مواصلات ءِ وفاقی وزیر ءَ ریلوے ءِ وزیر ءَ گوں گند ءُ نند کت، ادارہ جاتی کمک ءِ بابت ءَ گپ ءُ تران

اسلام آباد۔15مئی  (اے پی پی): وفاقی وزیر مواصلات عبدالعالم خان ءَ جمعہ ءِ روچ ءَ ریلوے ءِ وزیر محمد حنیف عباسی ءَ گوں گند ءُ نند کتگ ءُ ٹرانسپورٹ ءُ ریلوے ءِ شوبگ آنی نیام ءَ کمک ءَ را گیش کنگ، الس ءَ را ایمن، نوکیں ءُ کارآمدیں سفری آسراتی پجارینگ ءُ دیمروئی منصوبگ آنی تہ ءَ ادارگی ہم آہنگی ءَ را گیش کنگ ءِ راہ آنی سر ءَ تران کتگ۔ گند ءُ نند ءِ ساھت ءَ دوئیں وزیر آنی نیمگ ءَ اے گپ ءِ سر ءَ تپاک کنگ بوت کہ ملک ءِ دیمروئی، اقتصادی استحکام ءُ سرکاری آسراتی آنی دیمروئی ءِ واستہ یک موثر ءُ نوکیں رابطہ ءُ ریلوے ءِ نظام المی اِنت۔ ایشاں نوکیں لائن آنی سر ءَ پاکستان ءِ ٹرانسپورٹ نیٹ ورک ءِ دیمروئی، سفری آسراتی آنی تہ ءَ گیشی ءُ انفراسٹرکچر ءِ گہتری ءِ جتا جتائیں تک آنی سر ءَ ھم چار ءُ تپاسی کت۔ وزیر برائے مواصلات عبدالعالم خان ءَ وزارت ریلوے ءِ کارکردگی ساڑاتگ ءِ وھد ءَ گوشت کہ پاکستان ریلوے ءَ را یک وت واجہ ءُ نپ بخشیں ادارگ جوڑ کنگ ءِ واستہ محمد حنیف عباسی ءِ کوشست ستا کرز انت۔ آئی ءَ گوشت کہ ریل ءِ نظام ءِ گہتری ءَ چہ الس آناں نا ایوک ءَ تر ءُ تاب ءِ گہتریں آسراتی رس ایت بلکینگ ءَ ملک ءِ معیشت ءُ تجارتی چست ءُ ایر آناں ھم مزنیں کساس ءَ سیت رسیت۔ ریلوے ءِ وزیر محمد حنیفا عباسی ءَ گوشت کہ حکومت الس ءَ را نوکیں، ایمن ءُ معیاری سفری آسراتی پجاری ءِ واستہ سنگینیں گامگیج کنگ ءَ انت ءُ اے درگت ءَ جتاجتائیں ادارگ آنی نیام ءَ موثر کمک وھد ءِ ضلورت انت۔ دوئیں وفاقی وزیراں راجی ادارہانی مھکم کنگ، سرکاری ھزمت ءَ را گیش موثر جوڑ کنگ ءُ دیمروئی منصوبگ آنی رفتار ءَ را تیز کنگ ءِ واستہ یک مشترکہ حکمت عملی ءِ زورگ ءِ وتی جزم ءِ پدا زور دات۔