اسلام آباد۔18مئی (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گتر ءِ درئی کارانی وزیر محمد بن عبدالعزیز الخلیفی ءَ گوں گپ ءُ تران کتگ۔ دوشمبے ءَ وزارت ءِ درئی کار ءِ نیمگ ءَ چہ جاڑی بوتگیں بیان ءِ رد ءَ دوئیں بامرد آنی نیام ءَ دمگ ءِ بدل بوھوکیں جاور ھال ءُ وت مہ وتی سیت ءِ جیڈھ آنی سر ءَ …
معاون مزن وزیر ءُ وزیر ءِ درئی کار ءَ گتر ءِ درئی کارانی وزیر محمد بن عبدالعزیز الخلیفی ءَ دمگ ءِ بدل بوھوکیں جاور ھال آنی سر ءَ ھیال ءُ لیکہ ءِ درشان
گیشتریں ھال
اسلام آباد۔18مئی (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گتر ءِ درئی کارانی وزیر محمد بن عبدالعزیز الخلیفی ءَ گوں گپ ءُ تران کتگ۔ دوشمبے ءَ وزارت ءِ درئی کار ءِ نیمگ ءَ چہ جاڑی بوتگیں بیان ءِ رد ءَ دوئیں بامرد آنی نیام ءَ دمگ ءِ بدل بوھوکیں جاور ھال ءُ وت مہ وتی سیت ءِ جیڈھ آنی سر ءَ ھیال ریچی کنگ بوتگ۔ دوئیں نیمگاں اے گپ ءِ سر ءَ زور پر دات کہ دمگی چیلنج آناں گیواری ءِ واستہ گپ ءُ تران ءُ سفارتی ھوار بوھگ سک باز المی اِنت۔ گتری وزیر مملکت محمد بن عبدالعزیز الخلیفی ءَ پاکستان ءِ جوڑیشت ءِ کرد ءُ برجاھیں سفارتی کوشست آناں ساڑات۔ نائب مزن وزیر ءُ درئی کارانی وزیر سینیٹر محمد اسحاق ڈار ءَ دمگ ءُ ایشی ءَ چہ دریں دمگاں امن، مھکم ءُ وشھالی ءِ یکجائی مول ءُ مراد آناں دیمروئی دیگ ءِ واستہ پاکستان ءِ جزم ءِ سر ءَ زور پر دات۔
