سردار یاسر الیاس خان ءَ وفاقی وزیر محمد حنیف عباسی ءَ گوں گند ءُ نند کتگ، سیل ءُ سواد ءِ دیمروئی ءُ ریلوے ءِ وسیلگ ءَ سیل ءُ سواد ءِ جاہ آنی رسائی ءَ را گہتر کنگ ءِ بابت ءَ گپ ءُ تران

اسلام آباد۔20مئی  (اے پی پی): مزن وزیر ءِ سیل ءُ سواد ءِ مشیر سردار یاسر الیاس خان ءَ ریلوے ءِ وفاقی وزیر محمد حنیف عباسی ءَ گوں گند ءُ نند کت، ایشی ءِ تہ ءَ وت مہ وتی مفاد ءِ جیڈھ، پاکستان ءَ سیل ءُ سواد ءِ دیمروئی ءُ ریلوے ءِ وسیلگ ءَ سیل ءُ سواد ءِ جاھاں رسائی ءَ را گہتر کنگ ءِ جیڈھ آنی سر ءَ سرجمیں رنگ ءَ گپ ءُ تران کنگ بوت۔ گند ءُ نند ءِ تہ ءَ سیل ءُ سواد ءِ دیمروئی ءِ واستہ پاکستان ریلوے ءِ راجدپتری مراث، کوھنیں ریلوے اسٹیشن ءُ میراثی ساھت آناں جوانیں رنگ ءَ کارمرد کنگ ءِ سر ءَ تپاک کنگ بوت۔ اے موہ ءِ سر ءَ گولرا ءَ چہ روگ ءَ سفاری ٹرین ءَ ھوار  ماڑی ءُ سیل سوادی ٹرین سروسز ءِ کرد ءَ را ھم ساڑاھگ بوت۔ سردار یاسر الیاس خان ءَ گوشت کہ پاکستان ریلوے ءِ راجدپتری مڈّی ملکی سیل ءُ سواد ءِ واستہ یک ارزشتی ایں سرڈگار انت، ایشی ءَ را نوکیں لوٹ آنی رد ءَ ھمگرنچ کنان ءَ سیل ءُ سواد کنوک آنی واستہ گیش دلکش جوڑ کنگ بوت کنت۔ ریلوے ءِ وفاقی وزیر محمد حنیف عباسی ءَ ریلوے ءِ میراث ءِ رکھینگ ءُ سیل ءُ سواد ءِ کار آنی گوما یکجا کنگ ءِ جزم ءِ درشان کنان ءَ گوشت کہ پاکستان ریلوے سیل ءُ سواد ءِ دیمروئی ءِ واستہ ھاسیں کرد پیلو کت کنت۔ دیوان ءَ رودراتکی دمگ آنی تہ ءَ مذھبی، راجدپتری ءُ سیل ءُ سواد ءِ راہ آناں گیش فعال کنگ، سیل ءُ سواد ءِ واستہ ھاسیں ٹرین پیکج ءِ دیم ءَ آرگ ءُ نوکیں سفری آسراتی آنی پھجارینگ ءِ ضلورت ءِ سر ءَ ھم زور پر دیگ بوت۔