سینئر اھوالکار الطاف حسن قریشی ءِ بیرانی ءِ سر ءَ اسپیکر راجی اسمبلی سردار ایاز صادق ءَ دلپدردی ءِ درشانی

اسلام آباد۔17مئی  (اے پی پی): راجی اسمبلی ءِ اسپیکر سردار ایاز صادق ءَ نامداریں اھوالکار، نامداریں کالم نگار، دانشور ءُ اردو ڈائجسٹ ءِ بن ھشت ایر کنوک الطاف حسن قریشی  ءِ بیرانی ءِ سر ءَ دلپدردی ءُ  ڈکھ  درشان کتگ۔ قومی اسمبلی سیکرٹریٹ ءِ نیمگ ءَ چہ جاڑی بوتگیں وتی دلپدردی کلوہ ءِ تہ ءَ اسپیکر سردار ایاز صادق ءَ احوالکاری، لبزانک ءُ راجی شعور ءِ پڑ ءَ مرحوم الطاف حسن قاری ءِ ھزمت آناں شرپ مند کتگ ءُ گوشت کہ الطاف حسن قریشی  ءَ وتی نبشتانک ءُ اصول ءِ وسیلگ ءَ بازیں نسل آناں رہشونی کتگ۔ آ پاکستانی اھوالکاری ءِ تہ ءَ ھما نامداریں نامانی تہ ءَ شمار کنگ بیت کہ آیاں راجی ءُ راجی ارزشتانی دیم ءَ برگ ءِ تہ ءَ مزنیں کردے پیلو کتگ۔ اسپیکر سردار ایاز صادق ءَ گوشت کہ الطاف حسن قریشی  ءِ بیرانی ءَ گوں اھوالکاری ءُ اکیڈمک دنیا ءَ یک فکر مند، اصولی ءُ پکر داریں مردمے چہ زبھر بوتگ۔ مرحوم ءِ اھوالکاریی، لبزانکی ءُ دانشورانہ خدمتاں گوں سکیں احترام ءُ شرپ ءَ یات کنگ بیت۔ آئی ءَ بیران بوتگیں مردمانی کھول ءَ گوں دلپدردی ءُ ھمدردی ءِ درشانی کتگ۔ آئی ءَ گوشت کہ اے غم ءِ ساھت ءَ من غم ءِ آماچیں ھاندان ءِ غم ءَ یک پیم ءَ بھر کناں۔ قومی اسمبلی ءِ اسپیکر ءَ چہ اللہ تعالیٰ ءَ دزبندی کت کہ بیران بوتگیں مردم ءِ رُتبہ بُرز بہ کنت ءُ پشومانی کھول ءَ را اے ناقابل تلافی تاوان ءِ برداشت کنگ ءِ طاقت ءُ صبر بہ دنت۔