اسلام آباد۔18مئی (اے پی پی): مزن وزیر محمد شہباز شریف ءَ گوشت کہ دیمروئی منصوبگ آنی واستہ اولیت ءِ سر ءَ گہتریں کارکردگی ءِ گوما وزارت آناں بجٹ پجاری کنگ بیت۔ سرکاری فنڈز اے وڑیں دیمروئی منصوبگ آنی تہ ءَ سرمایہ کاری کنگ بنت کہ ایشی ءِ آسر جوان بنت۔ آبی ذخائر ءُ ہائیڈرو الیکٹرک منصوبگ دیمروئی بجٹ ءِ ھرچ ءُ درچ ءِ ھاتر ءَ اولی اولویت آنی تہ ءَ …
دیمروئی منصوبگ آنی واستہ اولویت ءِ سر ءَ جوانیں کارکردگی ءِ گوما وزارت آناں بجٹ پجارینگ بیت، مزن وزیر ءَ دیمروئی بجٹ منصوبگ آنی سر ءَ چار ءُ تپاسی ءِ دیوان ءَ گپ ءُ تران
گیشتریں ھال
اسلام آباد۔18مئی (اے پی پی): مزن وزیر محمد شہباز شریف ءَ گوشت کہ دیمروئی منصوبگ آنی واستہ اولیت ءِ سر ءَ گہتریں کارکردگی ءِ گوما وزارت آناں بجٹ پجاری کنگ بیت۔ سرکاری فنڈز اے وڑیں دیمروئی منصوبگ آنی تہ ءَ سرمایہ کاری کنگ بنت کہ ایشی ءِ آسر جوان بنت۔ آبی ذخائر ءُ ہائیڈرو الیکٹرک منصوبگ دیمروئی بجٹ ءِ ھرچ ءُ درچ ءِ ھاتر ءَ اولی اولویت آنی تہ ءَ ھوار اَنت ءُ آپی ذخائر آنی تہ ءَ گیشی ءِ منصوبگ آناں اولیت دیگ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ رواں سال ءِ دیمروئی بجٹ ءُ آیوکیں مالی سال ءِ واستہ پی ایس ڈی پی ءِ منصوبگ آنی ھوالگ ءَ مزن وزیر ءِ سروکی ءَ چار ءُ تپاسی دیوان برجم دارگ بوت۔ گند ءُ نند ءَ نائب مزن وزیر ءُ وزیر خارجہ سینیٹر محمد اسحاق ڈار، وفاقی وزیر احسن اقبال، احد خان چیمہ، محمد اورنگزیب، رانا تنویر حسین، شزافاطمہ خواجہ، حنیف عباسی، سردار اویس خان لغاری، میاں محمد معین وٹو، عبدالعلیم خان، ڈاکٹر خالد مقبول صدیقی، وزیر مملکت بلال اظہر کیانی، ھاسیں کمکار ہارون اختر ءُ سیادی داروکیں مزنیں کارندہ آنی سر ءَ کار کنگ ءَ انت۔ مزن وزیر ءَ گوشت کہ دیمروئی منصوبگ آنی واستہ گہتریں کارکردگی ءِ گوما وزارت آناں بجٹ پجاری کنگ بیت، ءُ اے رنگیں دیمروئی منصوبگ آنی تہ ءَ الس ءَ را سرمایہ کاری کنگ بیت ایشی ءَ چہ نتیجہ رس ایت۔ مزن وزیر ءَ گوشت کہ دیمروئی بجٹ ءِ ھرچ ءُ درچ ءِ واستہ آپی ذخائر ءُ ہائیڈرو الیکٹرک منصوبگ ترجی ئیں پڑ آنی تہ ءَ ھوار انت۔ مزن وزیر ءَ پانڈا بانڈز ءِ سوبمندیں لانچ ءُ مارکیٹ ءَ ایشی ءِ منگ ءِ پد ءَ وزیر ءِ ھزانگ ءِ توسیپ کت۔ گند ءُ نند ءِ تہ مزن وزیر ءَ ریلوے، آئی ٹی ءُ بجلی ءِ وزارت آنی کارکردگی ءَ را ھم ساڑات۔ مزن وزیر ءَ گوشت کہ دیمروئی منصوبگ آنی تہ ءَ پبلک پرائورٹی پارٹنر شپ ءِ دلبڈی دیگ بہ بیت۔ آپ ءِ ذخیرہ ءِ گیش کنگ ءِ واستہ منصوبگ آناں اولیت دیگ بیت۔ دیوان ءَ رواں سال ءِ پی ایس ڈی پی ءِ چار ءُ تپاسی کنگ بیت ءُ آیوکیں سال ءِ ھاتر ءَ پیش کتگیں دیمروئی منصوبگ آنی تفصیل ءُ ایشی ءِ واستہ لوٹوکیں فنڈز ءِ بابت ءَ سرپدی دیگ بیت۔ دیوان ءَ راجی آپ ءِ جم کنگ ءُ ہائیڈرو پاور منصوبگ آنی جوڑیشت ءِ بابت ءَ ھم سرپدی دیگ بیت کہ ایشی ءِ تہ ءَ داسو، دیامر بھاشا ءُ محمند ڈیم ھوار اَنت۔
