بھارت ءَ اے فیصلہ کنگی اِنت کہ آ وتی انوگیں جغرافیائی جاہ ءَ برجاہ دارگ لوٹیت یا نہ، مرتضی سولنگی

اسلام آباد۔17مئی  (اے پی پی): صدارتی جارکش مرتضی سولنگی ءَ گشتگ کہ بھارت ءَ را اے فیصلہ کنگی انت کہ آ وتی انوگیں جغرافیائی جاہ ءَ برجاہ دارگ لوٹیت یا نہ۔ اگاں آ گوں وتی درستیں ھمساھگیں ملکاں جھد ءُ کوشست ءَ بہ کنت ءُ وتی نسلی ءُ مذھبی اقلیتاں سرکوب بہ کنت گڑا آ روچ دور نہ اِنت کہ آ وتی انوگیں جغرافیائی ڈھانچہ ءَ چہ زبھر بہ بیت۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ مرتضی سولنگی ءَ گوشت کہ بھارت مئے راجدپتر ءِ سر ءَ لیکچر دیگ ءَ بند بہ کنت، مئے راجدپتر موہنجو داڑو، مہر گڑھ ءُ تکسالہ ءَ سر بوتگ ءُ مئے دیم ءَ ھم رژنائیں آیوکیں باندات ھست۔ آئی ءَ گوشت کہ بھارت ءِ استیں پالیشی آں چہ اے گپ پدر انت کہ آ ایوک ءَ گوست ءِ تہ ءَ پیداک بوھگ لوٹ ایت، ایشی ءِ تہ ءَ ھچ وڑیں آیوکیں باندات ءُ باندا آیگ ءِ ھست نہ انت۔