مزن وزیر شہباز شریف ملک ءِ معیشت ءِ دیمروئی ءُ برآمدات ءِ تہ ءَ گیشی ءِ واستہ کسان ءُ میان استمانی صنعت آنی تہ ءَ مزنیں گنجائش است انت

اسلام آباد۔13مئی  (اے پی پی): مزن وزیر محمد شہباز شریف ءَ گوشت کہ کسان ءُ میاں اوستمانی صنعت آنی تہ ءَ ملکی معیشت ءِ دیمروئی ءُ برآمدات ءِ تہ ءَ گیشی ءِ واستہ مزنیں توان است انت، کمرشل بینک آنی نیمگ ءَ چہ کسان ءُ میان استمانی صنعت آناں آسانی ءَ وام دیگ ءِ واستہ گامگیج چست کنگ بہ بیت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ملک ءَ کسان ءُ میاں اوستمانی صنعت آنی دیمروئی ءِ واستہ حکومتی گامگیج آنی ھوالگ ءَ چار ءُ تپاسی دیوان اسلام آباد ءَ برجم دارگ بوت۔ سمیڈا ءَ را مزن وزیر ءِ پنت ءُ شون آنی سر ءَ عمل کنگ ءِ تہ ءَ پیشرفت ءِ بابت ءَ سرپد کنگ بوت۔ مزن وزیر ءَ گوشت کہ کسانیں ءُ میاں اوستمانی صنعت ءِ تہ ءَ ملکی معیشت ءِ دیمروئی ءُ برآمدات ءِ تہ ءَ گیشی ءِ واستہ مزنیں توان است انت۔ اے گپ وشیں گپے کہ ہارون اختر ءُ آئی ءِ اسمیڈا ٹیم ہنگامی بنیاد ءَ کار کنگ ءَ انت تانکہ آسانیں وام، ڈیجیٹل فنانسنگ، رسمی معیشت ءِ تہا ہوار کنگ ءُ کسان ءُ میان استمانی صنعت آناں برآمداتی مارکیٹ آنی رسائی ءِ ھاتر ءَ کار کنگ ءَ انت۔ مزن وزیر ءَ پنت ءُ شون کت کہ سمیڈا ءُ وزارت صنعت ءِ نیمگ ءَ تیار کتگیں روڈ میپ وشیں انت، یک ٹھینگ بوتگیں وھد ءِ تہ ءَ رسگ ءِ لائکیں ٹارگٹ آنی گوما برجائی ءِ منصوبگ پیش کنگ بہ بیت، کمرشل بینک آنی نیمگ ءَ کسانیں ءُ میاں اوستمانی صنعت آناں آسانیں کریڈٹ ءِ پھجارینگ ءِ واستہ گامگیج چست کنگ بہ بیت، زراعت ءِ تہ ءَ پروسیسنگ ءِ شعبہ آناں کسانیں پیمانہ ءِ تہ ءَ گامگیج چست کنگ بہ بیت۔ زالبول آنی کسانیں ءُ میان اُستمانی صنعت آنی تہ ءَ ھوار کنگ ءِ واستہ وش آتک کنگ بیت ءُ زالبول آناں آسانیں کریڈٹ ءِ رسائی ءِ آسراتی ءِ واستہ گامگیج آناں گیش موثر جوڑ کنگ بہ بیت۔ گند ءُ نند ءَ سمیڈا، وزارت صنعت ءُ پیداوار ءُ اسٹیٹ بینک ءِ نیمگ ءَ بریفنگ دیگ بوت۔ گند ءُ نند ءَ گوشت بوت کہ مزن وزیر ءِ پنت ءُ شون ءِ رد ءَ کسان ءُ میاں اوستمانی صنعت آنی دیمروئی ءِ واستہ سمیڈا 8 اسٹریٹجک شوبگ آنی تہ ءَ 48 گامگیج آنی سر ءَ عمل کنگ ءَ انت ایشی ءَ چہ آیوکیں دوسال ءُ چارسال آنی تہ ءَ مرحلہ آنی تہ ءَ دیمروئی ءِ مول ءُ مراد آنی سرجمی ءَ را دل یکیمی کنگ بیت۔ دیوان ءَ رواں سال ءِ مول ءُ مراد ءُ ایشی ءِ سرجمی ءِ ھوالگ ءَ رپوٹ پیش کنگ بوت۔ اے سال ءَ روڈ شو ءُ نمائش آنی وسیلگ ءَ لوکل ءُ ایکسپورٹ مارکیٹ آناں رسائی، بینک آنی نیمگ ءَ آسانیں شرت ءُ کم ھرچ ءُ درچ ءِ وام ءِ وسیلگ ءَ سرمایہ کاری ءَ را گیش کنگ، وینڈر پروفائلنگ ءِ وسیلگ ءَ ویلیو چین ءَ را مھکم کنگ، ایس ایم ایز ءَ را رسمی معیشت ءَ را ھوار کنگ ءِ واستہ گامگیج چست کنگ بوتگ، ایس ایم ای ءِ جوڑ کنگ ءِ وسیلگ ءَ ڈیٹا بیس ءِ وسیلگ ءَ بریفنگ دیگ بوتگ۔ گند ءُ نند ءَ ایس ایم ایز ءِ دیمروئی ءِ واستہ سمیڈا بورڈ ءِ نیمگ ءَ چہ کتگیں گامگیج ءُ تربیتی پروگرام آنی بابت ءَ ھم سرپد کنگ بوت۔ گند ءُ نند ءَ مزن وزیر ءِ نیمگ ءَ ایس ایم ایز ءِ دیمروئی ءِ ھاترا ایر کتگیں ٹارگٹ آنی ھوالگ ءَ ھم سرپد کنگ بوت۔ گورنر اسٹیٹ بینک ءَ دیوان ءَ را سرپدی دات کہ گوستگیں مالی سال ءَ نجی شعبہ ءَ را کریڈٹ 1.1 کھرب کلدار بوتگ وھدیکہ ایوک ءَ اے سال ءِ اولی سئے سہ ماہی ءَ کریڈٹ 904ارب کلدار ءِ ٹارگٹ ءَ چہ گیش بوتگ ایشی ءِ تہ ءَ کسان ءُ میاں اوستمانی ادارگ آناں وام آنی تہ ءَ 28درسد گیشی ھوار اِنت۔ اے بنیاد ءَ ایس ایم ایز ءَ را وام ءِ پجاری ءِ ٹارگٹ مالی سال 2028ءَ تاں 1100ارب کلدار ءَ چہ گیش کنگ بوتگ دیوان ءَ گیش گوشگ بوت کہ اسٹیٹ بینک کمرشل بینک آنی نیمگ ءَ وام ءِ پھجاری ءِ دلبڈی ءِ واستہ گیش گامگیج کنگ ءَ انت۔ برآمداتی مارکیٹ ءُ برآمداتی کریڈٹ ءِ گامگیج آنی تہ ءَ کسان ءُ میاں اوستمانی صنعت آنی رسائی ءِ سر ءَ زور پر دیان ءَ دیوان ءَ گوشت بوت کہ مزن وزیر ءِ پنت ءُ شون ءِ رد ءَ ایس ایم ایز ءَ را برآمداتی فنانسنگ ءِ آسراتی پجارینگ ءِ واستہ یک جتاھیں ونڈو ءِ جوڑ کنگ بوتگ۔ ایشی ءَ ابید 41 نوکیں ایس ایم ایز ءَ را اے گامگیج آنی تہ ءَ چہ سیت چست کنگ ءِ واستہ ھوار بوتگ اَنت۔ مزن وزیر ءَ اسپیشل اسسٹنٹ ہارون اختر، سمیڈا ٹیم ءُ وزارت صنعت ءِ گامگیج آنی توسیپ کت ءُ آھاں پنت ءُ شون کت کہ اے گامگیج آنی سر ءَ عمل کنگ ءُ مول ءُ مراد آنی سرجمی ءِ واستہ یک ٹوھیں روڈ میپ ءِ جوڑ کنگ ءُ پیش کنگ بہ بیت۔ گند ءُ نند ءَ وفاقی وزیر اعظم نذیر تارڑ، جام کمال خان، ڈاکٹر مسعود مصدق ملک، احد خان چیمہ، محمد اورنگزیب، وزیرِ مملکت بلال اظہر کیانی، معاون خصوصی ہارون اختر، باسک قومی اسمبلی سیدہ نوشین افتخار، محسن شاہنواز رانجھا، گورنر سٹیٹ بینک جمیل احمد، سی ای او سمیڈا  نادیہ ستی ءُ ہمگرنچیں مزنیں کارندہ اے ساھت ءَ ساڑی اتنت۔