آصفہ  بھٹو زرداری پاکستان ءُ زمبابوے ءِ زالبولیں کرکٹ ٹیم آنی نیام ءَ گڈی میچ ءَ بہر زورگ ءَ انت، راجی کھڈکار آناں سوبمندی ءِ مبارک بات

کراچی۔16مئی  (اے پی پی): بانُک اول آصفہ  بھٹو زرداری ءَ نیشنل اسٹیڈیم کراچی ءَ پاکستان ءِ زالبول ءُ زمبابوے ءِ زالبولیں کرکٹ ٹیم آنی نیام ءَ سیریز ءِ گڈی میچ ءَ بھر زوری کتگ ءُ پاکستان ءِ زالبولیں ٹیم ءِ سوبمندی ءِ پد ءَ کھڈکار آناں مبارک بات داتگ۔ گڈی مراگش ءَ گشتانک دیان ءَ بانُک اول ءَ گوشت کہ پاکستان ءِ زالبولیں کرکٹ ٹیم ءَ نہ ایوک ءَ شاندار سوبمندی رستگ بلکینگ ءَ سرجمیں راج ءَ را پھر ھم کتگ۔ آئی ءَ گوشت کہ راجی زالبولیں کھڈکار ملک ءِ ارزشتی ایں اثاثہ اَنت ءُ آھانی سوبمندی ورنائیں زھگ آنی واستہ الہام ءِ وسیلگ اَنت۔ بانُک اول ءَ راجی ٹیم ءِ کپتان فاطمہ ثنا ءِ ریکارڈ توڑیں کارکردگی ءِ توسیپ کت ءُ آئی ءَ را ’’میچ ءِ کھڈکار‘‘ ءِ داد دات۔ آئی ءَ گوشت کہ فاطمہ ثنا ءَ وتی جوانیں کرکٹ ءَ چہ پاکستان ءِ نام میاں اوستمانی تک ءَ نامدار کتگ۔ اے موہ ءِ سر ءَ بانُک اول ءَ سوبمندیں پاکستان ءِ زالبول ٹیم ءَ را ٹرافی دات وھدیکہ کھڈکار ءُ میچ ءِ کارندہ آنی نیام ءَ میڈل ھم بھر ءُ بانگ کت۔ اے موہ ءِ سر ءَ آئی ءَ زالبولیں کرکٹر آنی گوما گند ءُ نند کت ءُ راجی کرکٹ ءِ دیمروئی ءِ واستہ وتی پیشہ وارانہ ہنر، جزم ءُ کرد ءِ ساڑات کت۔