زرئی  ویسٹ آنی   ری سائیکلنگ ءُ دوبر کارمرز کنگ ءَ چہ چاگردی رکھینگ ءِ ہمراہی ءَ معاشی فائدہ رس ایت، جنید انوار چوہدری

اسلام آباد۔18مئی  (اے پی پی): وفاقی وزیر برائے زرئی کار محمد جنید انور چوہدری ءَ زرئی ردی ءَ را نہ ایوک ءَ آلودگی ءِ سبب لیک اتگ بلکیں کارمرد کنوکیں اقتصادی وسیلگ لیک اتگ ءُ بلیو چپ سرکلر اکانومی ءِ دیمروئی ءِ سر ءَ زور پر داتگ۔ جمعہ ءِ روچ ءَ وزارت ءِ نیمگ ءَ جاڑی بوتگیں پریس ریلیز ءِ رد ءَ آئی ءَ گوشت کہ چاگردی رکھینگ ءِ گوما دریائی ردی آنی ری سائیکلنگ ءُ دوبر کارمرد کنگ ءِ وسیلگ ءَ اقتصادی سیت ھم رسگ ءَ انت۔ وفاقی وزیر ءَ گوشت کہ آئی ءِ ’’پاکیں دکہ، جان سلامتی ءِ دریائی ماحولیاتی نظام‘‘ مہم ءِ چیر دستی ءَ کراچی دکہ ءَ مزنیں کساس ءَ صفائی آپریشن بندات کنگ بیت تانکہ دریائی آلودگی ءَ را کم کنگ ءُ کوسٹل بائیو ڈائیورسٹی ءِ رکھینگ بہ بیت۔ آئی ءَ گوشت کہ کراچی پورٹ ٹرسٹ ءَ ایسٹ وارف، ویسٹ وارف، آئل پیئرز ءُ بوٹ بسنت جیا ءِ وڑیں کلیدی جاھاں صفائی ءِ کار آناں ترند کتگ، مئی ءِ اولی دو ھپتگ آنی تہ ءَ سئے بھر آنی تہ ءَ 58ہزار کلوگرام ءَ چہ گیش ٹھوس ردی دریا ءِ آپ ءَ چہ در کنگ بوتگ۔ سرکاری اعداد و شمار ءِ رد ءَ 159 کشتی آپریشن ءُ 487 کارندہ آنی کمک ءَ سرجم ءَ 58450 کلو فلوٹنگ ویسٹ کہ گیشتر پلاسٹک ءُ دریائی ردی ءِ رد ءَ جم کنگ بوتگ۔ یکجا کتگیں ردی ءَ را چاگردی ضوابط ءِ رد ءَ سندھ سولڈ ویسٹ مینجمنٹ بورڈ ءِ ڈسپوزل سائٹ آنی تہ ءَ سر کنگ بیت۔ محمد جند انور چوہدری ءَ گوشت کہ اے گامگیج بلیو سرکلر اکانومی ءِ گیشیں وژن ءِ بھر اِنت، ایشی ءِ چیر دستی ءَ دریائی ردی ءَ را دوبر کارمرد کنگ ءِ وسیلگ ءِ رنگ ءَ چارگ بہ بیت۔ آئی ءَ گوشت کہ ماہی گیری ءُ آبی زراعت ءِ شوبگ ری سائیکلنگ ءُ اپ سائیکلنگ ءِ وسیلگ ءَ دریائی پلاسٹک ءِ کشگ ءَ را مزنیں کساسے ءَ کم کنگ ءَ انت، ایشی ءِ تہ ءَ کارمرد بوتگیں ماہی گیری جال ءَ را نوکیں چیز آنی تہ ءَ بدل کنگ ءُ ماہی گیری ءِ ردی ءَ چہ کھاد، فیڈ ءُ بائیو پروڈکٹس جوڑ کنگ ھوار انت۔ وفاقی وزیر ءَ گوشت کہ ماہی گیری ءِ کار آنی گوما ردی ءِ یکجا کنگ ءُ برآمد بوتگیں ردی ءِ ری سائیکلنگ ءَ چہ کسان ءُ میاں اوستمانی کاروبار آنی واستہ اقتصادی موہ پیداک بوت کنت۔ آئی ءَ گوشت کہ سمندر ءَ داخل بوھوکیں پلاسٹک ءُ ملبہ ءِ مزنیں بھر شہری ڈرینیج سسٹم ءِ وسیلگ ءَ کوسٹل آپ آنی تہ ءَ سر بیت ایشی ءَ چہ سمندر ءِ آلودگی، آپ ءِ کمی، ماہی گیری ءُ دکہ ءِ کار آنی سبب جوڑ بوھگ ءَ اِنت۔ آئی ءَ گوشت کہ اگاں کراچی ہاربر ءَ چہ جم بوتگیں 58450 کلوگرام ءِ ردی ءَ را جوانیں رنگ ءَ جتا ءُ ری سائیکل کنگ بہ بیت گڈا ایشی ءِ ممکنہ اقتصادی ارزشت 57ہزار ڈالر ءَ چہ 32ہزار ڈالر ءَ بوت کنت وھدیکہ کچ ءُ کساس 17ہزار 535 ڈالر ءِ نزیک ءَ انت۔ وفاقی وزیر ءِ رد ءَ اصل معاشی نپ پلاسٹک ءِ ھاسیں رنگ ءَ پی ای ٹی ءُ ایچ ڈی پی ای ءِ ری سائیکلنگ ءِ کساس ، دریا ءِ آپ یا تیل ءَ چہ آلودگی ءِ کچ ءُ کساس ءُ پروسیسنگ ءِ ھرچ ءُ درچ ءِ سر ءَ بندوک اِنت۔ آئی ءَ گوشت کہ جنوبی ایشیا ءِ دمگ ءَ مخلوط پلاسٹک ءِ سکریپ ءِ نرخ لس  رنگ ءَ 0.10 ڈالر ءَ چہ 0.55 ڈالر ءَ چہ گیش اِنت وھدیکہ جوانیں کوالٹی ءِ پی ای ٹی ءُ ایچ ڈی پی ای ءِ نرخ گیش بنت۔ محمد جندک انور چوہدری ءَ اے گپ ءِ سر ءَ زور پر دات کہ چاگردی ءُ اقتصادی آسراتی ءِ ھاترا ردی ءِ وسیلہ ءِ سر ءَ جوانیں رنگ ءَ جتا کنگ ءُ دکہ آنی سر ءَ ری سائیکلنگ ءِ بنیاتی ڈھانچہ ءَ را مھکم کنگ المی اِنت۔ آئی ءَ اے گپ ءِ پدا زور دات کہ فلوٹنگ ویسٹ ءِ مدام صفائی ءِ ھاتر ءَ دریائی چاگرد ءِ رکھینگ ، ایمنیں نیویگیشن سسٹم ، ءُ یک ساپ ءُ پائیداریں دکہ ءِ چاگرد ءِ برجائی ءِ ھاتر ءَ المی انت ، ءُ ہمے وھد ءَ شہری گیش بوہوکیں دریائی آلودگی ءِ کنٹرول کنگ ءَ ہم کمک کنگ بیت۔