پارلیمنٹ گس ءَ ” راجی اسمبلی پاکستان ءِ اولی اے آئی ءِ وسیلگ ءَ پارلیمانی نظام ءُ سمارٹ ءُ موثر قانون سازی ءِ ھاتر ءَ اسپیکر ءِ کارگس ءِ اے آئی ءِ بنیاد ءَ ڈیجیٹل ٹرانسفارمیشن ءِ سافٹ لانچ ءِ مراگش

اسلام آباد۔19مئی  (اے پی پی): پارلیمنٹ ہاؤس اسلام آباد ءَ سئے شمبے ءِ روچ ءَ پارلیمنٹ ہاؤس اسلام آباد ءَ ’’قومی اسمبلی پاکستان ءِ اولی اے آئی ءِ وسیلگ ءَ پارلیمانی نظام ءُ سمارٹ ءُ موثر کانود سازی ءِ واستہ اسپیکر ءِ کارگس ءِ اے آئی ءِ بنیاد ءَ ڈیجیٹل ٹرانسفارمیشن‘‘ ءِ نرم لانچ ءِ مراگش برجم دارگ بوت۔ اے گامگیج مزن وزیر محمد شہباز شریف ءِ سروکی ءَ ، اسپیکر راجی اسمبلی سردار ایاز صادق ءِ وژن ءُ ڈیجیٹل نیشن پاکستان وژن ءِ سروکی ءَ بندات کنگ بوتگ ۔ اے موہ ءِ سر ءَ راجی اسمبلی ءِ اسپیکر سردار ایاز صادق ءَ گوشت کہ ادارگی کار ءُ کرد ءُ ساپ ءُ سلہ ائی ءِ دیمروئی ءَ ڈیجیٹلائزیشن ءِ ھاسیں کرد انت۔ آئی ءَ گوشت کہ کاگد ءِ سر ءَ پارلیمنٹ ءِ جوڑ کنگ ءِ واستہ راجی اسمبلی ءِ توامیں باسک آناں آئی پیڈ پجاری کنگ بوتگ چیا کہ پارلیمنٹ ءَ ھمک روچ ھزاراں دستاویز آنی سر ءَ کار کنگ بیت۔ آئی ءَ گوشت کہ سرجمی ءَ ڈیجیٹلائزیشن ءَ چہ پد راجی اسمبلی یک سرجمیں رنگ ءَ بے کاگد ئُُ ڈیجیٹل ءَ گوں بندوکیں پارلیمنٹ ءِ جوڑ بیت۔ اسپیکر راجی اسمبلی ءَ وزارت انفارمیشن ٹیکنالوجی ءُ نیشنل انفارمیشن ٹیکنالوجی بورڈ ءِ برجاھیں کمک ءَ را ساڑات ءُ گوشت کہ اے بدلی ءِ عمل ءَ را گیش مھکم کنگ ءِ واستہ وت مہ وتی کمک ءَ را برجاہ دارگ المی اِنت۔ آئی ءَ باسک راجی اسمبلی سیدہ آمنہ بٹول ءِ ھزمت آناں ھم شگر ءُ منت درشان کت کہ آئی ءَ اے منصوبگ ءَ را ممکن جوڑ کنگ ءَ کلیدی کرد پیلو کتگ۔ انفارمیشن ٹیکنالوجی ءُ ٹیلی کام ءِ وفاقی وزیر شازہ فاطمہ خواجہ ءَ اے گامگیج ءَ را پاکستان ءِ سرجمیں ڈیجیٹلائزیشن ءِ نیمگ ءَ یک ھاسیں گامگیج لیک اتگ۔ آئی ءَ راجی اسمبلی ءَ را وزارت ءِ نوکیں ءُ ٹیکنالوجی ءِ سر ءَ بنیات ءِ پارلیمانی نظام ءِ نیمگ ءَ وتی سفر ءِ تہ ءَ سرجمیں کمک ءِ دل یکیمی دات۔ انفارمیشن ٹیکنالوجی ءِ پیسریگیں وفاقی وزیر ءُ انفارمیشن ٹیکنالوجی ءُ ٹیلی کمیونیکیشن ءِ قائمہ کمیٹی ءِ چیئرمین سید امین الحق ءَ اے گامگیج ءَ را پاکستان ءِ پارلیمانی راجدپتر ءِ یک ھاسیں سنگ میل ءِ رنگ ءَ لیک اتگ ءُ گوشت کہ راجی اسمبلی ءِ اسپیکر سردار ایاز صادق ءِ سروکی ءَ راجی اسمبلی   استیں زانت ءِ سر ءَ بنیات ءِ معیشت ءَ کار ءُ کرد، ساپ ءُ سلہ ائی ءُ جوانیں حکومت داری ءِ واستہ ادارگی عمل آنی ڈیجیٹلائزیشن سک باز المی اِنت۔ اے منصوبگ پاکستان ءِ پارلیمانی نظام ءِ برجاھیں ڈیجیٹل بدلی ءِ تہ ءَ مزنیں سنگ میل اِنت ءُ اے راجی اسمبلی ءِ اے جزم ءِ درشان اِنت کہ آ قانون سازی ءِ عمل ءَ را نوکیں چیز، کار ءُ کرد، ساپ ءُ سلہ ائی ءُ سرجمیں رنگ ءَ بے کاگدیں نظام ءِ نیمگ ءَ دیم ءَ برگ ءَ اِنت۔ اے نظام نیشنل انفارمیشن ٹیکنالوجی بورڈ ءِ کمک ءَ جوڑ کنگ بوتگ وھدیکہ اے منصوبگ ءِ باسک راجی اسمبلی سیدہ آمنہ بٹول ءِ نگرانی ءَ ہمگرنچ کنگ بوتگ۔ آئی ءَ را اسپیکر راجی اسمبلی ءَ اسپیکر ءِ کارگس ءِ واستہ یک یکجاھیں ڈیجیٹل سسٹم ءِ جوڑ کنگ ءِ ھوالگ ءَ این آئی ٹی بی ءِ گوما ھمگرنچی ءُ مشاورتی دیوان آنی سروکی ءِ ذمہ واری داتگ۔ راجی اسمبلی ءِ اسپیکر سردار ایاز صادق ءِ رہشونی ءَ جوڑ کتگیں اے منصوبگ ءِ مول ءُ مراد راجی اسمبلی ءِ باسک آناں ایوان ءِ کاروائی ءَ را گیش کارآمد، ءُ ٹیکنالوجی ءِ وسیلگ ءَ برجم دارگ ءِ آسراتی دیگ اِنت۔ ایشی ءَ چہ پارلیمانی زانتکاری ءِ رسائی ءَ را گہتر کنگ، کار ءِ روانی ءِ عمل ءَ را آسان کنگ ءُ جتا جتائیں پارلیمانی کارانی نیام ءَ ہمگرنچی ءَ را گیش کنگ ءَ کمک رسیت، ایشی ءَ چہ گیش بروقت ءُ موثر قانون ساز پیسلہ کنگ ءِ اہل جوڑ بیت۔ اے اے آئی ءِ وسیلگ ءَ کار کنوکیں پارلیمانی نظام ءِ تہ ءَ یک سکیں ایمن ءُ سرجمیں پاکستان ءِ بومی پلیٹ فارم ھوار اِنت کہ اے پلیٹ فارم ءِ تہ ءَ ھاسیں رنگ ءَ پارلیمانی کارمرد کنگ ءِ ھاترا جوڑ کنگ بوتگ۔ پارلیمانی سرجمیں ڈیٹا پاکستان ءِ تہ ءَ ھوار کنگ بیت ءُ راجی اسمبلی ءِ کنٹرول ءُ نگہبانی ءِ تہ ءَ مانیت، ایشی ءَ چہ ادارگی سلامتی، آپریشنل وت واجہی ءُ ڈیجیٹل پارلیمانی عمل آنی تہ ءَ بھروسہ ءَ را گیش مھکم کنگ بیت۔ اے گامگیج یک نوکیں پارلیمانی ماڈل ءِ نیمگ ءَ ھم گامگیج اِنت کہ ایشی ءِ تہ ءَ ڈیجیٹل ٹولز باسک آناں وتی قانون سازی ءِ ذمہ واری آناں گیش آسانی، ترند ءُ راستیں رنگ ءَ پیلو کنگ ءَ کمک کنت، ھمے وھد ءَ ادارگی کار ءُ کرد ءُ سرکاری ھزمت ءِ پھجارینگ ءَ را ھم گہتر کنت۔ پائیدار دیمروئی ءِ مول ءُ مراد آنی رد ءَ کہ آ ذمہ واریں کارمرد ءُ پیداوار ءَ گوں سیادی دار اَنت، اے گامگیج حکومت پاکستان ءِ کفایت شعاری ءِ پالیشی آناں ھم کمک کنت پرچا کہ ایشی ءَ چہ کاگدی کار آنی سر ءَ انحصار کم بیت ءُ وسیلگ آناں جوانیں رنگ ءَ کارمرد کنگ ءَ را گیش کنگ بیت۔ اے دیمروئی ءَ را پاکستان ءِ نوکیں، کارآمد ءُ ڈیجیٹل بااختیار پارلیمنٹ ءِ جوڑ کنگ ءِ نیمگ ءَ یک ھاسیں گامگیج ءِ رنگ ءَ بیان کنگ بوھگ ءَ اِنت کہ آ نوکیں حکومت داری ءِ لوٹ آناں جوانیں رنگ ءَ پیلو کنگ ءِ توان ءَ بہ دار اِیت۔ مراگش ءَ راجی اسمبلی ءِ ڈپٹی سپیکر قومی اسمبلی سید غلام مصطفٰی شاہ ، وفاقی وزیر برائے انفارمیشن ٹیکنالوجی  ءُ  ٹیلی کام شزا فاطمہ خواجہ،  پیسریگیں  وفاقی وزیر برائے انفارمیشن ٹیکنالوجی  ءُ  چیئرمین قائمہ کمیٹی برائے انفارمیشن ٹیکنالوجی  ءُ  ٹیلی کمیونیکیشن سید امین الحق، پارلیمنٹ ءِ باسک، نیشنل انفارمیشن ٹیکنالوجی بورڈ  ءِ   کلانہ ایں کارندہ ، سول سوسائٹی  ءِ نمائندگ، رسانکدر ءِ نمائندگ ءُ دگہ مہمان آن بھر زوری کت۔