سینیٹر شیری رحمان   ءَ بھارتی آرمی چیف ءِ پاکستان ءِ ھلاپ ءَ گپانی مذمت

اسلام آباد۔17مئی  (اے پی پی): پاکستان پیپلز پارٹی ءِ نائب صدر سرمی رحمان ءَ پاکستان ءِ ھلاپ ءَ بھارتی اُرد ءِ سروک ءِ نیمگ ءَ چہ کتگیں "ھلاپی ءُ جنگ ءُ چوپی تران” ءِ سک باز مذمت کتگ ءُ ھشدار داتگ کہ اے وڑیں گپ دمگی امن ءُ ایمنی ءِ ھاترا مزنیں ھترہ ءِ دیم ءَ کیت۔ یک شمبے ءِ روچ ءَ وتی بیان ءِ تہ ءَ شرمی رحمان ءَ گوشت کہ پاکستان ءِ جھان ءِ تک ءَ برجاھیں سفارتی، سیاسی ءُ دفاعی ناکامی ءَ چہ بھارت ءَ را مایوس ءُ دلپروش کتگ۔ آئی ءَ گوشت کہ میاں اوستمانی براتی نوں پاکستان ءَ را یک زمہ وار، باوقار ءُ نامداریں ایمس ءِ طاقت ءِ رنگ ءَ من ایت۔ پیپلز پارٹی ءِ سروک ءَ گوشت کہ دگنیا ءِ مزنیں طاقت پاکستان ءِ گوما دمگی امن، جیڈھ آنی گیواری ءُ سفارتی پیشرفت ءِ ھوالگ ءَ جیڈھ آنی سر ءَ پاکستان ءِ گوما سرگرمیں رنگ ءَ کار کنگ ءَ اَنت۔ بھارت ءِ جنگی ذہنیت ءِ سرا تنقید کنان ءَ آئی ءَ گوشت کہ نئی دہلی باز براں جارحانہ گامگیج آنی بندات کنت ءُ پدا ڈی اسکالیشن ءِ واستہ میاں اوستمانی براتی ءِ گوما نزیکی کنت۔ شرنی رحمان ءَ گوشت کہ بھارت ءِ تہ ءَ چہ امن ءُ گپ ءُ تران ءِ حمایت کنوکیں توار ھم درکپگ ءَ انت ایشی ءِ تہ ءَ پیسریگیں فوجی کارندہ، آر ایس ایس ءَ گوں سیادی داروکیں حلقہ ءُ کشمیری گل ھوار انت۔ آئی ءَ گوشت کہ برجاھیں جھان ءِ جیڈھ آنی آسر آنی پد ءَ ھندی الس ءَ را پیسر ءَ چہ مہنگائی ءُ معاشی مشکلات ءِ آماچ انت۔ شرنی رحمان ءَ بھارتی مزن وزیر نریندر مودی حکومت ءَ را زور پر دات کہ آ وتی الس ءِ امن ءِ واھشت آنی احترام ءَ بہ کنت ءُ مقابلہ ءِ راہ ءَ روگ ءِ بدل ءَ بہ کنت۔ دوئیں ملک آنی نیام ءَ گوستگیں کش ءُ چیل آنی حوالہ ءَ شرنی رحمان ءَ گوشت کہ پاکستان ءَ  "آپریشن بنیان مرصوص”  ءِ ساھت ءَ وتی دفاعی توانائی آناں جوانیں رنگ ءَ پیش داشتگ ءُ بھارتی بالی گراب آنی سر ءَ تیرگواری کتگ۔ آئی ءَ گیش کرتگ کہ امریکی صدر ڈونلڈ ٹرمپ ءَ بازیں رند ءَ پاکستان ءِ ھوائی برتری ءَ را رد کتگ۔ بیان ءِ تہ ءَ گیش کنگ بوتگ کہ پاکستان وتی وت واجھی یا راجی دفاع ءِ سر ءَ ھچبر سمجھوتہ نہ کنت۔ آئی ءَ ھشدار داتگ کہ ھرچ زوراکے ءَ را پاکستان ءِ سلاہ بندیں اُرد ءُ آئی ءِ راج ءِ نیمگ ءَ ”مھکمیں ءُ لائکیں پسو“ دیگ بیت۔ آئی ءَ اے گپ ءِ سر ءَ زور پر دات کہ جنوبی ایشیا ءَ گیشیں ھرابکاری برداشت کنگ نہ بیت۔ آئی ءَ امن، گپ ءُ تران ءُ دمگی برجائی ءِ پالیسی ءِ سر ءَ پاکستان ءِ جزم ءِ یک رندے پدا گوشت۔ خطہ ءَ دائمی امن ءِ لوٹ کنان ءَ آئی ءَ گوشت کہ جنوبی ایشیا ءَ برجائی ءُ وشھالی ایوک ءَ برابری، وت مہ وتی احترام ءُ بامردیں گپ ءُ تران ءِ وسیلگ ءَ بوت کنت۔