رانا مشہود احمد خان ءِ سروکی ءَ پی ایم وائی پی ءُ یونیسکو ءِ گند ءُ نند، ورنا آنی دیمروئی ءِ جیڈھ آنی سر ءَ حیال ءُ لیکہ ءِ درشان

اسلام آباد۔17مئی  (اے پی پی): مزن وزیر ءِ ورنا پروگرام ءُ یونیسکو پاکستان ءِ سروکی ءَ مزن وزیر ءِ چیئرمین رانا مشہود احمد خان ءِ سروکی ءَ گند ءُ نند کتگ ءُ یونیسکو ءِ ملکی کمک ءِ دیمروئی ءِ حکمت عملی 2026 ءَ چہ 2030ءِ رد ءَ وت مہ وتی کمک ءِ جتا جتائیں موہ آنی سر ءَ گپ ءُ تران کنگ بوتگ۔ پی ایم وائی پی ءِ راجی ورنا آنی دیمروئی ءِ گامگیج آنی سر ءَ کار کنگ ءَ انت۔ یوتھ افیئرز ونگ ءِ رد ءَ دیوان ءِ مول ءُ مراد پی ایم وائی پی ءَ را یونیسکو پاکستان ءِ اسٹریٹجک پارٹنر ءِ بستار ءَ ایر کنگ بوتگ تانکہ یوتھ ڈویلپمنٹ نیٹ ورک ءَ را وانگ ءُ زانگ، مہارت، ورنا آناں بااختیار کنگ، ھواریں دیمروئی، چاگردی رکھینگ ءُ اقتصادی موہ آنی پڑ ءَ سیت چست کنگ بہ بیت۔ دیوان ءَ یونیسکو ءِ ڈائریکٹر فواد پشایف ءُ پروگرام اسسٹنٹ (ورنا) عائشہ نثار ءَ بہر زرتگ وھدے کہ مزن وزیر ءِ ورنا پروگرام ءِ نمائندگی رانا مشہود احمد خان چیئرپرسن ءُ آئی ءِ ٹیم ءَ کتگ۔ فواد پاشایف پاکستان ءَ اقوام متحدہ ءِ وانگ ءُ زانگ ، سائنس ءُ دود ءُ ربیدگ ءِ گل یونیسکو ءِ نمائندہ ءُ سروک انت۔ آئی ءَ را میان استمانی سیادی، سفارتکاری، ءُ دیمروئی کمک ءِ پڑ ءَ مزنیں تجربہ یے است۔ آئی ءَ پیسر ءَ یونیسکو ءِ جتا جتائیں کلیدی عہدہ آنی سر ءَ کار کتگ، ایشی ءِ تہ ءَ نیشنل کمیشن ءُ فیلوشپ یونٹ ءِ سروک ءُ یونیسکو ءِ تاشقند ءِ کارگس ءِ قائم مقام سروک ھوار اَنت۔ آئی ءَ فرانس ءِ نامداریں یونیورسٹیاں چہ سوشیالوجی ءُ میان استمانی سیادی ءِ پڑ ءَ مزنیں ڈگری زرتگ ءُ انگریزی، فرانسیسی، روسی ءُ ترکی زبان ءَ شری ءَ زانت ءُ ھمے وھد ءَ اردو ھم زانت۔ چیئرمین ءَ یونیسکو ءِ ڈل ءَ را مزن وزیر ورنا پروگرام ءِ جتا جتائیں پرچم بردار منصوبگ آنی بابت ءَ سرپد کت، ایشی ءِ تہ ءَ ڈیجیٹل یوتھ ہب (ڈی وائی ایچ)، مزن وزیر ورنا آنی مہارت آنی دیمروئی پروگرام، ازدواجی ٹکٹ پروگرام، گرین یوتھ موومنٹ، نیشنل ولنٹیئر کور، نیشنل یوتھ کونسل ءُ مزن وزیر ورنا آنی کاروبار ءُ کشت ءُ کشاری ءِ وام ھوار اَنت۔ آئی ءَ گوشت کہ اے درستیں پلیٹ فارم ورنا آناں وانگ ءُ زانگ، ھنر، نوآبادیاتی، کاروبار، چاگرد ءُ روزگار ءِ موہ آنی گوما ھمگرنچ کنگ ءَ انت۔ فواد پاشایف ءَ پاکستان ءِ دود ءُ ربیدگ ءُ راجدپتری ورثہ ءِ توسیپ کنان ءَ گوشت کہ ملک ءَ گیش یونیسکو ءِ منگ بوتگیں دود ءُ ربیدگ ءِ جاھ جوڑ بوھگ ءِ بے دروریں گنجائش است انت۔ آئی ءَ اے گپ ءِ ھم پدر کت کہ ورنا آنی دیمروئی یونیسکو ءِ جھان ءِ اولی ترجی اِنت۔ آئی ءَ ڈیٹالز یوتھ ہب ءَ را یک نوکیں راجی پلیٹ فارم ءِ رنگ ءَ گوشت کہ ایشی ءَ چہ ورنا آناں وانگ ءُ زانگ، مہارت ءِ تربیت، کاروباری موہ ءُ چاگردی کار آنی گوما جوانیں رنگ ءَ جوڑ کنگ بوت کنت۔ آئی ءَ ٹیکنیکل اینڈ ووکیشنل ایجوکیشن اینڈ ٹریننگ (ٹی وی ای ٹی) ءِ ارزشت ءِ سر ءَ زور پر دات ءُ گوشت کہ اگاں روایتی وانگ ءُ زانگ ءِ نظام ءَ ھمک زھگ ءَ را ھوار کنگ ممکن نہ انت گڈا ٹی وی ای ٹی ورنا آناں روزگار ءِ ھنر پجاری ءَ چہ وانگ ءُ زانگ ءُ معاشی کمی ءَ را پُر کت کنت۔ فورم ءِ تہ ءَ ھواریں وانگ ءُ زانگ، اسکول ءَ چہ دریں گامگیج، ڈیجیٹل سواد، STEAM وانگ ءُ زانگ، چاگردی رکھینگ، سبزیں مہارت، ورنا آنی ھوار کنگ ءُ ٹرانسپورٹ ءِ اصلاحات ءِ وڑیں کلیدی پڑ آنی تہ ءَ کمک ءِ سر ءَ گپ ءُ تران کنگ بیت۔ گند ءُ نند ءَ مزن وزیر ءِ ورنا آنی مہارت پروگرام ءِ تہ ءَ یونیسکو ءِ تکنیکی ءُ مشاورتی کرد ءَ را ھوار کنگ ءِ سر ءَ ھم ھیال ریچی کنگ بوت، ھاسیں رنگ ءَ میٹرک ٹک ٹک ءُ مزن وزیر ءِ ورنا آنی مہارت پروگرام ءِ تہ ءَ ھوار کنگ ءِ سر ءَ ھم ھیال ریچی کنگ بوت۔ دیوان ءَ یونیسکو ءِ ورنا آنی ھوالگ ءَ پروگرام آنی نگرانی، فائدگ مند آنی تہ ءَ سر بوھگ ءُ اثر ءِ جائزہ ءِ واستہ ڈیٹالو یوتھ ہب ءَ را راجی پلیٹ فارم ءِ رنگ ءَ کارمرد کنگ ءِ تجویز ءِ سر ءَ ھم ھیال ءُ لیکہ کنگ بوت۔ ایشی ءَ ابید نیشنل یوتھ کونسل ءِ وسیلگ ءَ ورنا آنی ھوالگ ءَ گپ ءُ تران ءَ را مھکم کنگ ءُ گرین ٹی وی ای ٹی پروگرام ءُ ورنا آنی مالی کمک ءِ گامگیج آنی وسیلگ ءَ ایکو انٹرپرینورشپ ءِ دیمروئی ءِ ھوالگ ءَ گپ ءُ تران کنگ بوت۔ چیئرمین ءَ یونیسکو ءِ ڈل ءِ شگر ءُ منت گپت ءُ گوشت کہ مزن وزیر ءِ ورنا پروگرام یونیسکو پاکستان ءِ گوما مھکم ءُ دراجیں مدت ءِ شریکداری ءِ واستہ جزمیگ انت۔ آئی ءَ گوشت کہ مزن وزیر ءِ ورنا پروگرام یونیسکو ءَ را یک موثر ءُ سرجمیں راجی پلیٹ فارم ءِ پجاری کنت ایشی ءِ وسیلگ ءَ سرجمیں ملک ءَ ورنا آنی گہبود ءُ دیمروئی منصوبگ آناں جوانیں رنگ ءَ سرجم کنگ بوت کنت۔ دیوان ءِ گڈسرا فرین ءَ ورناہاں وانگ ءُ زانگ، مہارت، نوآبادیاتی، پیداواری ءُ معاشی موہ ءِ پجارینگ ءِ ھاترا باقاعدہ کمک ءِ فریم ورک ءِ سرا تپاکی ءُ مشترکہ دلچسپی ءِ درشانی کت۔