پاکستان ءُ آذربائیجان ءِ سیادی روچ پہ روچ گیش  مھکم  بوھگ ءَ انت، مزن وزیر شہباز شریف ءَ گوں زری وزیر  ءِ انصاف   ءَ گپ ءُ تران کتگ

اسلام آباد۔14مئی  (اے پی پی): مزن وزیر محمد شہباز شریف ءَ گوشت کہ پاکستان ءُ آذربائیجان ھما براتی ملک اَنت کہ ایشانی سیادی ھمک روچ گوزگ ءَ گوں گیش مھکم بوھگ ءَ اَنت۔ آئی ءَ اے ھیالانی درشانی آذربائیجان ءِ انصاف ءِ وزیر فرید تراب اووعلو احمدوف  ءَ گوں گپ ءُ تران کنان ءَ کت اَنت آئی ءَ پنچ شمبے ءِ روچ ءَ مزن وزیر گس ءَ آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ وفاقی وزیر قانون، انصاف  ءُ  بنی آدم  حقوق اعظم نذیر تارڑ، اٹارنی جنرل منصور عثمان اعوان، وزیر مملکت برائے قانون  ءُ  انصاف بیرسٹر عقیل ملک، وزیراعظم کے معاون خصوصی طارق فاطمی اور سیکریٹری خارجہ آمنہ بلوچ  ھم  ساڑی اَت۔   پرمڈائیں  گند ءُ نند ءِ ساھت ءَ مزن وزیر ءَ آذربائیجان ءِ وزیر ءَ را سلام ءُ دروت کت ءُ گوشت کہ پاکستان ءُ آذربائیجان براتیں ملک اَنت ایشانی سیادی ھمک روچ گوزوکیں روچ ءَ گیش مھکم بوھان اَنت۔ آئی ءَ آذربائیجان ءِ صدر الہام علیوف ءَ را وتی نیکیں واھگ آنی درشانی کتگ ءُ اے ھپتگ ءِ بندات ءَ آئی ءِ گوما ٹیلی فون ءِ سر ءَ گپ ءُ تران ھم یات کتگ۔ آذربائیجان ءِ وزیر ءَ مزن وزیر ءِ توسیپ ءُ ستا گپت کنان ءَ پاکستان ءِ گامگیجان داری ءِ سرا پاکستان ءِ توسیپ ءُ ستا گپت۔ آئی ءَ مزن وزیر ءَ را دوئیں ملک آنی نیام ءَ کانودی ئُُ عدالتی کمک ءِ شوبگ ءَ برجاھیں کمک ءِ بابت ءَ سرپد کت۔ دوئیں نیمگ یکجاھیں قانونی کمک ءِ میکانزم آناں گیش کنگ ءِ ھوار دوئیں ملک آنی عدالتی نظام آنی ظرفیت ءِ جوڑ کنگ ءِ واستہ یکجاھیں رنگ ءَ کار کنگ ءَ اَنت۔ مزن وزیر ءَ پریک آنی کوشست آنی توسیپ کنان ءَ گوشت کہ آ زوت وتی برات صدر الہام علیف ءَ گوں گند ءُ نند ءِ ودار ءَ انت تانکہ دوئیں نیمگ آنی نیام ءَ جوانیں دو نیمگی کمک درستیں پڑ آنی تہ ءَ برجاہ بہ بیت۔