آئی بی آئی پاکستان ڈیجیٹل معیشت دوئیں ملک آنی نیام ءَ نوکیں اقتصادی وژن ءُ شریکداری ءِ علامت اِنت، ہارون اختر خان

اسلام آباد۔13مئی  (اے پی پی): مزن وزیر محمد شہباز شریف ءِ صنعت ءُ پیداوار ءِ بابت ءَ ھاسیں کمکار ہارون اختر خان ءَ گوشت کہ آئی بی آئی پاکستان ڈیجیٹل اکانومی ایوک ءَ کارگس ءِ نہ اِنت بلکیں پاکستان ءُ چین ءِ نیام ءَ نوکیں اقتصادی وژن ءُ شریکداری ءِ علامت اِنت۔ آئی بی آئی پاکستان ڈیجیٹل اکانومی ہیڈ کوارٹر ءِ بنگیج ءِ مراگش ءَ گوں گشتانک دیان ءَ آئی ءَ گوشت کہ پاکستان ءُ چین یکجائی ءَ پڑ ءِ ڈیجیٹل ءُ اقتصادی باندات ءَ را نوکیں رھشونی دیگ ءَ اَنت۔ دوئیں ملک آنی نیام ءَ دوستی یک ابدمانیں سیادی یے کہ ایشی ءِ بنیات ءَ اعتماد، یکوئی ءُ یک مشترکہ وژن ءِ سر ءَ اِنت۔ آئی ءَ گوشت کہ مزن وزیر محمد شہباز شریف ءِ سروکی ءَ پاکستان اقتصادی استحکام، گہتری کار ءُ جھان ءِ بھروسہ ءِ بحالی ءِ نیمگ ءَ گام جنان انت۔ ہارون اختر خان ءَ گوشت کہ پاکستان جنگ ءِ میدان نہ انت بلکیں پڑ ءِ تہ استحکام ءِ گڑھ انت، مزن وزیر محمد شہباز شریف ءُ فیلڈ مارشل عاصم منیر ءِ کوھستیں سروکی ءَ پڑ ءَ را مزنیں بحران ءَ چہ رکھینگ ءَ ھاسیں کرد پیلو کتگ۔ جھان ءِ معیشت ءَ گوں ترندی ءَ بدلی آرگ بوھگ ءَ انت ھما ملک کہ ڈیجیٹلائزیشن ءَ چہ دور انت آ گلوبل اکانومی ءِ تہ ءَ پد منتگ بنت۔ آئی ءِ رد ءَ پاکستان ءَ آرٹیفیشل انٹیلی جنس، ای کامرس، آٹومیشن ءُ ڈیجیٹل کنیکٹوٹی ءِ وسیلگ ءَ نوکیں صنعتی بدلی آرگ بوھگ ءَ اِنت۔ ھاسیں کمکار ءَ گوشت کہ راجی صنعتی پالیشی ءِ چیر دستی ءَ صنعت آناں زندگ کنگ، ویلیو ایڈیشن ءُ پرائیویٹ سیکٹر ءِ دیمروئی ءِ سر ءَ کار برجاہ اِنت، وھدیکہ راجی ٹیرف پالیشی کاروباری ھرچ ءُ درچ ءَ را کمی ءُ سرمایہ کار دوستیں چاگرد ءِ پجاری کنگ ءَ اِنت۔ آئی ءَ گوشت کہ ریگولیٹری گیلوٹین ءِ وسیلگ ءَ غیر ضروری رکاوٹ آناں دور کنگ بوھگ ءَ انت ءُ منظوری ءِ نظام ءَ را ڈیجیٹل جوڑ کنگ ءُ آسان کنگ بوھگ ءَ انت۔ ہارون اختر خان ءَ گوشت کہ پاکستان سرمایہ کار آنی واستہ لال ٹیپ نہ بلکینگ ءَ لال قالین ءِ شنگ کنگ ءَ انت۔ آئی ءَ گوشت کہ چین ءِ ٹیکنالوجی ءُ مینوفیکچرنگ ءِ مہارت پاکستان ءِ جغرافیائی ارزشت ءُ ورنائیں آبادی ءِ گوما یکجاھیں یک توانمندیں اقتصادی شریکداری ءِ جوڑ کنگ ءَ انت۔ آئی ءَ گوشت کہ پاکستان کسانیں مدت ءِ نہ بلکیں دراج مدتی ءُ انقلابی شریکداری ءِ شوھاز ءَ انت، پاکستان ءُ چین ایوک ءَ منصوبگ جوڑ نہ کن انت بلکینگ ءَ موہ، روزگار ءُ وشھالی ءِ بنیات ءَ ایر کن انت۔ آئی ءَ امیت سہرا کت کہ آئی بی آئی پاکستان ڈیجیٹل اکانومی تجارت، سرمایہ کاری ءُ ڈیجیٹل ٹرانسفارمیشن ءِ واستہ یک مھکمیں پلیٹ فارم ءِ ثابت بیت۔ آئی ءَ گوشت کہ پاکستان ورنا آنی تہ ءَ بدلی، نوآبادیاتی ءُ سرمایہ کاری ءِ وسیلگ ءَ آیوکیں وھد ءَ را دل یکیمی ءَ گوں وتی سر ءَ زورگ ءَ انت۔