راجی اسمبلی ءَ پاکستان ءُ چین ءِ نیام ءَ دوستی ءُ سیادی ءِ جوڑ بوھگ ءِ 75 سال ءِ درگت ءَ 20-21 مئی 2026 ءَ مراگش برجم دارگ بنت

اسلام آباد۔19مئی  (اے پی پی): پاکستان ءُ چین ءِ نیام ءَ دوستی ءُ سیادی ءِ جوڑ بوھگ ءِ 75 سالی روچ ءِ درگت ءَ 20-21 مئی 2026 ءَ راجی اسمبلی ءِ سرپرستی ءَ مراگش برجم دارگ بیت کہ ایشی ءِ تہ ءَ یک مزنیں کچے ءَ چینی پارلیمانی ڈل ءِ سروکی ءَ وائس کمیٹی پی پی سی نیشنل آف چین ءِ نائب چیئرمین کائی دافینگ، بھمک زوریت۔ سئے شمبے ءِ روچ ءَ راجی اسمبلی ءِ سیکرٹریٹ ءِ رد ءَ چینی ڈل ءِ تر ءُ تاب راجی اسمبلی ءِ اسپیکر سردار ایاز صادق ءُ ڈپٹی اسپیکر سید غلام مصطفیٰ شاہ ءِ ھاسیں دعوت ءِ سر ءَ بوھگ ءَ انت۔ اے تر ءُ تاب یک انچیں ھاسیں وھد ءَ بوتگ کہ دگنیا ءَ را ھاسیں رنگ ءَ دمگ ءَ بازیں چیلنج آنی دیم ءَ انت ءُ اے دگنیا ءِ امن ءِ دیمروئی ءِ واستہ پاکستان ءُ چین ءِ یکجائی وژن ءِ درشان انت۔ اے پاک چین ءِ ھر موسم ءِ اسٹریٹجک کوآپریٹو پارٹنر شپ ءِ پائیداریں زور ءِ درشان کنت ءُ دوئیں ملک آنی نیام ءَ پارلیمانی رابطہ، وت مہ وتی کمک ءُ مردم آنی نیام ءَ سیادی ءَ را گیش ءَ چہ گیش گیش کنگ ءِ یکجائی جزم ءَ را پدر کنت۔ اے تر ءُ تاب ءِ وھد ءَ چینی ڈل ءَ راجی اسمبلی ءِ اسپیکر ، پارلیمانی سروک ءُ ایندگر مزن نامیں مردماں گوں گند ءُ نند کنت ۔ اے موہ ءِ سر ءَ دوئیں ملک آنی نیام ءَ راجدپتری دوستی ءِ درگت ءَ پاکستان ءُ چین ءِ سفارتی سیادی آنی 75 سال ءِ درگت ءَ راجی اسمبلی ءَ یک ھاسیں قرارداد، دود ءُ ربیدگی مراگش ءُ عکس ءِ نمائش ءِ ھم برجم دارگ بوتگ۔ اے تر ءُ تاب پارلیمانی سفارتکاری ءَ را گیش مھکم کنگ ءُ پاکستان ءُ چین ءِ نیام ءَ بھروسہ ءُ دمگی کمک ءِ بنیات ءَ برجمیں دوستی ءِ پدا پدر کنگ ءَ ھاسیں کرد پیلو کنت۔