نیٹ میٹرنگ پالیسی ءِ تہا بدلی ءِ باوجود ہمے رفتار ءَ درخواست رسگ ءَ انت، وفاقی وزیر توانائی

اسلام آباد۔13مئی  (اے پی پی): وفاقی توان ءِ وزیر سردار اویس احمد خان لغاری ءَ گوشت کہ نیٹ میٹرنگ پالیشی ءِ تہ ءَ بدلی ءِ باوجود درخواست ھمے رفتار ءَ رسگ ءَ انت۔ گوستگیں سال ءَ پاکستان ءَ وتی 74 درسد بجلی چہ دمگی وسیلگاں زرتگ ات ءُ 4 سال ءَ پد اے پیداوار 94 درسد چہ دمگی وسیلگاں بیت۔ چار شمبے ءِ روچ ءَ سولر پروزومرز ءِ واستہ نیٹ میٹرنگ پالیسی ءِ تہ ءَ غیر معمولی بدلی ءُ سولر پینل آنی سر ءَ 18درسد ٹیکس ءِ تجویز ءِ ھوالگ ءَ راجی اسمبلی ءَ سید نوید قمر ءُ ایندگر آنی نیمگ ءَ چہ دلگوشی ءِ نوٹس ءِ پسو ءَ وفاقی وزیر توانائی ءَ گوشت کہ اے جیڈھ ءِ سر ءَ یک سال ءِ واستہ ھیال ءُ لیکہ کنگ بوتگ۔ اے ای سی سی ءَ منظور کتگ ءُ پدا کابینہ ءَ بوتگ۔ اے شعبہ ءِ درستیں سٹیک ہولڈراں گوں شور ءُ سلاہ کنگ بوتگ۔ آئی ءَ گوشت کہ ھمے حکومت ءَ 2017-18ءَ نیٹ میٹرنگ ریگولیشن آنی بنگیج کنگ بوتگ۔ ایشی ءِ شرح بدل بوھگ ءَ بوتگ انت۔ دنیا ءِ تہا شمسی توانائی ءِ بنیاتی ڈھانچہ ءِ ھرچ ءُ درچ کم کم ءَ کم بوتگ۔ پاکستان ءَ نیٹ میٹرنگ منافع بخشیں کاروبار اِنت ءُ اے چاگرد دوست اِنت۔ آئی ءَ گوشت کہ ملک ءَ سولر ءَ چہ پیداک بوھوکیں 23 ءَ چہ 24 ھزار میگاواٹ بجلی ءِ تہ ءَ 14 ءَ چہ 16 میگاواٹ آف گرڈ اِنت۔ اے ٹیکس ءِ کمیں شرح ءُ دگہ ترغیبات ءِ سبب ءَ گہتر بوتگ۔ ہچ درملکی ملک ءَ اے ماحول دوستیں منصوبہ ءِ حمایت نہ کتگ۔ آئی ئَ گوشت کہ الس آنی نیمگ ئَ ایشی ئَ جوانیں وش اتک کنگ بوتگ۔ اے یک وش ءُ سلامت ءُ چاگرد دوستیں منصوبہ یے ات۔ مزن وزیر ءِ پنت ءُ شون ءِ رد ءَ سرمایہ کار آنی سرمایہ کاری ءِ رکھینگ بوتگ۔ چہ پیسریگیں نیٹ میٹرنگ ءِ صارفین ءِ جاوراں ھچ وڑیں بدلی نہ بوتگ۔ نوکیں نیٹ میٹرنگ ءِ تہا بدلی آرگ بوتگ۔ نوں چہ آھاں بجلی 9.80 کلدار ءِ نھاد ءَ گرگ بیت کہ اے دگہ قابل تجدید توانائی ءِ وسیلگ آنی نھاد ءِ برابر اِنت۔ آئی ءَ گوشت کہ نوکیں پروزومر ریگولیشن ءَ الس ءِ نیمگ ءَ سرمایہ کاری ءِ دلبڈی دیگ بوتگ۔ اگاں کسے یک لکھ کلدار ءِ سرمایہ کاری کنت گڑا آ سئے سال ءَ پد زرّاں پدا دنت۔ آئی ءَ گوشت کہ اے ریگولیشن ءِ بدلی ءَ پد ھم ھمے رنگ ءَ ءُ ھمے رنگ ءَ درخواست رسگ ءَ انت۔ نوید قمر ءِ جُست ءِ پسو ءَ آئی ءَ گوشت کہ گوستگیں سال ءَ 74درسد بجلی بنجاہی وسیلگ آنی تہ ءَ چہ پیداک بوتگ، وھدیکہ ایوک ءَ 26درسد بجلی درائیں وسیلگ آنی تہ ءَ چہ دست کپتگ۔ آؤکیں 4 سالانی تہا 96% ءَ سر کنگ بیت۔ آئی ءَ گوشت کہ درآمد بوتگیں کوئلہ ءِ سرا کار کنوکیں پلانٹ آناں تھر کوئلہ ءِ سر ءَ شِفٹ کنگ پائدگ مند بیت، ھرچ ءُ درچ ءِ کمی ءَ چہ بجلی ءِ نھاد کم بیت۔ قابل تجدید توانائی ءِ حوصلہ افزائی کنگ بوھگ ءَ انت۔ شازیہ مری ءِ جُست ءِ پسو ءَ آئی ءَ گوشت کہ اگاں قابل تجدید توانائی ءِ تہ ءَ ھچ وڑیں ترغیب مہ بوتیں گڈا ما ایشی ءِ ذمہ وار بئیں۔ ما ایشی ءِ ترغیب کنوک ایں ۔ اے جھان ءِ تک ءَ منگ بوھگ ءَ اِنت۔ آئی ءَ گوشت کہ اے وھد ءَ ملک ءَ 14ہزار فیڈر آنی تہ ءَ 11500 فیڈر آنی سر ءَ زیرو لوڈ شیڈنگ انت۔ باقی 2 کلاک ءَ چہ 16 کلاک ءَ لائن ءِ تاوان ءِ سبب ءَ لوڈ شیڈنگ بوتگ۔ آئی ءَ گوشت کہ نوکیں پالیشی جوڑ کنگ بوھگ ءَ انت، اے ماہ ءَ چہ لوڈ شیڈنگ فیڈر ءَ چہ ٹرانسفارمر ءِ لیول ءَ زورگ بوھگ ءَ انت۔ پورے فیڈر بند کنگ ءِ بدل ءَ نوں ٹرانسفارمر ءَ بجلی بند کنگ بیت کہ اودا لائن ءِ تاوان انت۔ آئی ءَ گوشت کہ ملک ءَ بنجاہی وسیلگ ءُ وسیلگ آنی تہ ءَ بجلی ءِ پیداوار ءَ را استیں 55درسد ءَ چہ 2032ءَ تاں گیش کنگ بیت، ما ایشی ءَ را 96درسد ءَ سر کن ایں ءُ ایشی ءِ واستہ مئے کر ءَ توامیں وسیلہ است انت۔ دنیا ءِ تہا چاگردی جیڑہانی سرا کار کنوکاں اے درگت ءَ ہمکاری نہ کتگ۔ سحر کامران ءِ جست ءِ پسو ءَ آئی ءَ گشتگ کہ منی حلقہ ءَ ہم پنچ فیڈر ءِ سرا لوڈ شیڈنگ انت۔ اگاں اودا چہ لائن ءِ تاوان ھلاس کنگ بہ بنت گڑا ھلاس بیت۔ آئی ءَ گوشت کہ ما حیدرآباد ءِ 68 فیڈر صفر لوڈ شیڈنگ ءَ آورتگ انت۔ ما اولی سال ءَ کلیں تاوان 1260ارب کلدار ءَ چہ کم کتگ ءُ 890ارب کلدار ءَ سر کتگ۔ ما صارف ءِ نیمگ ءَ چہ 400ارب کلدار ءِ بار کم کتگ۔ لیسکو ءِ تہ ءَ اے سال ءَ 86ارب کلدار ءِ تاوان 18ارب کلدار ءَ چہ کم کنگ بوتگ۔ ملتان ءَ اے تاوان 2 ارب کلدار ءَ چہ کم کنگ بوتگ۔ مرزا اختیار بیگ ءِ جست ءِ پسو ءَ آئی ءَ گوشت کہ مھربانی ءَ مارا ھما پالیسی ءِ شق ءَ بہ گْوش اِت کہ ایشی ءِ چیر دستی ءَ رینیو ایبل انرجی ءِ دلپروش کنگ بوھگ ءَ اِنت۔ شہر یار خان مہار ءِ جست ءِ پسو ءَ آئی ءَ گشتگ 3400ارب کلدار واپس کنگ بوتگ ۔ چہ پیسریگیں صارف ءَ ھچ وڑیں بدلی نہ بوتگ۔ نیٹ میٹرنگ ءِ تہا کس گریب نہ اِنت۔ کسے ءِ سرا ظلم نہ بوتگ۔