بھارتی آرمی چیف ءِ بیرانی نئی دہلی ءِ بے رھبندی ءِ ثبوت اِنت، بھارتی آرمی چیف ءِ بیرانی ءِ سر ءَ وفاقی وزیر عبدالعلم خان ءِ رد عمل

اسلام آباد۔17مئی  (اے پی پی): مواصلات ءِ وفاقی وزیر عبدالعلیم  خان ءَ بھارتی فوج ءِ سروک ءِ بیرانی ءِ پسو ءَ گوشت کہ بھارتی فوج ءِ سروک ءِ بیرانی نئی دہلی ءِ بے رھبندی ءِ ثبوت اِنت۔ وزارت مواصلات ءِ نیمگ ءَ جاڑی بوتگیں پسو ءِ تہ ءَ وفاقی وزیر ءَ گوشت کہ پاکستان ءِ ھلاپ ءَ کجام ھم ایڈونچر ءِ آسر سبق آمیز بیت۔ وفاقی وزیر مواصلات عبدالعلیم  خان ءَ گیش گوشت کہ پاکستان جنوبی ایشیا ءِ جغرافیہ ءِ یک انچیں بھرے کہ ایشی ءَ را مٹ کنگ نہ بیت، بھارتی سروکی ءَ ھشت دہائی ءَ پد راجدپتر ءَ چہ سبق نہ زرتگ۔ عبدالعالم خان ءَ گوشت کہ نئی دہلی ءِ زوراکیں رویہ راستی ءِ جنگ ءَ شکست ءِ زھر انت۔ آئی ءَ گوشت کہ بھارت ءَ اے گپ یات بہ بیت کہ کجام ھم جغرافیائی تاوان ءِ وھد ءَ تباہی ءِ ذمہ وار بھارت بیت۔ عبدالعلیم  خان ءَ گوشت کہ فیلڈ مارشل سید  عاصم منیر ءِ سروکی ءَ پاک فوج وطن ءِ رکھینگ ءِ سرجمیں توان ءَ دار ایت، پاکستان ءَ بے رھبند کنگ ءِ واستہ بھارتی کوشست کدی سوب مند نہ بنت۔ آئی ءَ گوشت کہ بھارت دمگ ءِ تہ ءَ مداخلت کنگ ءِ بدل ءَ وتی سیم سر آنی تہ ءَ مسلمان آنی ھک آنی رکھینگ ءَ بہ کنت۔