ایران ءَ پاکستان ءِ نامینتگیں سفیر ءَ تہران ءَ روگ ءَ پیسر نائب مزن وزیر محمد اسحاق ڈار ءَ گوں گند ءُ نند

اسلام آباد۔19مئی  (اے پی پی): ایران ءَ پاکستان ءِ نامینتگیں سفیر عمران احمد صدیقی ءَ تہران ءَ روگ ءَ پیسر ادا نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ سئے شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ پاکستان ءُ ایران ءِ نیام ءَ گہتریں راجدپتری، دود ءُ ربیدگ ءُ برات ءِ سیادی ءِ ذکر کنان ءَ نائب مزن وزیر ءَ پاکستان ءِ مھکمیں جزم ءِ سر ءَ زور پر دات کہ آ درستیں شوبگ آنی تہ ءَ دو نیمگی کمک ءَ را گیش ءَ چہ گیش گیش ءُ گیوار بہ کنت، ھاسیں رنگ ءَ تجارت، رابطہ، مردم آناں دمگی کمک ءُ راج ءِ نیام ءَ کمک۔ آئی ءَ نزیکیں ھمگرنچی ءُ وت مہ وتی ءِ وسیلگ ءَ دو نیمگی سیادی آناں دیمروئی دیگ ءِ تہ ءَ جوانیں مومنٹم ءِ برجائی ءِ سر ءَ زور پر دات۔ نائب مزن وزیر ءُ وزیر ءِ درئی کار ءَ دمگی امن، گپ ءُ تران ءُ برجائی ءِ دیمروئی ءِ واستہ پاکستان ءِ جوڑیشت ءُ ذمہ واریں کرد ءِ سر ءَ ھم زور پر دات ءُ دل یکیمی ءِ درشان کت کہ نامینتگیں سفیر دوئیں براتیں ملک آنی نیام ءَ برجاھیں شریکداری ءَ را گیش مھکم کنگ ءِ واستہ ارزشتی ایں کرد پیلو کنت۔ آئی ءَ سفیر ءِ نامینتگیں مردم ءَ را وتی نوکیں کار ءِ تہ ءَ سوبمندی ءِ واھگ دار اِت۔