ریلوے ءِ وزیر ءَ شہید گینگ میٹ   ءِ ھاتر ءَ اسٹار آف کورج ءِ بیرانی ءَ پد منظوری ءِ ھاتر ءَ صدر ءُ مزن وزیر ءِ منت واری درشان

اسلام آباد۔13مئی  (اے پی پی): ریلوے ءِ وفاقی وزیر محمد حنیف عباسی ءَ ریلوے ءِ شہید گینگ میٹ لیاقت علی  ءِ واستہ ’’جرات ءِ استار‘‘ ءِ منظوری ءِ پد ءَ مزن وزیر محمد شہباز شریف ءُ صدر آصف علی زرداری ءِ دل ءَ چہ دلجمی ءُ منت واری ءِ درشانی کتگ۔ چار شمبے ءِ روچ ءَ وزارت ریلوے ءِ نیمگ ءَ جاڑی بوتگیں بیان ءِ تہ ءَ وفاقی وزیر حنیف عباسی ءَ صدر ءُ مزن وزیر ءِ دل ءِ جہلانکی ءَ چہ منت واری ءِ درشان کت ءُ اے پیسلہ ءَ را شہید آنی واستہ مزنیں راجی شرپ لیک ات۔ آئی ءَ گوشت کہ اے پیسلہ شھید لیاقت علی ءِ ناشرکاری ءِ ھلاپ ءَ بے دروریں قربانی، دلیری ءُ فرض ءِ احساس ءِ رد ءَ کنگ بوتگ۔ اے رنگیں پیسلہ نہ ایوک ءَ شہیدانی کھول ءَ تسلہ دنت بلکینگ ءَ راج ءَ را یکمشت، قربانی ءُ راج دوستی ءِ کلوہ ھم دیم ءَ کاریت۔ وفاقی وزیر ءَ گوشت کہ شھید لیاقت علی ءِ قربانی سرجمیں راج ءِ واستہ شان، دلیری ءُ جزم ءِ علامت انت۔ دومی نیمگ ءَ پاکستان ریلوے ءَ وتی بیان ءِ تہ ءَ گْوشتگ کہ اے ادارگ مدام وتی شھیدانی مزنیں قربانیاں یات کنت ءُ ھمک گرانیں ساھت ءَ وتی کھول ءِ ھمراھی ءَ اوشتات کنت ۔