پاکستان میرین اکیڈمی ءَ را ڈگری دیوکیں ادارگ جوڑ کنگ ءِ بل زوت راجی اسمبلی ءَ پیش کنگ بہ بیت، محمد جنید انوار چوہدری

اسلام آباد۔14مئی  (اے پی پی): وفاقی وزیر برائے میری ٹائم محمد جنید انوار چوہدری  ءَ گوشت کہ پاکستان میرین اکیڈمی ءَ را ڈگری دیوکیں ادارگ جوڑ کنگ ءِ بل زوت راجی اسمبلی ءَ پیش کنگ بیت، اے ملک ءَ میری ٹائم وانگ ءُ زانگ ءِ دیمروئی ءِ نیمگ ءَ مزنیں گامگیج بیت۔ وزارت ءِ نیمگ ءَ جاڑی بوتگیں پریس ریلیز ءِ رد ءَ آئی ءَ اے گپ کراچی ءَ پاکستان میرین اکیڈمی ءِ تر ءُ تاب ءِ ساھت ءَ کت انت ایشی ءِ تہ ءَ ادارگ ءِ دیمروئی ءُ تربیت ءِ گامگیج آنی بابت ءَ آئی ءَ را سرپد کت۔ وفاقی وزیر ءَ گوشت کہ اکیڈمی ءَ را ڈگری دیوکیں ادارگ ءِ درجہ دیگ ءِ ھوالگ ءَ درستیں سیادی داروکیں سٹیک ہولڈر آنی گوما شور ءُ سلاھ سرجم کنگ بوتگ، ءُ بل ءَ را گڈی منظوری ءِ واستہ جوانیں وھد ءَ راجی اسمبلی ءَ پیش کنگ بیت۔ قائم مقام کمانڈنٹ ءَ گوشت کہ مزن وزیر محمد شہباز شریف ءِ نیمگ ءَ چہ بندات کتگیں وزارت ءِ ٹرانسپورٹ ءُ انفراسٹرکچر گہتری کار ءِ چیر دستی ءَ کراچی پورٹ ٹرسٹ، پورٹ قاسم اتھارٹی ءُ گوادر پورٹ اتھارٹی ءِ کارندہ آناں ھاسیں تربیت دیگ بوتگ کہ ایشی ءِ تہ ءَ بنیاتی آتش نشانی ءِ ھوار بوتگ ءُ نوکیں ٹرینر پروفیشنل کورس ءِ تہ ءَ نومبر ءَ تاں 50 ءَ گشتگ۔ اکیڈمی ءِ 14 انسٹرکٹرز   ءَ را  کوالیفائیڈ ٹرینرز  ءِ درجہ دیگ بوتگ کہ ایشی ءَ چہ ادارہ ءِ تربیت ءِ گنجائش ءَ مزنیں کساسے ءَ گیشی بوتگ۔ کمانڈنٹ ءِ رد ءَ 100کروڑ کلدار ءِ مالی کمک کنگ بوتگ۔ کراچی پورٹ ٹرسٹ، پورٹ قاسم اتھارٹی ءُ پاکستان نیشنل شپنگ کارپوریشن ءِ کارپوریٹ سوشل ریسپانسیبلٹی فنڈنگ ​​ءِ وسیلگ ءَ اکیڈمی ءِ جاری دیمروئی منصوبگ آنی واستہ 42 کروڑ 10 لکھ  ءِ کمک کنگ بیت۔ وفاقی وزیر ءَ شمولیت ءِ سر ءَ زور پر دیان ءَ پنت ءُ شون کت کہ اکیڈمی وتی تربیتی پروگراماں بلوچستان ءِ نودربر آنی تہ ءَ گیش ءُ گیوار بہ کنت۔ اے واستہ نیشنل ووکیشنل اینڈ ٹیکنیکل ٹریننگ کمیشن ءُ برزن انکم سپورٹ پروگرام ءَ چہ کمک لوٹگ بیت۔ آئی ءَ گوشت کہ اکیڈمی ءِ اپ گریڈ کنگ ءِ گامگیج ریئل ٹائم سیکٹر ءَ را نوک جوڑ کنگ ءُ دمگی ءُ جھان ءِ لوٹ آنی رد ءَ ہنرمندیں مردمی قوت پیداک کنگ ءِ یک پراھ ءُ شاھگانیں حکمت عملی ءِ بھر اِنت۔