ بوتگ انت ءُ اے کسہاں ما وتی آیوکیں باندات ءَ را دیم ءَ کاراں۔ آئی ءَ گوشت کہ پاکستان ءُ چین نا ایوک ءَ کوہ ءُ دریا آنی تہ ءَ بھر ءُ بانگ کن اَنت بلکینگ ءَ یک مھکمیں سیادی ءِ تہ ءَ ھم بندوک اَنت کہ کدی پروشگ نہ بیت۔ وفاقی وزیر ءَ گوشت کہ دود ءُ ربیدگی مراگش ءَ پاکستان ءُ چین ءِ زھگ آنی نیمگ ءَ جوانیں کارکردگی ءِ گندگ ءَ چہ سک باز وشی بوتگ۔ آئی ءَ گوشت کہ وفاقی سیکرٹری برائے اھوالکاری، ڈی جی ای پی ونگ ءُ آھانی سرجمیں ٹیم مبارکی ءِ مستحق انت۔ آئی ءَ ھاسیں مہمان پروفیسر احسن اقبال ءَ را مراگش ءِ تہ ءَ بھر زوری ءِ پد ءَ وش اتک کت۔ آئی ءَ گوشت کہ پروفیسر احسن اقبال پاک چین دوستی ءِ مھکمیں حمایتی بوتگ، سی پیک دوم ءِ دیمروئی ءِ تہ ءَ آئی ءِ مستریں کرد مزن وزیر محمد شہباز شریف ءِ چین ءِ گوستگیں تر ءُ تاب ءِ وھد ءَ پروفیسر احسن اقبال ءَ اے دل یکیمی ءِ گوما دیم ءَ شتگ کہ پاک چین دوستی ءَ چہ اے ملک ءَ را وشھالی ءِ دیم ءَ برگ بیت۔ وفاقی وزیر اطلاعات ءَ پروفیسر احسن اقبال ءَ را مراگش ءَ گشتانک دیگ ءِ دعوت داتگ۔ ایشی ءَ چہ پیسر وفاقی سیکرٹری انفارمیشن اشفاق احمد خلیل ءُ چین ءِ مشن ءِ نائب سروک شی یوآن کیانگ ءَ ھم مراگش ءَ گوں تران کت۔ وفاقی سیکرٹری برائے اھوالکاری اشفاق احمد خلیل ءَ مراگش ءَ ھواریں درستیں شرپداریں مہمان آناں وش اتک کت۔ آئی ءَ گوشت کہ پاکستان ءُ چین ءِ سیادی مھکمیں روایات، یکجائی قدر ءُ شریکداری ءِ یک دراجیں راجدپتر ءِ سر ءَ جوڑ کنگ بوتگ انت ایشی ءَ چہ دوئیں ملک آنی نیام ءَ برجاھیں دوستی ءَ را گیش مھکم کنگ بیت۔ آئی ءَ گوشت کہ بیپار، معیشت ءُ اسٹریٹجک کمک ءَ ابید مردم ءِ نیام ءَ مردم آنی رابطہ آنی وسیلگ ءَ ھم دوئیں ملک آنی نیام ءَ سیادی مھکم کنگ بوتگ انت۔ انفارمیشن سیکرٹری ءَ گوشت کہ دود ءُ ربیدگ ءِ تہ ءَ مردم آناں انچیں رنگ ءَ نزیک کنگ ءِ توان ھست کہ برے برے سرکاری دستاویزات ءِ تہ ءَ ھم نزیکی نہ بیت، وھدیکہ گپ ءُ تران، موسیقی ءُ یکجاھیں تجربگ یکے دومی ءِ سر ءَ سرپدی ءُ ستا ءَ را گیش کن اَنت۔ آئی ءَ گوشت کہ دوئیں ملک آنی نیام ءَ سفارتی سیادی ءِ 75سال ءِ مراگش اے گپ ءِ یات انت کہ پائیداریں دوستی ایوک ءَ پالیسی سازی ءِ کوٹی آنی تہ ءَ بندوک نہ انت۔ اے نہ مانیت بلکیں چوشیں وشیں ساھتاں ھم رُست کنت۔ آئی ءَ مراگش ءِ برجم دارگ ءَ ھواریں درستیں ادارگ، ازمکار، جارچین ءُ شرپداریں مہمان آنی منت گپت ءُ امیت کت کہ اے دود ءُ ربیدگ ءِ شام ءَ بھر زوروک آنی واستہ پاکستان ءُ چین ءِ نیام ءَ ابدمانیں دوستی ءِ بابت ءَ یاتگاریں ساھت، بامردیں گپ ءُ تران ءُ نوکیں احساسات ءِ سبب جوڑ بیت۔ چینی سفارتخانہ ءِ مشن ءِ نائب سروک شی یوآن کیانگ ءَ مراگش ءَ گوں تران کنان ءَ پاکستان ءُ چین ءِ نیام ءَ دوستی ءَ را بے دروریں دوستی لیک اتگ۔ آئی ءَ گوشت کہ دوئیں ملک آنی راجدپتری سیادی آنی دُگنیا گواہ اِنت، ھمک موہ ءِ سر ءَ یک ءِ دومی ءِ گوما اوشتاتگ اَنت۔ آئی ءَ گوشت کہ پاکستان ءِ دیمروئی ءِ واستہ ھمک رنگ ءِ کمک ءَ دیم ءَ براں۔ ایشی ءَ چہ پیسر مراگش ءَ سر بوھگ ءَ پد وفاقی وزیر پروفیسر احسن اقبال ءُ عطا اللہ تارڑ ءَ جتا جتائیں اسٹال آنی تر ءُ تاب کت۔ اے مراگش ءَ دوئیں ملک آنی زھگاں سک باز وشیں کارکردگی پیش داشتگ۔ مراگش ءِ گڈسرا چین ءُ پاکستان ءِ سفارتی سیادی ءِ 75 سالی روچ ءِ درگت ءَ  وفاقی وزرا  پروفیسر احسن اقبال  ءُ   عطاء اللہ تارڑ،چین  ءِ  ڈپٹی ہیڈ آف مشن شی یوآن کیانگ، سیکرٹری اطلاعات اشفاق احمد خلیل ءُ دگہ بازیں مردماں ھم چین ءُ پاکستان ءِ سفارتی سیادی ءِ 75 سالی روچ ءِ درگت ءَ کیک ءِ کپ کت۔