بلوچستان ءِ نودربر گوں سیادی داروکیں واکداراں میڈیکل کالجانی تہ ءَ ھالیگیں جاگہ ​​گرگ ءَ اَنت، مصطفیٰ کمال

اسلام آباد۔15مئی  (اے پی پی): راجی جان سلامتی ءِ وفاقی وزیر مصطفیٰ کمال ءَ جمعہ ءِ روچ ءَ رسانکدر ءَ را سرپد کت کہ بلوچستان ءِ نودربر آنی واستہ میڈیکل کالج آنی تہ ءَ ھالیگیں سیٹ آنی جیڈھ حقیقی اِنت ءُ اے جیڈھ ءَ را سیادی داروکیں واکدار ءُ کالج آنی گوما چست کنگ بیت۔ وزارت جان سلامتی ءِ نیمگ ءَ چہ نوٹس ءِ پسو ءَ 5-8 اپریل 2026 ءَ جاری بوتگیں پاکستان میڈیکل اینڈ ڈینٹل کونسل ءِ نوٹیفکیشن ءِ سر ءَ عمل نہ کنگ ءِ جیڈھ ءَ را چست کنگ ءَ وزیر ءَ گوشت کہ ریزروڈ سیٹ آنی پُر کنگ ءِ بنجاہی ذمہ واری سیادی داروکیں کالج ءُ صوبائی واکدار آنی سر ءَ اِنت۔ آئی ءَ گوشت کہ پی ایم ڈی سی ءَ یک ریگولیٹری باڈی ءِ بستار ءَ پیسر ءَ چہ ھمگرنچیں ادارگ آنی گوما رابطہ کتگ ءُ بلوچستان ءِ نودربر آنی واستہ ریزروڈ سیٹ آناں ھالیگ کنگ ءِ سبب ءَ توجیل لوٹ اتگ۔ مصطفیٰ کمال ءَ گوشت کہ داخلہ ءِ عمل ءَ وفاقی حکومت ءِ براہ راست انتظامی کرد نیست، چیاکہ جان سلامتی ءُ طبی وانگ ءُ زانگ گیشتر صوبائی دائرہ کار ءِ چیر دستی ءَ کیت۔ وزیر ءَ جیڈھ ءِ سنگینی ءِ منگ ءِ وھد ءَ ایوان ءَ را دل یکیمی دات کہ اختیارات آنی محدودیت آنی باوجود جیڈھ ءِ گیواری ءِ واستہ کوشست کنگ بیت۔ آئی ءَ گوشت کہ بلوچستان ءِ حکومت پدمنتگ ءُ کم دیمروئی کتگیں دمگ آنی تہ ءَ سیادی داروکیں نودربر آناں وانگ ءُ زانگ ءِ موہ پجاری ءِ ارزشت ءَ شری ءَ سرپد انت۔