ہاؤسنگ ءِ شوبگ ءَ ساپ ءُ سلہ ئی ءِ دیمروئی ءِ واستہ درستیں معاملہ ڈیجیٹل ءُ آٹومیٹک کنگ بنت، مزن وزیر شہباز شریف ءَ جائزہ دیوان ءَ گشتانک

اسلام آباد۔14مئی  (اے پی پی): مزن وزیر محمد شہباز شریف ءَ ہاؤسنگ ءِ شوبگ ءَ گہتری کار ءَ را گیش بوھوکیں آبادی ءِ رد ءَ وھد ءِ ضلورت لیکگ ءَ گوشت کہ کم آمدنی ءِ گل ءِ واستہ ہاؤسنگ ءِ پھجارینگ، سرکاری شوبگ ءِ دلبڈی ءَ ھوار ارزانیں ہاؤسنگ منصوبگ ءُ مئے سرجمیں آسراتی آنی تہ ءَ گہتری ءِ تہ ءَ ھوار انت۔ شعبہ ءِ تہا ساپ ءُ سلہ ئی ءِ دیمروئی ءِ ھاتر ءَ ڈیجیٹل ءُ آٹومیٹک کنگ بوتگ۔ آئی ءَ اے ھیالانی درشانی پنچ شمبے ءِ روچ ءَ وتی سروکی ءَ ہاؤسنگ ءِ شوبگ ءَ گہتری کار ءِ ھوالگ ءَ جائزہ دیوان ءَ گوں تران کنان ءَ کت۔ گند ءُ نند ءَ وفاقی وزیر اقتصادی امور احد خان چیمہ ، وفاقی وزیر ہاؤسنگ اینڈ ورکس میاں ریاض حسین پیر زادہ ، وفاقی وزیر داخلہ و انسداد منشیات محسن نقوی ، وفاقی وزیر قانون و انصاف اعظم نذیر تارڑ ، مزن وزیر ءِ  مشیر برائے بین الصوبائی روابط رانا ثناء اللہ ، وزیر مملکت داخلہ طلال چوہدری ، وزیر مملکت برائے خزانہ  ءُ  ریلوے بلال اظہر کیانی ، چئیرمین نیب لیفٹننٹ جنرل (ریٹائرڈ) نذیر احمد بٹ، اٹارنی جنرل منصور اعوان ءُ سرکاری مزنیں کارندہ کہ ساڑی اتنت۔ مزن وزیر ءَ گوشت کہ گیش بوھوکیں آبادی ءِ رد ءَ ھاوسنگ ءِ شوبگ ءَ گہتری کار وھد ءِ لوٹ اِنت۔ آبادی ءِ گیش بوھگ ءُ شہرانی بے کنٹرولیں وسعت ءِ سبب ءَ زرعی شعبہ ءِ سرا دباؤ گیش بوھگ ءَ انت کہ ایشی ءِ ھاتر ءَ یک مناسبیں حکمت عملی ءِ ضلورت انت۔ ہاؤسنگ سیکٹر ءِ تہ ءَ درستیں جیڈھ ڈیٹا ءِ سر ءَ چلائینگ ءُ ساپ ءُ سلہ ئی ءِ دیمروئی ءِ واستہ آٹومیٹک کنگ بنت۔ مزن وزیر ءَ گوشت کہ ہاؤسنگ ءِ شوبگ ءَ درملکی سرمایہ کاری آناں را راجیگ کنگ ءِ واستہ اے شوبگ ءَ را ریگولیٹری فریم ورک ءِ تہ ءَ آرگ المی اِنت۔ گند ءُ نند ءِ تہ ہاؤسنگ ءِ شوبگ ءَ گہتری کار ءِ بابت ءَ شور ءُ سلاھ کنگ بوت۔ دیوان ءِ تہ بریفنگ ءِ ساھت ءَ گوشگ بیت کہ ہاؤسنگ سیکٹر ءَ ساپ ءُ سلہ ئی آرگ ءِ واستہ معتبر سرمایہ کار ءُ ڈویلپر آناں آسراتی پجاری ءِ واستہ ریگولیٹری فریم ورک ءَ را آسان جوڑ کنگ بیت۔ ہاؤسنگ ءُ دیمروئی ءِ شوبگ ءَ کار کنوکیں مردمانی واستہ ایس ای سی پی ءِ رجسٹریشن المی کنگ بہ بیت۔ شہر آنی بے کنٹرولیں دیمروئی ءِ دیم ءَ دارگ ءِ ھاترا ھم رھبند جوڑ کنگ بیت۔ بریفنگ ءِ رد ءَ مزنیں شہر آنی تہ ءَ بُرزیں ماڑی ءُ عمودی توسیپ ءِ واستہ دلبڈی دیگ بیت۔ بریفنگ ءِ تہا مزنیں شہر آنی واستہ ماسٹر ٹاؤن پلاننگ ءِ سوج دیگ ءِ وھد ءَ گشگ بیت کہ یک ونڈو ءِ نظام جوڑ کنگ بہ بیت تانکہ ڈویلپر، خریدار ءُ ایندگر سٹیک ہولڈر آنی حق آنی رکھینگ بہ بیت۔ مزن وزیر ءَ اے تجویز آنی ھوالگ ءَ صوبگ آنی گوما شور ءُ سلاھ ءِ ھم پنت ءُ شون کتگ۔