پرامن، رواداری ءُ یکجاھیں چاگرد ءِ جوڑ کنگ ءِ ھاترا عملی گامگیج زورگ ءِ ھاترا جزمیگ انت،  امن ءُ ایمنی ءِ میاں اوستمانی روچ ءِ سر ءَ مزن وزیر محمد شہباز شریف ءِ کلوہ

اسلام آباد۔16مئی  (اے پی پی): مزن وزیر محمد شہباز شریف ءَ گوشت کہ آ یک پرامن، برداشت ءُ یکجاھیں چاگرد ءِ جوڑ کنگ ءِ واستہ عملی گامگیج چست کنگ ءِ واستہ جزم آں کہ ایشی ءِ تہ ءَ ھر شہری رنگ، نسل ءُ مذھب ءَ چہ ابید شرپداریں زند گوازینت کنت۔ مزن وزیر ءَ امن ءُ ایمنی ءِ میاں اوستمانی روچ ءِ موہ ءَ وتی کلوہ ءِ تہ ءَ گوشت کہ مرچی پاکستان میاں اوستمانی براتی ءِ گوما یکوئی ءَ گوں ایمنی ءِ میاں اوستمانی روچ ءَ دارگ ءَ اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ گوشت کہ اے روچ ءَ راجی ءُ میاں اوستمانی تک ءَ یک پرامن، یکوئی ءُ یکجاھیں چاگرد ءِ جوڑیشت ءِ ارزشت ءَ را پدر کنگ بیت۔ راجی تک ءَ یک انچیں چاگردی چاگردے ءِ جوڑ کنگ کہ امن ءِ دیمروئی ءَ بہ کنت بے شک مئے فخر مندیں راجی میراث ءُ ذمہ واری اِنت۔ آئی ءَ گوشت کہ راج ءِ پِت قائد اعظم محمد علی جناح ءَ راجی اولویت ءِ سر ءَ زور پر دیان ءَ اے گپ پدر کتگ کہ یک راج ءِ بستار ءَ ما راجی ءُ میاں اوستمانی کار آنی تہ ءَ ایمانداری ءُ منصفانہ رھبند ءِ سر ءَ عمل کن ایں ءُ ملک ءِ امن ءُ ایمنی ءِ دیمروئی ءِ واستہ وتی سرجمیں ھزمت آناں پیلو کنگ ءَ تیار ایں ۔ ھمے رھبند مئے سربلندیں راجی پجار اِنت ءُ گیشتر ھمگام ءُ یکجاھیں راجی ءُ جھان ءِ چاگرد ءِ نیمگ ءَ مئے جھد ءِ بن ھشت ھم اِنت۔ مزن وزیر ءَ گوشت کہ پاکستان ءِ حکومت یک پرامن، برداشت ءُ یکجائی چاگرد ءِ جوڑیشت ءِ واستہ عملی گامگیج چست کنگ ءِ واستہ جزمیگ انت کہ ایشی ءِ تہ ءَ ھمک شہری رنگ، نسل ءُ مذھب ءِ فرق ءَ ابید شرپداریں زند گوازینت کنت۔ پاکستان ءِ آئین ءَ ھم ھر وڑیں تعصبانی ھلاپ ءَ یک پیمیں رکھینگ ءِ ھال داتگ کہ ایشی ءِ تہ ءَ صوبائی، نسلی، فرقہ وارانہ ءُ دمگی ھوار اَنت۔ آئی ءَ گوشت کہ پاکستان یک انچیں ملکے کہ ایشی ءِ تہ ءَ جتا جتائیں زبان، بازیں دود ءُ ربیدگ، مذھب، ءُ مذھبی دود ءُ ربیدگ ھوار اَنت ءُ اے چاگردی ءُ انفرادی تنوع پاکستان ءِ چاگردی زور ءِ درشان اِنت۔ راجی یکوئی ءُ چاگردی ھمگرنچی ءِ دیمروئی ءِ ھاترا "پاگامی پاکستان” ءِ چیر دستی ءَ مثبت راجی تحریک ءِ مول ءُ مراد فکری ءُ عملی انتہا پسندی ءِ ھلاس کنگ اِنت۔ آئی ءَ انسانی ھک آنی رکھینگ ءِ ھمراھی ءَ پالیسی ءُ عملی گامگیج آناں ناگزیر لیک اِتگ ءُ گوشت کہ اے درگت ءَ حکومت ءَ ”انسانی ھک آنی واستہ راجی کارروائی منصوبگ“ جوڑ کتگ کہ ایشی ءِ مول ءُ مراد زالبول آناں توانمند کنگ، زھگ آنی رکھینگ ءُ محروم ءُ نزوریں تبک آنی ھک آنی دیمروئی کنگ اِنت۔ ملک ءِ اولی "کاروبار ءُ انسانی حقانی ھاتر ءَ راجی عملی منصوبہ” ءِ سرا عمل کنگ بوھگ ءَ اِنت کہ ایشی ءِ وسیلگ ءَ کاروباری کارانی ذمہ واریں رھبند، کار ءِ حقانی رکھینگ، تبعیض ءِ ھلاسی ءُ کاروباری کارانی ھوالگ ءَ انسانی حقانی لگتمالی ءِ موثریں گیش ءُ گیوار ءِ دیمروئی کنگ بوھگ ءَ اِنت۔ اے پالیسی ءِ گامگیج یک عادلانہ، یکجاھیں ءُ منصفانہ چاگرد ءِ بُن ھشت ءَ دیم ءَ کار اَنت۔ آئی ءَ گوشت کہ حکومت ’’انسانی ھک آنی سر ءَ سرپدی پروگرام‘‘ ءِ وسیلگ ءَ رواداری ءُ یکوئی ءُ یکوئی ءِ جزبگ ءَ را ھم دیم ءَ برگ ءَ انت۔ ایشی ءَ ابید سرکار ءَ ”انسانی ھکانی راجی کمیشن“ ءِ جوڑ کنگ ءُ کارمرز کنگ ءَ ادارہ جاتی نظام ءِ مھکم کنگ ءَ ھم مزنیں کردے پیلو کتگ۔ ” ضلعی حقوق انسانی کمیٹیات “ ہم استاناں جوڑ کنگ بوتگ انت کہ آ چہ دمگی تک ءَ چاگردی ہم آہنگی ءَ را دیم ءَ برگ ءَ انت۔ اے گامگیج ”ٹیکنالوجی ءِ وسیلگ ءَ جنسی زوراکی ءِ ھلاپ ءَ جنگ ءِ راجی حکمت عملی“ ءُ اقلیتی فلاحی فنڈ ءِ وسیلگ ءَ گیش مھکم کنگ بوھگ ءَ اَنت۔ اے درگت ءَ حکومت ءَ انچیں قانونی اصلاحات ءِ گامگیج ھم دیم ءَ آؤرتگ اَنت کہ چاگرد ءِ تہ ءَ زیانکاریں کار ءُ کرد ءُ زوراکی ءِ ھلاسی ءَ کمک کن اَنت۔ ایشانی تہ ءَ ”آئی سی ٹی ءِ لوگی زوراکی ءِ گر ءُ دار ءُ رکھینگ ءِ ایکٹ 2026“، ’’آئی سی ٹی ءِ زھگانی آروس ءِ گر ءُ دار ءِ ایکٹ 2025‘‘ ءُ ’’اقلیت آنی ھک آنی راجی کمیشن ایکٹ 2025‘‘ پارلیمنٹ ءِ نیمگ ءَ منظور کنگ بوتگ ءُ وزارت اے کمیشن ءِ جوڑ کنگ ءِ مراگش آناں سرجم کنگ ءَ اِنت۔ مزن وزیر ءَ گوشت کہ اے درستیں سرجمیں گامگیج پاکستان ءِ حکومت ءِ یکجائی، برداشت ءُ پرامن چاگرد ءِ جوڑ کنگ ءِ بے دروریں عزم ءِ درشان انت کہ ایشی ءِ تہ ءَ ھمک مردم امن ءُ ایمنی ءِ گوما شرپ ءُ شرپ، برابری ءُ وت مہ وتی شرپ ءُ احترام ءِ گوما زند گوازینت کنت۔ آئی ءَ گوشت کہ ورنا، مذھبی رہشون ءُ سول سوسائٹی ءَ چہ اپیل کنت کہ آ رواداری، شفقت ءُ رواداری ءِ قدر آنی دیمروئی ءِ تہ ءَ وتی کرد ءَ پیلو بہ کن اَنت۔ بیا! بیا اِت کہ ما یکجاہ یک انچیں پاکستان ءُ ائید ءِ جوڑ بہ کن ایں کہ اودا اختلاف ءُ تپاوتانی جاہ ءَ یک وشھال ءُ ھمگرنچیں باندات ءِ دیم ءَ کیت۔