پاکستان ءَ آئی بی آئی ءِ ڈیٹا اکانومی ہیڈ کوارٹر سک باز جوانیں ثابت بیت، مزن وزیر محمد شہباز شریف

اسلام آباد۔15مئی  (اے پی پی): مزن وزیر محمد شہباز شریف ءَ آئی بی آئی گروپ ءِ پاکستان ءَ وتی ڈیٹا اکانومی ہیڈ کوارٹر جوڑ کنگ ءِ پیسلہ ءَ را ساڑات ءُ کاروباری تک ءَ پاکستان ءُ چین ءِ نیام ءَ گیش بوھوکیں کمک ءِ سر ءَ دل یکیمی ءِ درشان کت۔ آئی بی آئی بیجنگ یونائیٹڈ ٹیکنالوجی کمپنی لمیٹڈ ءِ بانی، صدر ءُ  کنٹرولنگ شیئر ہولڈر چیان شیاو جون  ءِ سروکی ءَ 11باسکی چینی کاروباری ڈل ءَ جمعہ ءِ روچ ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ڈل ءَ را پاکستان ءَ آیگ ءِ سر ءَ وش آتک کتگ ءُ پاکستان ءُ چین ءِ نیام ءَ مھکمیں سیادی ءَ را پدر کتگ۔ آئی ءَ صدر شی جن پنگ ءِ سروکی ءَ چین ءِ وشیں دیمروئی ءِ توسیپ کت ءُ گوشت کہ آ اے ماہ ءِ گڈ ءَ چین ءِ تر ءُ تاب ءِ واستہ دلگوش آں ۔ مزن وزیر ءَ آئی بی آئی گروپ ءِ نیمگ ءَ پاکستان ءَ وتی دیمروئی معیشت ءِ ہیڈ کوارٹر جوڑ کنگ ءِ پیسلہ ءَ را ساڑات ءُ پاکستان ءُ چین ءِ نیام ءَ گیش بوھوکیں کاروباری کمک ءِ سر ءَ دل یکیمی ءِ درشان کت۔ آئی ءَ گوشت کہ اے سک باز دلبڈی ءِ گپ اِنت کہ آئی بی آئی اقتصادی کمک، سرمایہ کاری ءِ دیمروئی ءُ صنعتی کمک ءَ را گیش دیمروئی دنت۔ چن شاؤجون ءَ پاکستانی معیشت ءِ سر ءَ دل یکیمی ءِ درشان کنان ءَ گوشت کہ آئی بی آئی پاکستان ءِ معیشت اصلاحات ءِ تہ ءَ کمک کنگ ءَ تیار اِنت۔ آئی ءَ گوشت کہ پاکستان ءَ آئی بی آئی ڈویلپمنٹ اکانومی ہیڈ کوارٹر ءِ کرد اے رد ءَ سک باز جوانیں بیت ءُ چیک مارکیٹ ءَ رسائی ءِ پجاری ءَ چہ پاکستانی کسان ءُ میاں اوستمانی کاروباری ادارگ آناں بے کساس موہ رس ایت۔ بازان ءِ رد ءَ اے ڈل ستمبر 2025ءَ مزن وزیر ءِ بیجنگ ءِ تر ءُ تاب ءِ ساھت ءَ برجم داشتگیں پاکستان ءُ چین ءِ کاروباری سرمایہ کاری کانفرنس ءِ پد ءَ پاکستان ءِ تر ءُ تاب کنگ ءَ اِنت۔ فاطمہ خواجہ، وفاقی وزیر پٹرولیم علی پرویز ملک، صنعت ءُ پیداوار ءِ ھاسیں کمکار ہارون اختر، ھاسیں کمکار طارق فاطمی ءُ دگہ مزنیں کارندہ ساڑی اتنت۔