وفاقی وزیر برائے دریائی امور ءَ پاکستان ءِ بندرگاہاں دمگی ٹرانزٹ ءُ ٹرانزٹ و ٹرانس شپمنٹ  جوڑ کنگ ءِ حکمت عملی ءِ بابت ءَ دیوان ءِ سروکی کت

اسلام آباد۔13مئی  (اے پی پی): وفاقی وزیر ءِ دریائی کارانی محمد جنید انور چوہدری ءِ سروکی ءَ مزن تک ءِ دیوان برجم دارگ بوت کہ ایشی ءِ تہ ءَ دمگ ءِ بدل بوھوکیں جاور ھال آنی رد ءَ بندرگاہ آنی تیاری ءِ سر ءَ چار ءُ تپاسی کنگ بوتگ ءُ پاکستان ءِ بندرگاہ آناں دمگی ٹرانزٹ ءُ ٹرانس شپمنٹ ہب جوڑ کنگ ءِ حکمت عملی ءِ جوڑ کنگ بوتگ۔ وزارت ءِ نیمگ ءَ جاڑی بوتگیں پریس ریلیز ءِ رد ءَ چار شمبے ءِ روچ ءَ دیوان ءَ شپنگ لائنز، ٹرمینل آپریٹرز ءُ ایندگر کلیدی اسٹیک ہولڈر آنی بھر زوری بوتگ، ایشی ءِ تہ ءَ بے رکاوٹیں سمندری تجارت ءِ دیمروئی، آپریشنل کارکردگی ءِ تہ ءَ گہتری، فیڈر کنکٹیویٹی ءِ یکجا کنگ ءُ کاروباری کارروائی آناں آسان کنگ ءِ سر ءَ گپ ءُ تران کنگ بوتگ۔ گند ءُ نند ءَ کراچی ءَ را یک معتبریں میری ٹائم گیٹ وے ءِ رنگ ءَ سہرا کنگ ءِ سر ءَ ھم زور پر دات۔ دیوان ءَ ریگولیٹری چیلنج، ڈیجیٹلائزیشن، اسٹیک ہولڈرز ءِ نیام ءَ ہمگرنچی ءُ دمگی کارگو ءِ گرگ ءِ آسراتی آنی سر ءَ چار ءُ تپاسی کنگ بوت۔ وفاقی وزیر ءَ گوشت کہ حکومت پاکستانی بندرگاہ آناں دمگی ٹرانس شپمنٹ ہب جوڑ کنگ ءِ واستہ عملی گامگیج کنگ ءَ انت ءُ ایشی ءِ واستہ توامیں اسٹیک ہولڈر آنی گوما یک ھمگرنچیں حکمت عملی ءِ رد ءَ کنگ بوھگ ءَ انت۔ آئی ءَ بندرگاہ آنی گنجائش ءَ را گیش کنگ، رسد ءِ نیٹ ورک ءَ را مھکم کنگ ءُ فیڈر سروسز ءَ را دیمروئی دیگ ءِ ضلورت ءِ سر ءَ زور پر دات۔ آئی ءَ گوشت کہ ریگولیٹری فریم ورک ءَ را گہتر کنگ، ڈیٹینشن چارج ءِ وڑیں جیڈھ آناں گیواری ءُ ٹرمینل آنی ہینڈلنگ ءِ گنجائش ءَ را گیش کنگ ءِ واستہ گامگیج کنگ بوھگ ءَ انت تانکہ بندرگاہ آناں نوکیں لوٹ آنی رد ءَ جوڑ کنگ بہ بیت۔ وفاقی وزیر ءَ پنت ءُ شون کت کہ ملک ءِ سئے مزنیں بندرگاہ آنی کارکردگی ءُ آسراتی آناں پدر کنگ ءِ واستہ باقاعدہ نیوز لیٹر جاری کنگ بہ بیت ءُ میاں اوستمانی تک ءَ موثر مارکیٹنگ ءَ را دل یکیمی کنگ بہ بیت۔ کراچی پورٹ ٹرسٹ ءِ چیئرمین ریئر ایڈمرل شاہد احمد ءَ گوشت کہ کراچی پورٹ ءَ گاڑی ءُ ایس یو وی آنی ہینڈلنگ ءِ واستہ گیشیں جاگہ ​​ایر کنگ بوتگ ایشی ءَ چہ کاروباری کار آناں آسراتی رس ایت۔ دیوان ءِ تہ ءَ ایڈیشنل سیکرٹری میری ٹائم امور عمر ظفر شیخ، چیئرمین پاکستان شپ ایجنٹس ایسوسی ایشن محمد راجپر، صدر آل پاکستان شپنگ ایسوسی ایشن عبداللہ فرخ ءُ اے دگہ نمائندگ آنی بھر زوری ءَ ھوار وزیر ءِ میری ٹائم امور ءِ سروکی ءِ سر ءَ شریکیں مردم آں دل یکیمی ءِ درشانی کت۔