وفاقی وزیر تجارت جام کمال خان ءَ آل پاکستان بیڈ شیٹس اینڈ اپہولسٹری  ایسوسی ایشن ءِ ڈل ءَ گوں گند ءُ نند

اسلام آباد۔15مئی  (اے پی پی): آل پاکستان بیڈ شیٹس اینڈ اپھولسٹری ایسوسی ایشن ءِ ڈل ءَ وفاقی وزیر برائے تجارت جام کمال خان ءِ گوما سرجمیں گند ءُ نند کت ایشی ءِ تہ ءَ اے پی بی یو ءُ اے پی ایم اے ءِ برآمداتی جیڈھ آنی سر ءَ ھیال ریچی کت۔ مارکیٹنگ، برانڈنگ ءُ  پروموشن، میاں اوستمانی مارکیٹ آنی تہ ءَ رسائی، تجارتی مالی کمک ءُ کسان ءُ میاں اوستمانی ادارگ آناں دیم ءَ اتکگیں ھاسیں جیڈھ آنی سر ءَ ھم گپ ءُ تران کنگ بوت۔ ڈل ءِ تہ ءَ پیسریگیں چیئرمین عارف احسان ملک، وائس چیئرمین شہزاد حسنر، ایگزیکٹو باسک شہزاد احمد، صادقات لمیٹڈ اویس مختار، اے بی ایکسپورٹ محمد احمد، سیکرٹری جنرل راؤ دلشاد ءُ واجہ فرینکفرٹ پاکستان کارگس کلمہ ھوار اتنت۔ ڈل ءَ وفاقی وزیر ءَ را میاں اوستمانی مارکیٹ آنی تہ ءَ پاکستانی ایس ایم ایز ءِ پاد ءِ نشان ءَ را گیش کنگ ءُ تجارت ءِ دیمروئی ءِ گامگیج آنی وسیلگ ءَ برآمدات ءَ را گیش کنگ ءِ واستہ ایسوسی ایشن ءِ جاری کوشست آنی بابت ءَ سرپد کت۔ آئی ءَ گوشت کہ پاکستان ءِ نقطہ نظر ءِ وسیلگ ءَ 21ءَ چہ 23جولائی 2026ءَ لاس اینجلس ءَ برجم دارگ بوھوکیں ہوم ٹیکسٹائل سورسنگ نمائش ءَ اپبوما ءِ 15باسکی کمپنی بھر زوری کنگ ءَ اَنت، ایشی ءِ واستہ ایسوسی ایشن ءَ وفاقی وزیر ءَ چہ لوٹ کتگ کہ آ ایونٹ ءِ سرپرستی ءَ بہ کنت ءُ  ٹارگٹ پروڈکٹ ءَ را دیمروئی دیگ ءِ واستہ کاروبار ءَ را دیمروئی بہ دنت۔ ڈل ءَ گوشت کہ اے نمائش ءَ کمپنی وتی وسیلگ آناں پاکستان ءِ ملکی ٹیکسٹائل آناں دیمروئی دیگ ءِ واستہ کارمرد کن اَنت۔ ما برآمدات ءِ دیمروئی، درملکی خریدار آناں را وتی نیمگ ءَ رازیگ کنگ ءُ میاں اوستمانی تجارتی رابطہ آناں مھکم کنگ ءِ واستہ نجی شعبہ ءِ سروکی ءَ کوشست آنی بھر ءِ رنگ ءَ بھر زوری کنگ ءَ ایں ۔ وزیر تجارت ءَ گوشت کہ امریکہ ءُ پاکستان ءِ تجارت ءُ سرمایہ کاری ءِ کارگس لاس اینجلس ءَ ہوم ٹیکسٹائل نمائش ءَ بھر زوروکیں اپبوما ءِ باسک آناں گلوبل برانڈز ءُ خوردہ فروش آنی گوما بامردیں کمک ءِ تہ ءَ ھوار بوھگ ءِ واستہ جوانیں آسراتی پجاری کنت۔ جام کمال خان ءَ نجی شوبگ ءِ فعالیں کوشست آناں ساڑات ءُ من اِت کہ میاں اوستمانی نمائش ءُ درملکی خریدار آنی گوما براہ راست رابطہ جہانی مارکیٹ آنی تہ ءَ ملک ءِ برانڈنگ ءَ را گہتر کنگ ءُ پاکستان ءِ برآمدات ءَ را گیش کنگ ءِ واستہ المی وسیلگ اَنت۔ آئی ءَ گیش ءَ چہ گیش نوکیں مارکیٹ آنی سر ءَ سرگرمیں رنگ ءَ پٹ ءُ پول کنگ ءُ بامردیں میاں اوستمانی کاروباری رابطہ آناں جوڑ کنگ ءِ ارزشت ءِ سر ءَ زور پر دات۔ آئی ءَ گوشت کہ پاکستانی برآمد کنوکاں وت ءَ را جہانی سیاسی فورم آنی سر ءَ مدام ثابت کتگ ءُ صنعت ءَ را استیں ءُ نوکیں مارکیٹ آناں گیش رسائی ءِ واستہ اے رپک ءَ را برجم دارگ ءِ واستہ دلبڈی داتگ۔ ڈل ءَ میاں اوستمانی برانڈنگ ءُ پروموشنل مہم آنی واستہ حکومت ءِ کمک لوٹ اتگ۔ ڈل ءَ ایس ایم ایز ءِ واستہ فنانسنگ ءِ ھوالگ ءَ جیڈھ آنی سر ءَ زور پر دات، ایشی ءِ تہ ءَ ایکسم بینک آف پاکستان ءِ نیمگ ءَ ایکسپورٹ کریڈٹ رسک انشورنس ءِ پجاری ھوار اِنت۔ جام کمال ءَ گوشت کہ پاکستان ءِ مزن وزیر ءِ ہدایت ءِ رد ءَ اسٹیٹ بینک آف پاکستان ایکسم بینک ءِ گوما برآمداتی صنعت ھاسیں رنگ ءَ ایس ایم ایز ءَ را دیم ءَ اتکگیں ہر وڑیں فنانسنگ ءِ جیڈھ آنی گیواری ءِ واستہ کار کنگ ءَ انت۔ وفاقی وزیر جام کمال خان ءَ ڈل ءَ را دل یکیمی دات کہ اے جیڈھ ءَ را ترندیں رنگ ءَ سیادی داروکیں واکدار آنی گور ءَ برگ بیت۔ برآمداتی گنجائش ءِ دیمروئی ءِ واستہ حکومت ءِ کمک ءِ یک رندے پدر کنان ءَ وزیر ءَ گوشت کہ وزارت تجارت صنعت ءِ اسٹیک ہولڈر آنی گوما کار کنگ ءِ واستہ جزم انت تانکہ رکاوٹ آناں دور کنگ، مقابلہ ءِ تہ ءَ گہتری ءُ میاں اوستمانی تجارت ءِ تہ ءَ پاکستان ءِ پوزیشن ءَ را مھکم کنگ بہ بیت۔