پاکستان، اقوام متحدہ ءِ ادارگ ءَ شہراں موسمی ھترہ آں چہ ایمن جوڑ کنگ ءِ واستہ راجی شہری حکمت عملی ءِ بابت ءَ شور ءُ سلاہ ءِ عمل بندات  

اسلام آباد۔17مئی  (اے پی پی): وفاقی حکومت ءُ اقوام متحدہ ءِ ادارگ ءَ موسمیاتی بدلی ءِ گیش بوھوکیں خطرات آناں گیش ءُ گیوار کنگ ءُ شہر آناں گیش ایمن ءُ تابکار جوڑ کنگ ءِ واستہ ملک ءِ اولی راجی شہری حکمت عملی ءِ جوڑ کنگ ءِ واستہ مشاورت ءِ عمل بندات کتگ۔ یک شمبے ءِ روچ ءَ وزارت موسمیاتی بدلی ءُ چاگردی ہم آہنگی ءِ نیمگ ءَ چہ جاڑی بوتگیں بیان ءِ رد ءَ اسلام آباد ءَ موسمیاتی بدلی ءُ چاگردی ہم آہنگی ءِ وزارت ءُ اقوام متحدہ ءِ ادارگ ءِ کمک ءَ برجم داشتگیں مزنیں تک ءِ راجی دیوان ءَ فدرال ءُ صوبائی کارندہ، ڈیزاسٹر ایکسپرٹ اربن مینجمنٹ ڈیولپمنٹ ایجنسی، تنظیماں چہ دیم ءَ اتکگ۔ مراگش ءَ گوں تران کنان ءَ موسمیاتی بدلی ءِ سیکرٹری عائشہ حمیرا موریانی  ءَ ھال دات کہ پاکستان ءِ شہر ”آب و ہوا ءِ ھترہ ءِ ھاٹ اسپاٹ“ جوڑ بوھگ ءَ اَنت آھاں گوشت کہ مئے شہر سکیں گرم، شہری سیلاب ءُ آپ ءِ کمی ءِ دمگ آنی تہ ءَ بدل بوھگ ءَ اَنت پرچا کہ شہری منصوبگ بندی ءَ ھچبر موسمیاتی ھترہ ھوار نہ بوتگ۔ آہاں گوشت کہ ملک ءِ 36درسد ءَ چہ گیش آبادی پیسر ءَ چہ شہری دمگ آنی تہ ءَ نندوک انت وھدیکہ آیوکیں دو دہائی آنی تہ ءَ نیم ءَ چہ گیش پاکستانی آبادی شہر آنی تہ ءَ نندوک بنت۔ موسمیاتی بدلی ءُ ہم آہنگی ءِ وفاقی وزارت ءِ سینئر جوائنٹ سیکرٹری محمد اعجاز غنی  ءَ اسلام آباد ءِ سوات  ، 11 سیکٹر ءُ رہائشی دمگاں چہ گوزوکیں سڑک آنی سر ءَ بوتگیں حادثہ آناں نا شریں شہری منصوبہ بندی ءِ آسر لیک اتگ۔ آئی ءَ گوشت کہ سوات ءِ وئیل ایوک ءَ قدرتی آفت ءِ نہ بوتگ بلکیں نا منصوبگ بندی، ناجائز ءُ کوریں جوڑیشت ءِ آسر بوتگ۔ آئی ءَ گیش کرتگ کہ کراچی ءِ ڈرینیج سسٹم ءَ کسانیں ھئورے ھم برداشت نہ کتگ کہ ایشی ءِ سوب ءَ ھر سال چنچو جان گار بوھگ ءَ اِنت؟ اقوام متحدہ ءِ ہیبی ٹیٹ پاکستان ءِ موسمیاتی ماہر خلیل احمد ءَ گشتگ کہ تیزی ءَ گوں شہری کنگ، نا شریں ڈرینیج سسٹم ءُ چاگردی کانود ءِ نا شریں عملدرآمد ءَ پاکستان ءِ شہر سیلاب، ھشک سالی ءُ شدیدیں گرم ءِ لہر ءِ دیم ءَ گیش زیان مند بوتگ انت۔ آئی ءَ ھشدار دات کہ پاکستان ءَ چہ ابید ایوک ءُ تہنا نہ انت بلکیں برجاھیں ءُ یکے دومی ءَ گوں بندوکیں موسمی بحران آنی دیمپان انت۔ وزارت موسمیاتی بدلی ءِ ڈپٹی ڈائریکٹر ءُ جارکش محمد سلمی شیخ ءَ گوشت کہ موسمیاتی رد ءَ ایمنیں شہر نہ ایوک ءَ پالیسی آنی وسیلگ ءَ ممکن انت بلکیں الس ءِ سرپدی، دمگی چاگرد ءِ ھوار بوھگ ءُ چاگردی سرپدی ءِ برجاہ دارگ ءِ مہم آنی وسیلگ ءَ ھم ممکن انت۔ دیوان ءِ تہ ءَ ماحول دوستیں بلڈنگ کوڈز، موسمیاتی لچکداریں شہری منصوبگ بندی ءُ سیلاب ءِ ھلاپ ءَ بنیاتی ڈھانچگ ءِ واستہ موثر حکمت عملی جوڑ کنگ ءِ سر ءَ زور دیگ بیت۔