پاکستان گندھرا تہذیب ءِ مزنیں میراث ءِ رکھینگ، دیمروئی ءُ آیوکیں نسلاں سر کنگ ءِ ھاترا جزم انت، اورنگزیب خان کھچی

اسلام آباد۔19مئی  (اے پی پی): راجی ورثہ ءُ دود ءُ ربیدگ ءِ ڈویژن ءِ وفاقی وزیر اورنگزیب خان کھچی ءَ گوشت کہ پاکستان ءَ را دگنیا ءِ مستریں بودھ دود ءُ ربیدگ ءِ مراگش آنی تہ ءَ یکے ءِ نگہبان بوھگ ءِ سر ءَ پھر اِنت ءُ گندھارا تہذیب ءِ مزنیں ورثہ ءِ رکھینگ، دیمروئی ءُ آیوکیں نسل آنی تہ ءَ سر کنگ ءِ واستہ جزم اِنت۔ گندھارا تہذیب ءُ گوتم بدھ ءِ تعلیمات انسانیت ءَ رواداری، ہمزوری، گپ ءُ تران ءُ امن ءِ پیغام دنت۔ کوھنیں گندھارا تہذیب کہ آئی ءِ نشان ٹیکسلا، سوات، پشاور، مردان ءُ چارسڈا ءَ شنگ ءُ تالان انت، آئی ءَ بودھ ءِ تعلیمات، آرٹ، آرکیٹیکچر ءُ فلسفہ ءِ دیمروئی ءِ تہا تاریخی کرد پیلو کتگ۔ آئی ءَ سئے شمبے ءِ روچ ءَ قائداعظم یونیورسٹی ءِ ٹیکسلا انسٹی ٹیوٹ آف آرکیالوجی ءُ تہذیب آنی تہ ءَ برجم داشتگیں ’’پاکستان ءِ بودائی میراث ءِ ھوالگ ءَ سیمی میاں اوستمانی کانفرنس‘‘ ءِ بنگیج ءِ مراگش ءَ ھاسیں مہمان ءِ بستار ءَ گشتانک دیگ ءَ ات۔ وفاقی وزیر ءَ گوشت کہ اے کانفرنس ایوک ءَ اکیڈمک فورم ءِ نہ اِنت بلکیں ثقافتی گپ ءُ تران، اکیڈمک کمک ءُ جھان ءِ ھمگرنچی ءِ دیمروئی ءِ واستہ یک ھاسیں پلیٹ فارم ءِ اِنت۔ آئی ءَ قائداعظم یونیورسٹی ءِ انسانی بدھ مت ءِ پٹ ءُ پولی مرکز ءُ پاکستان ءِ گندھارا تہذیب ءِ رکھینگ، پٹ ءُ پول ءُ دیمروئی ءِ واستہ اے ھاسیں مچی ءِ برجم دارگ ءِ واستہ درستیں شریکیں ادارگ آناں ساڑات۔ آئی ءَ گوشت کہ کوھنیں گندھارا تہذیب ءِ نشان ٹیکسلا، سوات، پشاور، مردان ءُ چارسڈا ءَ پھیلان انت، بودھ ءِ تعلیم، آرٹ، آرکیٹیکچر ءُ فلسفہ ءِ دیمروئی ءِ تہ ءَ راجدپتری کرد پیلو کتگ۔ آئی ءَ گوشت کہ گندھارا تہذیب جنوبی ایشیائی ءُ یونانی دود ءُ ربیدگ آنی وشیں آمیزش ات ءُ انسانیت ءِ یکجائی دود ءُ ربیدگی ورثہ ءِ ارزشتی ایں بھر انت۔

وفاقی وزیر ءَ مزن وزیر شہباز شریف ءُ پنجاب ءِ سر وزیر مریم نواز شریف ءِ سروکی ءَ حکومت ءِ نیمگ ءَ چہ کتگیں گامگیج آنی ذکر کنان ءَ گوشت کہ پاکستان ءَ گوستگیں سال آنی تہ ءَ ھاسیں گامگیج چست کتگ چوشکہ بودھ ءِ ھاسیں آثار قدیمہ ءِ جاھ آناں بحالی ءُ رکھینگ، راجدپتری آثار قدیمہ ءِ میاں اوستمانی تعاون ءِ دیمروئی ءُ آثار قدیمہ ءِ دیمروئی ءِ جوانیں نگرانی ءُ انتظام کتگ۔ تاریخی نمونہ ءِ ڈیجیٹل دستاویزات، مذہبی سیل ءُ سواد ءِ دیمروئی، ءُ گندھارا ءِ ورثہ ءِ بابت ءَ جہانی سرپدی ءَ را گیش کنگ ءِ ھاتر ءَ کانفرنس ءُ دود ءُ ربیدگ ءِ تبادلہ ءِ برجم دارگ۔ آئی ءَ گوشت کہ پاکستان اے ارزشتی ایں میراث ءِ جوانیں رکھینگ ءَ را دل یکیمی کنگ ءِ واستہ میاں اوستمانی ادارگ، یونیورسٹی، آثار قدیمہ زانت ءُ دود ءُ ربیدگی شریک آنی گوما کمک ءَ را گیش مھکم کنگ ءَ انت۔ آئی ءَ گوشت کہ کانفرنس ءِ مول ءُ مراد بودھ میراث ءِ سر ءَ پٹ ءُ پول ءَ را دیمروئی دیگ، زانشتی گپ ءُ تران ءِ دلبڈی دیگ، آثار قدیمہ ءُ تحفظ ءِ شوبگ آنی تہ ءَ جھان ءِ کمک ءَ را مھکم کنگ ءُ بودھ تہذیب ءِ مرکز ءِ بستار ءَ پاکستان ءِ راجدپتری کرد ءَ را پدر کنگ اِنت۔ وفاقی وزیر ءَ گوشت کہ اے وھد ءَ کہ دگنیا ءِ تہ ءَ بھمک ءُ بانگ ءُ جیڈھ آنی تہ ءَ گندھار تہذیب ءُ گوتم بدھ ءِ تعلیم انسانیت ءَ را رواداری، ھمزوری، گپ ءُ تران ءُ امن ءِ پیغام ءَ دنت۔ آئی ءَ گوشت کہ اے قدر پاکستان ءِ دمگی یکوئی ءُ دود ءُ ربیدگی کمک ءِ وژن ءِ گوما سرجمی ءَ ھمگرنچ اَنت۔ آئی ءَ گوشت کہ پاکستان ءِ دود ءُ ربیدگی تنوع آئی ءِ مزنیں مھکم آنی تہ ءَ یک اِنت ءُ بودھ ءِ میراث ءِ رکھینگ مذھبی تنوع، دود ءُ ربیدگی کثرت پسندی ءُ یکجائی انسانی راجدپتر ءِ احترام ءِ درشان اِنت۔ وفاقی وزیر ءَ آثار قدیمہ ءِ ماھمکین، کنزرویٹر، یونیورسٹی، بنجاہی کمیونٹی ءُ دود ءُ ربیدگ ءِ ادارگ آنی ھزمت آنی ھم ستا کرتگ کہ آ اے گران بھائیں گنج آنی رکھینگ ءِ واستہ کار کنگ ءَ اَنت۔ آئی ءَ اے اُمیت ءِ درشانی کت کہ کانفرنس ءَ گندھارا تہذیب ءِ رکھینگ، دیمروئی ءُ جھان ءِ منگ ءِ واستہ جوانیں سفارشات دیم ءَ کیت۔ وفاقی وزیر ءَ پاکستان ءَ میاں اوستمانی نمائندگ آناں وش اتک کنان ءَ گوشت کہ اے کانفرنس ءَ چہ راج آنی نیام ءَ اکیڈمک کمک، دود ءُ ربیدگی دوستی ءُ وت مہ وتی شرپ ءَ را گیش دیمروئی رسیت۔ زانگ بہ بیت کہ پنچ روچی میاں اوستمانی کانفرنس 23مئی 2026ءَ تاں برجاہ بیت کہ ایشی ءِ بندوبست قائداعظم یونیورسٹی ءِ انسانی بدھ مت ءِ پٹ ءُ پولی مرکز ءَ راجی ءُ میاں اوستمانی شریکیں ادارگ آنی کمک ءَ کنگ ءَ اِنت۔ اے ادارہانی تہا ریشم ءِ راہ ءِ مرکز، ملایا یونیورسٹی ءِ انسانیت پسندی ءِ بدھ مت ءِ پٹ ءُ پولی مرکز، فو گوانگ شان ءِ وانگ ءُ زانگ ءِ مرکز ملائیشیا، پاکستان سیل ءُ سواد ءِ دیمروئی کارپوریشن ءُ خیبر پختونخوا ءِ آثار قدیمہ ءُ عجائب گھر ءِ شعبہ ھوار انت۔ اے دیوان ءِ تہ ءَ زانتکار، مذہبی رہشون، زندمان ءِ رکھینگ ءِ کارندہ، بودھ ملک آنی سفیر، پاکستان ءُ جتا جتائیں ملک آنی راہب ءُ ورنا آنی نمائندگ بھر زوری کنگ ءَ اَنت کہ آ پاکستان ءِ بودھ ءُ گندھارا ءِ ورثہ ءِ سر ءَ گپ ءُ تران ءُ اکیڈمک تبادلہ ءَ را دیم ءَ برگ ءَ اَنت کہ آ سیمی کرن ءَ پیسر چہ مسیح ءَ بندات بوتگ۔

کانفرنس ءِ تہا منیجنگ ڈائریکٹر اے پی پی عاصم کھچی ءُ  ادارُکی وائس چانسلر قائداعظم یونیورسٹی ڈاکٹر ظفر نواز جسپال ہم کانفرنس ءِ تہا گون اتنت۔ شریکیں مردم گندھرا ءِ دمگ ءِ بودھ ءِ ھاسیں راجدپتری جاھاں ھم تر ءُ تاب کن اَنت۔ منتظمین ءَ 2022 ءُ 2024 ءَ برجم داشتگیں پیسریگیں کانفرنس آنی واستہ راجی ورثہ ءُ دود ءُ ربیدگ ءِ ڈویژن ءِ برجاھیں کمک ءِ توسیپ کت ءُ گوشت کہ وزارت ءِ دلبڈی ءَ پاکستان ءِ دود ءُ ربیدگ ءُ مذہبی ورثہ ءَ را جھان ءِ تک ءَ پدر کنگ ءَ مزنیں کرد پیلو کتگ۔ ایشی ءَ چہ پیسر وفاقی وزیر ءَ قائداعظم یونیورسٹی ءَ نوک پچ بوتگیں گندھرا سینٹر ءُ لائبریری ءِ ھم تر ءُ تاب کت۔ آئی ءَ لائبریری ءَ بدھ مت ءِ بابت ءَ کتابانی ھم چار ءُ تپاس کت ءُ یونیورسٹی ءِ اے گامگیج ءِ ستا کرت۔