نائب مزن وزیر ءُ دری کارانی وزیر سینیٹر محمد اسحاق ڈار ءَ سعودی عرب ءَ پاکستان ءِ سفیر ءَ گوں گند ءُ نند

اسلام آباد۔19مئی  (اے پی پی): سعودی عرب ءَ پاکستان ءِ سفیر احمد فاروق ءَ دمگی سفیر آنی کانفرنس ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ رد ءَ گند ءُ نند ءِ ساھت ءَ نائب مزن وزیر ءَ پاکستان ءُ سعودی عرب ءِ نیام ءَ مھکمیں براتی سیادی ءَ را ساڑات ءُ برجاھیں جوانیں پیشرفت ءَ را گیش مھکم کنگ ءُ تجارت، سرمایہ کاری، توانائی ءُ انسانی وسائل ءِ دیمروئی ءَ ھوار توامیں شوبگ آنی تہ ءَ کمک ءَ را گیش کنگ ءِ ارزشت ءِ سر ءَ زور پر دات۔ نائب مزن وزیر ءَ سعودی عرب ءَ نندوکیں پاکستانی کمیونٹی ءِ گوما مدام ھوار بوھگ ءِ ضلورت ءِ سر ءَ ھم زور پر دات ءُ آوانی جوڑیشت ءُ جوانیں کرد ءِ ساڑات کت کہ پاکستان ءُ سعودی عرب ءِ نیام ءَ نزیکیں دو نیمگی سیادی ءَ را گیش مھکم کنگ ءَ ھاسیں کرد پیلو کنگ ءَ اِنت۔