بلوچستان ڈیجیٹل گورننس ءُ نوکیں ٹیکنالوجی ءِ دور ءَ داخل بوہگ ءَ انت، سرفراز بگٹی

کوئٹہ۔ 17 مئی (اے پی پی): بنجاھی وزیر بلوچستان سرفراز احمد بگٹی ءَ گوشت کہ صوبگ ڈیجیٹل گورننس، شفافیت ءُ نوآبادیاتی ءِ نوکیں دور ءِ تہ ءَ داخل بوھگ ءَ انت، حکومت صوبگ ءَ را نوکیں لوٹ آنی گوما ھمگرنچ جوڑ کنگ ءِ واستہ جوانیں گامگیج چست کنگ ءَ انت۔ اے گپ آئی ءَ کمیونیکیشن ءُ انفارمیشن سوسائٹی ءِ جہانی روچ ءِ درگت ءَ سوشل نیٹ ورک ویب سائٹ ایکس ءِ سر ءَ وتی کلوہ ءِ تہ ءَ گوشت۔ آئی ءَ گوشت کہ حکومت ءَ صوبگ ءِ اولی ڈیجیٹل میڈیا پیلس 2026 ءِ بندات کتگ، ایشی ءِ مول ءُ مراد نوکیں رابطہ کاری ءِ نظام ءَ را دیمروئی دیگ ءُ زانتکاری ءِ سر ءَ الس ءِ رسائی ءَ را گیش گہتر کنگ اِنت۔ آئی ءَ گوشت کہ آرٹیفیشل انٹیلی جنس ءِ بنیات ءَ بھرتی ءِ نظام ءِ وسیلگ ءَ کارکردگی، شفافیت ءُ جوانیں حکومت داری ءَ را دیمروئی دیگ بوتگ۔ سرفراز بگٹی ءَ گوشت کہ بلوچستان آئی ٹی پارک آنی سر ءَ سرگرمی ءَ گوں عمل کنگ ءَ انت، ورنا آنی آئی ٹی پروگرام ءُ ای گورننس ءِ اصلاحات ءِ سر ءَ سرگرم انت، روٹ 164 ءِ بس آناں ڈیجیٹل کنگ ءُ موسمی بدلی ءِ منصوبگ صوبہ ءَ را نوکیں لیکہ آنی سر ءَ دیمروئی دیگ ءَ ھاسیں کرد پیلو کنگ ءَ انت۔ آئی ءَ گوشت کہ ورنا آنی واستہ اسکالرشپ ءُ ڈیجیٹل اسکل پروگرام صوبائی حکومت ءِ اولی ترجی آنی تہ ءَ ھوار انت تانکہ ورنا آناں نوکیں ٹیکنالوجی ءِ گوما ھمگرنچ کنگ ءَ چہ توانمند کنگ بہ بیت۔ بنجاھی وزیر ءَ گوشت کہ بلوچستان ءَ را نوکیں جان سلامتی، بنیاتی ڈھانچگ ءُ السی گہبودی منصوبگ آنی وسیلگ ءَ آیوکیں وھد ءِ لوٹ آنی گوما ھمگرنچ جوڑ کنگ بوھگ ءَ انت۔ آئی ءَ اے جزم ءِ پدا زور دات کہ بلوچستان حکومت ورنا آناں برابریں دیمروئی ءِ موہ ءُ نوکیں آسراتی ءِ پجارینگ ءِ واستہ زبردستیں گامگیج زورگ ءَ برجاہ دار ایت۔