پاکستان ءِ آئی ٹی ءِ برآمدات ءَ مدام گیشی بوھگ ءَ اِنت، شزہ  فاطمہ خواجہ

اسلام آباد۔14مئی  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ  فاطمہ خواجہ ءَ گوشت کہ حکومت ءِ چیردستی ءَ کنگ بوھوکیں گہتری کار، ڈیٹا اسکل پروگرام ءُ پالیک سپورٹ ءِ سبب ءَ پاکستان ءِ آئی ٹی برآمدات ءَ را مدام گیشی بوھگ ءَ اِنت کہ اے ملک ءِ ٹیکنالوجی ءِ شوبگ ءَ را مھکم کنگ ءِ واستہ المی اِنت۔ پنچ شمبے ءِ روچ ءَ راجی اسمبلی ءَ جست ءُ پرس ءِ وھد ءِ ساھت ءَ جتا جتائیں باسک آنی جست ءُ پرس ءِ پسو ءَ آئی ءَ گوشت کہ گوستگیں بازیں سال آنی تہ ءَ پاکستان ءِ آئی ٹی برآمدات ءَ سالانہ 20درسد ءِ کساس ءَ گیشی بوھگ ءَ اِنت۔ آئی ءَ ایوان ءَ گوشت کہ وھدے کہ انوگیں حکومت ءَ اقتدار ءِ زمہ واری گپتگ گڑا آئی ٹی ءِ برآمدات ءِ کساس 2.4ارب ڈالر بوتگ ءُ اے برآمدات ءِ توقع اِنت کہ رواں مالی سال ءَ 4.5ارب ڈالر ءَ چہ گیش بوھگ ءَ اِنت۔ شزہ  فاطمہ ءَ اے دیمروئی ءِ کریڈٹ مزن وزیر شہباز شریف ءَ را داتگ۔ حکومت ءَ را کریڈٹ دیگ ءَ آئی ءَ گوشت کہ اے حکومت ءَ آئی ٹی ءِ شوبگ ءَ را اولیت داتگ ءُ پولی لیبر ترغیبات ءِ وسیلگ ءَ ایکسپورٹر آناں آسراتی داتگ۔ وفاقی وزیر ءَ گوشت کہ آئی ٹی ءِ شوبگ ایوک ءَ برآمد ءِ سر ءَ بڈوئیں صنعت اِنت کہ گڈی ٹیکس ءِ رژیم ءِ چیر دستی ءَ کار کنگ ءَ اِنت۔ پاکستان سافٹ ویئر ایکسپورٹ بورڈ ءِ تہ ءَ رجسٹرڈ کمپنی برآمدات ءِ سر ءَ ایوک ءَ 0.5درسد ٹیکس دیگ ءَ اَنت وھدے کہ رجسٹرڈ نہ بوتگیں ادارگ یکدرسد ٹیکس دیگ ءَ اَنت۔ آئی ءَ گوشت کہ حکومت سالانہ 5لکھ ءَ چہ گیش ورنا آناں ڈیٹا ءُ ہائی ٹیک ءِ مہارت آنی تہ ءَ تربیت دیگ ءَ اِنت ءُ ملک ءِ تہ ءَ گیش بوھوکیں بنی آدم  وسائل ءِ گنجائش آئی ٹی ءِ برآمدات ءِ تہ ءَ گیشی ءِ مستریں سبب اِنت۔ تربیتی پروگرام آنی تہ ءَ ھم گہتری کار کنگ بوتگ انت۔ آئی ءَ گوشت کہ تربیت ءِ گامگیج آنی واستہ میاں اوستمانی سرٹیفیکیشن ءُ تھرڈ پارٹی ءِ جائزہ المی کنگ بوتگ کہ ایشی ءَ چہ جوانیں آسراتی رسگ ءَ انت۔ ہاں، جدید تربیت ءِ پروگرامانی سیمی فریق ءِ جائزہ ءَ اے گپ پدر کتگ کہ گریجویٹس ءِ روزگار ءِ شرح 82 درسد انت، آئی ءَ اے شرح ءَ را میان استمانی معیار ءَ چہ گیش لیک اتگ۔ آئی ٹی انڈسٹری ءِ واستہ آسراتی ءِ گامگیج آناں پدر کنان ءَ آئی ءَ گوشت کہ حکومت ءَ پی ایس ای بی ءِ وسیلگ ءَ 24/7 آسراتی ءِ مرکز جوڑ کتگ ءُ کاروباری رجسٹریشن ءِ عمل ءَ را آسان کتگ۔ آئی ءَ گوشت کہ پی ایس ای بی ءِ رجسٹریشن ءِ واستہ لوٹوکیں وھد 90روچ ءَ چہ کم کنگ بوتگ ءُ ایوک ءَ 9 منٹ کنگ بوتگ۔ وفاقی وزیر ءَ گوشت کہ آئی ٹی کمپنی آناں ھاسیں درملکی کرنسی اکاؤنٹ آنی تہ ءَ 50درسد ڈالر ءِ دارگ ءِ اجازت دیگ بوتگ وھدیکہ اسٹیٹ بینک آف پاکستان ءَ فارم ای ءِ ھوالگ ءَ بازیں ریگولیٹری رکاوٹ آناں دور کتگ۔ آئی ءَ گوشت کہ گوستگیں دو سال آنی تہ ءَ 250 ءَ چہ گیش آئی ٹی کمپنی آناں میاں اوستمانی روڈ شوز آنی تہ ءَ بھر زوری کتگ وھدیکہ سرجمیں ملک ءَ 10اسپیشل ٹیکنالوجی پارک ءُ 50 ای روزگار ءِ مراگش جوڑ کنگ بوتگ۔ آئی ءَ گوشت کہ ڈیٹا اکانومی ءِ تہ ءَ زالبول آنی بھر زوری ءَ را گیش کنگ ءِ واستہ آزاد جموں ءُ کشمیر ءَ زالبول آنی واستہ ھاسیں ٹیکنالوجی پارک ھم جوڑ کنگ بوتگ۔ انٹرنیٹ سروسز ءِ ھوالگ ءَ جُست آنی پسو ءَ وفاقی وزیر ءَ گوشت کہ گوستگیں سال آنی تہ ءَ پاکستان ءِ انٹرنیشنل کنیکٹوٹی ءَ آبدوز کیبل آنی ایر کنگ ءَ گوں گہتری اتکگ۔ سرجمیں ملک ءَ فائبر آپٹک کنکٹیویٹی ءَ مزنیں کساسے ءَ گیشی بوتگ ءُ فائبر ءِ سر ءَ بنیات ءِ سر ءَ لوگی کنکشن 2024 ءَ 1.9ملین ءَ چہ دو سال ءِ تہ ءَ 5.1ملین ءَ سر بوتگ۔ وفاقی وزیر ءَ گوشت کہ حکومت نیشنل فائبرائزیشن پالیسی ءِ سر ءَ عمل کنگ ءَ انت۔ ءُ پہ براڈ بینڈ ءِ بنیاتی ڈھانچہ ءِ دیمروئی ءَ را ترند کنگ ءَ راہ ءِ حق ءِ زرّ ھلاس کنگ بوتگ اَنت۔ آئی ءَ گیش ایوان ءَ را گوشت کہ فور جی سروسز رول آؤٹ ءِ مرحلہ ءَ داخل بوتگ انت ءُ اسلام آباد ءِ مزنیں دمگ آنی تہ ءَ پائلٹ سروسز حاصل کنگ بوھگ ءَ انت۔ شزہ  فاطمہ ءَ گوشت کہ ڈیٹا ءِ فرق ءَ را کم کنگ ءِ واستہ شہری ءُ میتگ آنی واستہ جتا جتائیں انٹرنیٹ ءِ کوالٹی ءِ نگرانی ءِ نظام ھم جوڑ کنگ بوھگ ءَ انت۔ وفاقی وزیر ءَ گوشت کہ حکومت ءَ آئی ٹی ءِ برآمدات ءِ واستہ 15ارب ڈالر ءُ ڈیٹا ٹرانسفارمیشن ءِ وسیلگ ءَ گیش 10ارب ڈالر ءِ ٹارگٹ ایر کتگ۔ آئی ءَ گوشت کہ اے شوبگ ءِ سالانہ نمدی ءِ شرح ءَ را 20درسد ءَ چہ 30درسد ءَ گیش کنگ ءِ واستہ گامگیج کنگ بوھگ ءَ انت ایشی ءِ تہ ءَ آرٹیفیشل انٹیلی جنس ءِ ترندیں دیمروئی ءُ نیشنل اے آئی پالیسی ءِ سر ءَ عمل کنگ ھوار انت۔