پہلگام ءِ واقعہ ءَ پد ہندوستان ءِ جھان ءِ ساکھ سک باز تاوان بوتگ، ” شائننگ انڈیا ” ءِ بیانیہ جھان ءِ ایوکی  ءَ بدل بوتگ، عطا اللہ تارڑ

اسلام آباد۔13مئی  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ پہالگام ءِ وئیل ءَ پد بھارت ءِ جھان ءِ نام ءِ سر ءَ سک باز تاوان رستگ، ’’شائننگ انڈیا‘‘ ءِ بیانیہ جھان ءِ انزوا ءَ بدل بوتگ، پاکستان ناشرکاری ءِ ھلاپ ءَ یک دیم ءِ لیکہ ءِ ریاست اِنت، اے جنگ ءَ داتگیں قربانی ناقابل فراموش اَنت،   وتی اندری جیڑہاں درائیں رنگ ءُ درائیں جیڑہاں اندری رنگ دنت، ناشرکاری ہندوستان ءِ اندری جیڑہ انت ءُ جموں ءُ کشمیر میان استمانی جیڑہ انت۔ راستی ءِ جہد ءِ وھد ءَ راج ءُ سلاھبند ءِ یکوئی ءَ پاکستان ءِ دفاعی صلاحیت آناں پدر کت ءُ ملک ءِ شرپ گیش بوت، پاکستان مرچی یک سنگینیں ملکے ءِ رنگ ءَ گندگ بیت کہ میاں اوستمانی جیڑہانی گیش ءُ گیوار ءَ کرد پیلو کنگ ءَ انت۔ آئی ءَ اے ھیالانی درشانی چار شمبے ءِ روچ ءَ انسٹی ٹیوٹ آف اسٹریٹجک اسٹڈیز ءَ انڈیا اسٹڈی سینٹر ءِ نیمگ ءَ برجم داشتگیں اہتمام ‘‘Marka-e-Haq:Victory in the Battlefield and Beyond’’  “ءِ سر ءَ سیمینار ءَ گوں تران کنان ءَ کت۔ اے مراگش ءَ انسٹی ٹیوٹ آف اسٹریٹجک اسٹڈیز ءِ بورڈ آف گورنرز ءِ چیئرمین سفیر خالد محمود، پیسریگیں دری کارانی وزیر جلیل عباس جیلانی، درئی کارانی کارگس ءِ جارکش طاہر حسین اندرابی، پیسریگیں وائس چیف آف ایئر اسٹاف ایئر مارشل ریٹائرڈ فاروق حبیب، معروف سٹریٹجک تجزیہ کار احمد حسن العربی  ءُ دگہ ھاسیں پرسنالٹی ساڑی بوتگ اَنت۔ وفاقی وزیر ءِ اھوالکاری ءَ گوشت کہ بھارت ءَ پاکستان ءِ سر ءَ جنگ مسلط کتگ، پاکستان دائم ءَ امن ءِ سر ءَ ایمان داریت ءُ امن ءِ چیمپئن بوتگ۔ آئی ءَ گوشت کہ پاکستان ناشرکاری ءِ ھلاپ ءَ فرنٹ لائن ریاست اِنت، ما ناشرکار ءُ دگنیا ءِ نیام ءَ دیوال ءُ سپر ءِ رنگ ءَ اوشتاتگ آں۔ آئی ءَ گوشت کہ بھارت ءِ بیانیہ ءُ حکمت عملی ءِ تہ ءَ لھتیں تضاد ءُ تضاد است انت۔ ہندوستان ءَ مدام درائیں جیڑہاں اندری رنگ ءُ اندری جیڑہاں درائیں رنگ داتگ۔ ناشرکاری بھارت ءِ تہی جیڈھ اِنت، درائیں جیڈھ نہ اِنت وھدے کہ جموں ءُ کشمیر ءِ جیڈھ یک جھان ءِ جیڈھ اِنت۔ اقوام متحدہ ءِ سلامتی کونسل ءِ قرارداد جموں ءُ کشمیر ءِ الس ءَ را وت واجئی ءِ حق ءَ دنت۔ وفاقی وزیر ءَ گوشت کہ وھدے پہلگام ءِ وئیل بوتگ گڈا بھارت ءَ دروگیں پرچم آپریشن ءِ بندات کنگ ءُ یک انچیں من گھڑتیں بیانیہ ءِ جوڑ کنگ ءِ کوشست کتگ کہ ایشی ءِ تہ ءَ بے کساس تضاد ھوار انت۔ پہلگام ءِ وئیل ءَ چہ بس دہ منٹ ءِ تہا ایف آئی آر درج کنگ بوتگ ءُ ہچ وڑیں پٹ ءُ پول ءِ ہچ وڑیں ذمہ واری پاکستان ءِ سرا ایر کنگ بوتگ۔ آئی ءَ گوشت کہ پہلگام لائن آف کنٹرول ءَ چہ سد کلومیٹر ءَ گیش دور اِنت، اے چوں بوت کنت کہ ایشی ءِ سر ءَ الزام جنگ بوھگ ءَ اِنت تحریک ءِ پجار ھم کنگ نہ بیت۔ آئی ءَ گوشت کہ پہلگام ءِ وئیل ھمنچو بوتگ ما ھما دمان ءَ سرگرم بوتگ۔ روایت ءِ اصل طاقت ریاستی ادارہانی نیام ءَ یکوئی، ہم آہنگی ءُ مشترکہ عمل ءِ تہا انت۔ کلیں ریاستی ادارہ یکجاہ بوتگ انت۔ مئے مشترکہ مول ءُ مراد ایش ات کہ ما راستی ءَ دنیا ءِ دیم ءَ یک موثریں رنگے ءَ ایر بہ کنیں۔ آئی ءَ گوشت کہ مئی جنگ ءِ وھد ءَ مئے بیانیہ مھکم بوتگ پرچا کہ ما راستیں فورم ءَ وھد ءُ پاس ءِ سر ءَ راستی ءَ را دگنیا ءِ دیم ءَ ایر کتگ۔ بیانیہ جنگ ءِ اسل اهمیت ایش انت کہ راستیں گپ راستیں وھد ءَ راستیں دیوان ءَ گشگ بہ بیت۔ عطا اللہ تارڑ ءَ گوشت کہ اسٹریٹجک بیانیہ ءِ ھوالگ ءَ یک خاصیں ءُ تفصیلی مہم ءِ برجم دارگ المی انت۔ بیانیہ ءِ دیم ءَ مارا ہما وہد ءَ مزنیں دیمروئی یے رست کہ مزن وزیر محمد شہباز شریف ءَ پاکستان ملٹری اکیڈمی ءَ گوں تران کنان ءَ پہلگام ءِ واقعہ ءِ سرا شفاف، غیر جانبدار ءُ آزاتیں پٹ ءُ پول ءِ پیشکش کت۔ مرچی یک سالے گوستگ بلے ھندوستان ءِ نیمگ ءَ چہ مئے پیشکش ءِ ھچ وڑیں پسو دیگ نہ بوتگ ءُ دیگ نہ بیت پرچا کہ پہلگام ءِ واقعہ دروگیں پرچم ءِ آپریشن بوتگ گڑا ھرکس زانت۔ پاکستان ءَ اے گپ ثابت کتگ کہ مئے دست ساپ اَنت، وھدے کہ ھندوستان ءَ پٹ ءُ پول ءَ چہ رکّ اِتگ ءُ پد ءَ ھمے دروگیں پرچم ءِ آپریشن ءِ جواز پیش کتگ ءُ پاکستان ءِ تہ ءَ بے گناہیں شہری ءُ شہری آبادی نشانگ جوڑ کتگ۔ آئی ءَ گوشت کہ اے کارروائی ءَ چہ جھان ءِ تک ءَ بھارت ءِ پوزیشن ءَ را گیش تاوان رستگ۔ آئی ءَ گوشت کہ ما بنجاہی ءُ میاں اوستمانی اھوالکار آنی ڈل ءَ بیلا نور شاہ ءَ برتگ اودا بھارت ءَ ناشرکاری کیمپ آنی ھست بوھگ ءِ الزام جتگ۔ ما اے اھوالکاراں اودا بُرتگ اَنت کہ دگنیا ءَ پیش بہ داریں کہ ھندوستان ءِ الزام بے بن اَنت۔ دومی روچ ءَ ما مریدکے ءُ بہاول پور ءَ روگ ءِ جار جتگ ات بلے اے میان ءَ ہندوستان ءَ زوراکی کت۔ آئی ءَ گوشت کہ ما اقوام متحدہ ءِ منشور ءِ رد ءَ وتی ھک ءِ رد ءَ مھکم ءُ فیصلہ کنوکیں پسو دیگ ءَ راست ایں ۔ وفاقی وزیر ءَ گوشت کہ بیانیہ ءِ دیم ءَ ما میاں اوستمانی میڈیا ءِ گوما مدام رابطہ ءَ اتیں پرچا کہ مارا دنیا ءَ را گشگ ءِ واستہ بازیں چیزے است ات۔ آئی ءَ گوشت کہ پاکستان ناشرکاری ءِ ھلاپ ءَ یک فرنٹ لائن ءِ ریاست اِنت کہ ناشرکار ءُ دگنیا ءِ نیام ءَ یک ڈھال ءُ دیوال ءِ رنگ ءَ اوشتاتگ۔ وھدیکہ یک پاکستانی وتی جان ءَ قربان کنت گڈا ایوک ءَ ماتیں گلزمین ءِ واستہ نہ انت بلکینگ ءَ سرجمیں دگنیا ءِ رکینگ ءِ واستہ انت۔ آئی ءَ گوشت کہ دگنیا ءَ ھچ وڑیں ملک نیست کہ آئی ءَ ناشرکاری ءِ ھلاپ ءَ جنگ ءَ 90 ھزار مردم ءِ جان قربان کتگ ءُ آئی ءَ را سداں ارب ڈالر ءِ معاشی تاوان رستگ۔ وفاقی وزیر ءَ گوشت کہ پاکستان ءِ سر ءَ یک انچیں ملک ءِ نیمگ ءَ ناشرکاری ءِ بھتام جنگ بوھگ ءَ اِنت کہ آ وت دگنیا ءَ سکھ سروک آنی کوش ءَ ھوار اِنت، بھارت امریکہ، برطانیہ ءُ دگنیا ءِ جتا جتائیں بھر آنی تہ ءَ ٹارگٹ کیلنگ آنی تہ ءَ ھوار اِنت ایشی ءِ تہ ءَ کینیڈا ءَ ھردیپ سنگھ نججر ءِ کوش ھم ھوار اِنت۔ آئی ءَ گوشت کہ پاکستان وھدے کہ بھارت ناشرکاری ءِ ھلاپ ءَ جنگ ءَ اِنت، مئے کرّا اے گپ ءِ شوھاز اِنت کہ بھارت ءِ شہری کلبھوشن جادھو کہ پاکستان ءَ دزگیر کنگ بوتگ، پاکستان ءَ بربادی ءِ کارانی تہ ءَ ھوار بوتگ ءُ آ دزگیر کنگ بوتگ۔ آئی ءَ گوشت کہ بیانیہ ءِ دیم ءَ پاکستان ءِ بنجاہی موقف ایش بوتگ کہ آ یک موثر، یکجاھیں ءُ وھد ءِ سر ءَ جہانی براتی ءَ را راستی آناں سر بہ کنت ءُ ایشی ءِ واستہ جوانیں وھد ءُ جوانیں فورم گچین کنگ بوتگ۔ آئی ءَ گوشت کہ گوستگیں سال ءِ مئی ءَ ھندی حکومت ءُ ھندی میڈیا ءِ نیمگ ءَ کتگیں بازیں دعویٰ بے بن ءُ مبالغہ آمیز لیکگ بوتگ اَنت وھدیکہ اے جاور ھال ءِ تہ ءَ پاکستانی میڈیا، اکیڈمک سرکل ءُ دانشور آنی سرجمیں رنگ ءَ کرد پیلو بوتگ۔ پاکستانی میڈیا چینل، سوشل میڈیا پلیٹ فارم، تجزیہ کار، اینکر پرسن ءُ رپورٹراں پاکستان ءِ موقف ءَ را جھان ءِ تک ءَ جوانیں رنگے ءَ پیش داشتگ، ایشی ءِ برعکس چہ ھندی میڈیا ءَ جنگی جنون ءُ آشوب ءِ سرا مبنی بیانیہ یے دراتکگ کہ ایشی ءِ تہا بازیں غیر حقیقت پسندانہ دعویٰ ھم ھوار بوتگ اَنت۔ آئی ءَ گوشت کہ بھارتی رسانکدر ءَ لاہور ءُ ملتان ءِ بندر آناں برباد کنگ ءِ دروگیں دعویٰ کتگ، اگاں چہ اے دوئیں شہر آنی تہ ءَ بندر نیست انت۔ آئی ءَ گوشت کہ ایشی ءِ برعکس راستی ءِ جنگ ءِ وھد ءَ پاکستانی رسانکدر ءَ مستند، تصدیق ءُ معتبریں ھال ءُ اھوال داتگ، اے موثریں بیانیہ ءِ سبب سرکاری ادارگ ءُ رسانکدر ءِ نیام ءَ سرجمیں ھمگرنچی، رابطہ ءُ بے رکاوٹیں ھال ءُ اھوال ءِ بدلی بوتگ۔ آئی ءَ گوشت کہ مئے ورنائیں نسل ءَ جنگ ءِ گرانیں بھر ءَ وتی بے دروریں ’’میم جنگ‘‘ بندات کتگ۔ یک نیمگے میزائل ءُ گولہ گواری کنگ بوھگ ءَ اتنت ءُ دومی نیمگ ءَ پاکستانی ورنا وتی موبائل ءُ لیپ ٹاپ ءِ وسیلہ ءَ کریٹیو میمز جوڑ کنگ ءَ اتنت۔ اے گپ ءَ چہ مخالفیں نیمگ ھم حیران بوت، پاکستان ءَ اے سرجمیں منظر نامہ ءَ وتی جوانیں کارکردگی پیش داشت۔ آئی ءَ گوشت کہ بیانیہ ءِ جنگ بہ بیت، روایتی فوجی جاور ھال بہ بنت یا سفارتی تک ءِ کوشست بہ بنت، وزارت ءِ درئی کار ءُ ایندگر ریاستی ادارگ آنی نیمگ ءَ یکجاھیں رنگ ءَ وتی کرد پیلو بوتگ۔ ایشی ءِ مستریں سبب ایش ات کہ مئے کرّا دنیا ءَ را گشگ ءِ راستی ات کہ ما دنیا ءَ را موثریں وڑے ءَ سر کت۔ دومی نیمگ ءَ دژمن ءَ مدام ردی کنگ ءَ ات، سرجمیں دنیا ءَ دیست کہ آئی ءِ نیت چون پدر بوتگ انت۔ آئی ءَ گوشت کہ حق ءِ جنگ ءِ وھد ءَ سول ءُ فوجی سروکی یکیں تاک ءَ بوتگ، اے یکوئی ءَ مارا وتی موقف ءَ را دگنیا ءِ دیم ءَ جوانیں رنگ ءَ درشان کنگ ءَ کمک کتگ۔ وفاقی وزیر برائے اھوالکاری ءَ فیلڈ مارشل سید عاصم منیر ءِ دلیر ءُ بہادریں سروکی ءَ را شگر ءُ منت درشان کنان ءَ گوشت کہ پاکستان ءَ جاور ھال آنی سر ءَ رد ءُ بند ءِ رنگ ءَ سرجمیں راج ءِ حوصلہ چست کتگ۔ عطا اللہ تارڑ ءَ گوشت کہ پاکستان یک ذمہ واریں ملکے، حق ءِ جنگ ءِ وھد ءَ پاکستان ءَ ایوک ءَ دژمن ءِ جنگی ٹارگٹ ءُ جنگی اڈہ نشانگ جوڑ کتگ، ایشی ءِ برعکس ہندوستان ءَ مئے سول دمگ آنی سر ءَ اُرش کتگ۔ وفاقی وزیر ءَ گوشت کہ وھدے ھشت بھارتی بالی گراب تیرگواری کنگ بوت گڈا بھارت ءِ شان ھم ھلاس بوت۔ فضائی جنگ ءِ تہا مئے برتری دنیا ءِ دیم ءَ ثابت بوتگ ات۔ آئی ءَ گوشت کہ مئے بحریہ ھم ھشیار ءُ ھرچ وڑیں زوراکی ءِ پسو ءِ واستہ تیار ات، سرجمیں راج یکجاہ ات ءُ حق ءِ جنگ ءَ وتی قوت آنی گوما اوشتاتگ ات، ما وتی سیاسی اختلاف پشت ءَ ایر کتگ ات۔ آئی ءَ گوشت کہ سرجمیں دگنیا ءَ دیست کہ پہلگام ءِ دروگیں پرچم آپریشن ءُ پاکستان ءِ سر ءَ ایر کنگ بوتگیں بے بنیں الزام آناں چہ بندات کنان ءَ پاکستان ءَ ھمک پڑ ءَ راستیں حکمت عملی زرتگ۔ پاکستان ءِ سوبمندی اے گپ ءِ ثبوت اِنت کہ ملک ءَ دمگی رنگ ءَ جوڑ بوتگیں دفاعی سامان ءُ ٹیکنالوجی ءِ دیم ءَ ھچ نیست۔ وفاقی وزیر ءَ گوشت کہ حق ءِ جنگ ءَ پد پاکستان ءِ عزت ءُ شرپ گیش بوتگ، جھان ءِ تک ءَ پاکستان ءِ ارزشت ءُ کرد دیم ءَ اتکگ۔ نوں پاکستان ءِ نام ءَ گوں احترام ءَ گرگ بیت ءُ اے یک سنگینیں ملکے ءِ رنگ ءَ گندگ بیت کہ آ میان استمانی جیڑہانی گیش ءُ گیوار ءَ کرد پیلو کنگ ءَ انت۔ آئی ءَ گوشت کہ مرچی دگنیا پاکستان ءِ توان ءُ توانائی ءَ را منگ ءَ انت وھدیکہ دومی نیمگ ءَ رودراتکی ھمساھگ ءَ لابنگ فرم ءُ پی آر فرم آنی سر ءَ سداں ارب ڈالر ھرچ کتگ بلے مرچی شائننگ انڈیا ءِ بدل ءَ ایشی ءَ ایوکائی ءِ آماچ انت۔ آئی ءَ گوشت کہ وھدے یک ملکے وتی سرجمیں بُن ھشت ءُ بیانیہ ءَ را ردیں ھال ءُ اھوال ءُ پروپیگنڈا ءِ سر ءَ ایر کنت، وتی تہی جیڑھ ءُ درائیں جیڑھ آناں درآمد کنت، دمگ ءَ بالادستی ءِ قیام ءِ جھد ءَ کنت ءُ وت ءَ را جنوبی ایشیا ءِ پولیس والا لیک ایت گڑا اے راہ ھچبر سوبمند بوت نہ کنت۔ عطا اللہ تارڑ ءَ گوشت کہ راج راستی ءِ جند ءِ سر ءَ پھر جوڑ بوتگ، انشاء اللہ پاکستان گیش دیم ءَ روان کنت ءُ اے مزنیں راج ءِ مردم وتی ڈیھ ءِ سر ءَ پھر ءُ شان برجاہ دار اَنت۔