این ڈی ایم اے  ءَ سرجمیں ملک ءَ قدرتی آپت انی سبب ءَ تاوان ءِ کم کنگ ءِ ھاتر ءَ نوکیں پیش گوئی ءِ نظام ءِ کارمرز کنگ ءَ انت، وزیر پارلیمانی کار

اسلام آباد۔14مئی  (اے پی پی): پارلیمانی کارانی وزیر ڈاکٹر طارق فضل چوہدری ءَ گوشت کہ راجی آپت  آنی  گر ءُ دار ءِ ادارگ سرجمیں ملک ءَ سیلاب، جمبر ءُ ایندگر قدرتی آپت  آنی سبب ءَ تاوان ءِ کم کنگ ءِ واستہ نوکیں ٹیکنالوجی ءُ نوکیں پیش گوئی ءِ نظام ءَ کارمرد کنگ ءَ انت۔ پنچ شمبے ءِ روچ ءَ راجی اسمبلی ءَ جست ءُ پرس ءِ ساھت ءَ جست ءُ پرس ءِ ساھت ءَ وزیر ءَ گوشت کہ این ڈی ایم اے ءِ راستیں ھال آنی سبب ءَ پنجاب ءَ سیلاب ءُ بنی آدم  بیرانی ءِ کچ کم بوتگ۔ آئی ءَ گوشت کہ حکومت ءَ پیسر ءَ چہ ایوان ءِ تہ ءَ سیلاب ءُ قدرتی آپت  آنی پد ءَ ریلیف ءُ ریسکیو آپریشن آنی ھوالگ ءَ سرجمیں رپورٹ پیش کتگ انت۔ آئی ءَ گوشت کہ این ڈی ایم اے ءَ ضلعی انتظامیہ ءِ گوما ھمگرنچی ءَ آماچیں دمگ آنی تہ ءَ ترندیں کمک کتگ ایشی ءِ تہ ءَ ریلیف فنڈز، طبی آسراتی ءُ ایمرجنسی سامان ھوار اَنت۔ ڈاکٹر طارق فضل چوہدری ءَ گوشت کہ تاوان ءُ امدادی گامگیج آنی ھوالگ ءَ سرجمیں ھال پیسر ءَ چہ ایوان ءَ گوں راستی ءُ اعداد و شمار ءَ شیئر کنگ بوتگ انت ءُ اگاں لوٹ بوت گڈا پدا سیادی داروکیں باسک آناں پجاری کنگ بوت کنت۔ وفاقی وزیر ءَ گوشت کہ صوبائی ڈیزاسٹر مینجمنٹ اتھارٹی ءَ بوت کنت کہ این ڈی ایم اے ءِ وڑیں نوکیں ٹیکنالوجی مہ بیت، بلے آئی ءَ اے گپ ءِ سر ءَ زور پر دات کہ این ڈی ایم اے میاں اوستمانی ادارگ آنی گوما نزیکیں رابطہ ءَ اِنت ءُ آپت  آنی ھوالگ ءَ ریئل ٹائم ڈیٹا ءُ فیڈ بیک ءِ رسگ ءَ اِنت۔ آئی ءَ گوشت کہ این ڈی ایم اے ءَ صوبائی واکدار آناں ھئور، زمین چنڈ ءُ جمبر ءِ ھوالگ ءَ ھچ وڑیں دیر کنگ ءَ ابید وھد ءِ سر ءَ الرٹ ءُ وارننگ داتگ۔ وفاقی وزیر ءَ گوشت کہ زوتیں ھال ءِ شنگ کنگ ءِ نظام ءَ جتا جتائیں صوبگ آنی تہ ءَ ھزار آنی جان ءِ رکّینگ ءَ کمک کتگ، ایشی ءَ چہ واکدار آناں اے موہ رستگ کہ آ چہ ھترناکیں دمگ آنی تہ ءَ مردم آناں چہ ھترناکیں جاھاں شنگ کنگ ءَ پیسر زمین چنڈ ءِ آماچ بہ بنت۔ پنجاب ءِ ھوالگ ءَ آئی ءَ گوشت کہ این ڈی ایم اے ءِ راستیں ھال ءُ اھوال ءُ وھد ءِ سر ءَ رابطہ ءِ سبب ءَ پیسر ءَ چہ ہائی رسک ءِ دمگ آنی چہ لاکھوں مردم آناں یلہ کنگ بوتگ۔ ڈاکٹر طارق فضل چوہدری ءَ ایوان ءَ گوشت کہ راجی اسمبلی ءِ اسپیکر ءِ سروکی ءَ پارلیمانی ڈل ءَ گوستگیں روچاں این ڈی ایم اے ءِ بنجاہی کارگس ءِ تر ءُ تاب کتگ، اودا کارندہ آناں اتھارٹی ءِ نوکیں آپت  ءِ نگرانی ءِ نظام ءِ بابت ءَ سرپدی دیگ بوتگ۔ آئی ءَ گوشت کہ اے نوکیں نظام بازیں سیٹلائٹ آنی گوما ھمگرنچ اِنت ءُ سیادی داروکیں واکدار آناں نوکیں ھال ءُ اھوال ءِ پھجارینگ ءُ پشنگوکوکائی ءِ سر ءَ ڈیٹا پھجارینگ بیت۔