دژمن ءِ اُرد  ءِ  پراکسی ءُ منفی پروپیگنڈا ءِ وسیلگ ءَ پاکستان ءِ دیمروئی ءَ را ھراب کنگ ءِ جھد ءَ اَنت گُڈ سر ءَ بے سوب بنت، فیلڈ مارشل سید عاصم منیر

راولپنڈی۔19مئی  (اے پی پی): چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر ءَ پاکستان ءِ سلاہ بندیں اُرد ءِ سرجمیں جزم ءِ سر ءَ زور پر دات کہ آ راج ءِ سرجمیں کمک ءَ گوں ھرچ وڑیں ناشرکاری ءَ را سرجمی ءَ ھلاس بہ کنت ءُ گوشت کہ دژمن ءِ اُرد ءِ سبب ءَ پاکستان ءِ پیشرفت ءَ را پروپیگنڈا ءِ وسیلگ ءَ منفی رنگ ءَ ھرابکاری کنگ ءِ کوشست کنگ ءَ اِنت۔ ءُ راج ءِ یکوئی ءَ را دیم ءَ برگ ءَ انت۔ سئے شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ پاک اُرد ءِ سروک ءُ دفاعی اُرد ءِ سروک فیلڈ مارشل سید عاصم منیر نشان امتیاز (ملٹری) ھلال جرات ءَ کوئٹہ گیریژن ءِ تر ءُ تاب کتگ۔ تر ءُ تاب ءِ وہد ءَ فیلڈ مارشل ءَ کمانڈ اینڈ اسٹاف کالج کوئٹہ ءَ تربیت ءِ تہا بوھوکیں افسر ءُ فیکلٹی ءِ باسکاں گوں تران کت۔ آئی ءَ وتی گشتانک ءِ تہ ءَ کمانڈ اینڈ اسٹاف کالج کوئٹہ ءِ تربیت ءِ مزنیں کوالٹی، پگری  گنجاشک ءُ کزبی ازم ءَ را ساڑات کہ اے ادارگ ءِ نشان انت۔ آئی ءَ اے گپ ءِ سر ءَ دل یکیمی ءِ درشان کت کہ کالج ءَ چہ گریجویشن کنوکیں افسر وتی غیر معمولی کارکردگی ءُ کزبی لگن ءِ وسیلگ ءَ مدام شرپداریں ازمت پیش کنگ ءَ انت۔ چیف آف آرمی اسٹاف ءُ چیف آف ڈیفنس فورسز ءَ نوکیں جنگ ءِ ترندی ءَ گوں بدل بوھوکیں دروشم ءَ را پدر کنان ءَ نوکیں ٹیکنالوجی، کثیر ڈومین آپریشن، ٹرائی سروس تعاون ءُ آیوکیں جنگ ءِ میدان ءِ چیلنج آنی سر ءَ دلگوشی ءِ سر ءَ زور پر دات۔ آئی ءَ افسر آناں پنت ءُ شون کت کہ آ وت ءُ وتی فورسز ءَ را مدام تربیت بہ کن اَنت تانکہ جنگ ءِ بدل بوھوکیں دروشم ءِ ھلاپ ءَ جوانیں رنگ ءَ جنگ کنگ بہ بیت، ھمے وھد ءَ کزبی ، تیاری ءُ آپریشنل ایکسیلنس ءِ مستریں معیار ءَ را برجم دارگ بہ بیت۔ پد ءَ فیلڈ مارشل ءَ بلوچستان ءَ استیں  فارمیشنانی افسر ءُ مرداں گوں گند ءُ نند کت۔ استیں سیکورٹی جاور ھال آنی جتا جتائیں تک آنی سر ءَ پدر کنان ءَ آئی ءَ یک رندے پدا گوشت کہ پاکستان ءِ سلاہ بندیں اُرد الس ءِ سرجمیں کمک ءَ گوں ھمک رنگ ءِ ناشرکاری ءِ سرجمی ءَ ھلاسی ءِ واستہ جزمیگ اَنت۔ فیلڈ مارشل ءَ اے گپ ءِ سر ءَ زور پر دات کہ پاکستان ءِ مقدر ءِ تہ ءَ ھواریں دیمروئی ءَ را پروپیگنڈا، جعلی ھال یا درملکی سرپرستی ءَ ناشرکاری ءِ وسیلگ ءَ بند کنگ نہ بیت۔ آئی ءَ گوشت کہ پراکسی ءُ منفی پروپیگنڈا ءِ وسیلگ ءَ پاکستان ءِ دیمروئی ءَ را سبوتاژ کنگ ءِ کوشست کنوکیں دژمنیں قوت ریاست ءِ مھکم ءُ الس ءِ یکوئی ءِ سبب ءَ گڈی ءَ ناکام بنت۔ بلوچستان ءَ برجمیں امن ءُ ایمنی ءِ ارزشت ءَ را پدر کنان ءَ فیلڈ مارشل ءَ گوشت کہ برجمیں دیمروئی ءِ واستہ الس دوستیں پالیشی، ھواریں دیمروئی ءُ جوانیں حکومت داری المی انت، اے ایمنی ءِ گامگیج آنی گوما ھمگام بہ بنت۔ آئی ءَ بلوچستان حکومت ءِ نیمگ ءَ راجی گہبودی، چاگردی اقتصادی دیمروئی ءُ ریاست ءُ الس ءِ سیادی ءَ را مھکم کنگ ءِ واستہ کوشست آناں ساڑات۔ فیلڈ مارشل ءَ بلوچستان ءَ امن ءُ ایمنی ءُ ریاستی رٹ ءِ برجائی ءِ واستہ افسر ءُ مردین آنی مزن حوصلہ، آپریشنل تیاری ءُ کزبی عزم ءِ ھم ساڑات۔ ایشی ءَ چہ پیسر کوئٹہ ءَ سر بوھگ ءَ گوں چیف آف آرمی اسٹاف ءُ چیف آف ڈیفنس فورسز ءَ را کور کمانڈر کوئٹہ ءَ وش اتک کت۔