پالیسی ءِ گامگیج شائیگان، تکنیکی بنیاد ءِ سرا اقتصادی بدلی ءِ حکمت عملی ءِ بہر انت، ڈھانچہ ءِ چیلنجاں چہ سرپد انت، سینیٹر محمد اورنگزیب

اسلام آباد۔13مئی  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ برجاھیں پالیسی گامگیج ایوک ءَ کسانیں مدتی لوٹ آنی سر ءَ نہ اَنت بلکیں یک پراھ ءُ شاھگانیں تکنیکی بنیات ءِ سر ءَ اقتصادی بدلی ءِ حکمت عملی ءِ بھر اَنت، ایشی ءِ سر ءَ مزنیں تک ءَ توثیق کنگ بوتگ۔ حکومت معیشت ءِ دیم ءَ اوشتاتگیں ڈھانچہ ءِ چیلنج ھاسیں رنگ ءَ درائیں ذمہ واری ءُ برآمدات ءِ بنیات ءَ پائیدار دیمروئی ءِ رفتار ءَ را ترند کنگ ءِ ضلورت ءَ چہ سرجمی ءَ سرپد اِنت۔ آئی ءَ اے گپ چار شمبے ءِ روچ ءَ پاکستان ءِ تر ءُ تاب ءَ بوھوکیں انٹرنیشنل مانیٹری فنڈ (آئی ایم ایف) ءِ مشن ءَ گوں گند ءُ نند ءِ ساھت ءَ کت۔ وزیر ءِ ھزانگ ءَ پاکستان ءِ سرجمیں اقتصادی جاور ھال، مالیاتی حکمت عملی، گہتری کار ءِ اولیت، پائیدار اقتصادی استحکام ءُ دراجیں مدت ءِ اقتصادی دیمروئی ءِ ھاترا حکومت ءِ نیمگ ءَ چست کتگیں برجاھیں گامگیج آنی ھوالگ ءَ سرجمیں بریفنگ دات۔ گپ ءُ تران ءِ تہ ءَ پاکستان ءِ اقتصادی استحکام ءِ کوشست، آیوکیں وفاقی بجٹ ءِ تیاری ءُ مالیاتی ءُ درملکی شوبگ ءِ استحکام ءَ را مھکم کنگ ءَ چہ پائیدار اقتصادی دیمروئی ءَ را دیم ءَ برگ ءِ مول ءُ مراد ءِ سر ءَ گیشیں گہتری کار ءِ ایجنڈا ءِ سر ءَ دلگوشی دیگ بوتگ۔ دوئیں نیمگ ءَ گہتری کار ءِ عمل ءِ رفتار ءَ را برجائی، اقتصادی استحکام ءِ رکھینگ ءُ سرمایہ کاری، پیداواری، ءُ برآمدات ءِ سروکی ءَ دیمروئی ءِ دیمروئی ءِ واستہ ڈھانچہ ءِ گہتری کار ءَ را دیم ءَ برگ ءِ بابت ءَ ھیال ءُ لیکہ ءِ تبادلہ کت، تانکہ یک متوازن ءُ دیمروئی ءِ پالیسی فریم ورک ءِ جوڑ کنگ بہ بیت۔ ڈل ءَ را وش اتک کنان ءَ وزیر ءِ ھزانگ ءَ آئی ایم ایف ءِ پاکستان ءِ حکومت ءِ گوما برجاھیں ھوار بوھگ ءُ جوڑیشت ءِ گپ ءُ تران ءَ را ساڑات۔ آئی ءَ ھاسیں رنگ ءَ ھما پائدگ مندیں گپ ءُ تران ءِ ذکر کت کہ اے سال ءَ واشنگٹن ءَ برجم داشتگیں بہار ءِ دیوان ءِ وھد ءَ بندات بوتگ اَنت۔ وزیر خزانہ ءَ پاکستان ءِ دری شوبگ ءَ دلبڈی ءِ پیشرفت ءِ بابت ءَ ھم سرپدی دات ءُ زرّ دیم دیگ ءُ برآمدات ءِ تہ ءَ جوانیں رجحان آناں پدر کت۔ آئی ءَ گوشت کہ نوکیں اعداد و شمار ءِ رد ءَ برآمدات ءِ تہ ءَ ھمک ماہ ءُ سالی بنیاد ءَ گہتری اتکگ ایشی ءَ چہ معیشت ءِ مھکمی ءُ سرجمیں اقتصادی بنیات آنی کم کم ءَ یکجا بوھگ ءِ درشان انت۔ وزیر خزانہ ءَ گوشت کہ اقتصادی استحکام ءِ کوشست آنی تہ ءَ دلبڈی ءِ آسراتی رستگ بلے حکومت معیشت ءِ دیم ءَ اوشتاتگیں ڈھانچہ ءِ چیلنج ھاسیں رنگ ءَ درائیں ذمہ واری ءُ برآمدات ءِ بنیات ءَ برجمیں دیمروئی ءَ را ترند کنگ ءِ ضلورت ءِ سر ءَ سرجمی ءَ سرپد اِنت۔ آئی ءَ اے جزم ءِ یک رندے پدا گوشت کہ حکومت دراجیں مدتی دیمروئی ءِ آسراتی آناں تاوان ءِ رسگ ءَ ابید اقتصادی استحکام ءَ را مھکم کنگ ءِ واستہ گہتری کار ءِ عمل ءَ را ترند کنت۔ اے درگت ءَ آئی ءَ پاکستان ءَ را بار باریں اقتصادی ردوم ءِ چکر ءَ چہ در کنگ ءِ واستہ ڈھانچہ ءِ گہتری کار، پیداواری ءِ تہ ءَ گیشی، ضوابط ءِ تہ ءَ آسانی ءُ برآمداتی مقابلہ ءِ تہ ءَ گہتری ءِ سر ءَ زور پر دات۔ وزیر خزانہ ءَ گوشت کہ حکومت ءِ گہتری کاری ایجنڈا ءَ را میاں اوستمانی ماہرین ءُ معیشت زانت آنی گوما شور ءُ سلاھ ءَ پد جوانیں رنگ ءَ جوڑ کنگ بوتگ۔ آئی ءَ اے گپ ءِ پدرائی کت کہ برجاھیں پالیسی ءِ گامگیج ایوک ءَ کسانیں مدتی لوٹ آنی واستہ نہ کنگ بوھگ ءَ انت بلکیں اے یک گیشیں تکنیکی بنیات ءِ سر ءَ اقتصادی بدلی ءِ حکمت عملی ءِ بھر انت کہ ایشی ءِ سر ءَ مزنیں تک ءَ توثیق کنگ بوتگ۔ وزیر خزانہ ءَ آئی ایم ایف مشن ءَ را پاکستان ءِ میاں اوستمانی دیمروئی شریک آنی گوما برجاھیں سیادی ءِ بابت ءَ ھم سرپدی دات، ایشی ءِ تہ ءَ چین ءِ گوما برجاھیں اقتصادی کمک ءِ گامگیج ءُ ملک ءِ اسٹریٹجک اقتصادی اولویت آنی رد ءَ دراجیں مدتی سرمایہ کاری ءِ رکھینگ ءِ کوشست ھوار اَنت۔ آئی ایم ایف ءِ ڈل ءِ سروکی ءَ مشن چیف ایوا پیٹرووا ءَ کتگ۔ مشن ءَ جہانی ءُ دمگی جاور ھال آنی چیلنج آنی باوجود اقتصادی استحکام ءِ برجائی ءِ تہ ءَ پاکستان ءِ جوانیں پیشرفت ءِ توسیپ کت۔ ڈل ءَ حکومت ءِ زانتکاریں اقتصادی انتظام ءُ برجاہ گہتری کار ءِ جزم ءِ ھم ساڑات۔ آئی ایم ایف ٹیم ءَ اے گپ ءِ سر ءَ زور پر دات کہ گہتری کار ءِ رفتار ءَ را برجائی، مالیاتی نظم و ضبط ءَ را برجائی، ءُ ڈھانچہ ءِ گہتری کار ءَ را دیم ءَ برگ پائیدار ءُ ھواریں اقتصادی دیمروئی ءِ واستہ المی اِنت۔ دیوان ءَ سرجمیں اقتصادی فریم ورک، حکومت ءِ گہتری کار ءِ ایجنڈا ءُ آیوکیں بجٹ ءِ اولویت آنی سر ءَ ھم تفصیل ءَ گپ ءُ تران کنگ بوتگ۔ آئی ایم ایف مشن ءَ پاکستان ءِ اقتصادی گہتری کار ءِ پروگرام ءُ دراجیں مدتی اقتصادی استحکام ءِ ھوالگ ءَ حکومت پاکستان ءِ گوما وتی برجاھیں ھوار بوھگ ءُ جوڑیشت ءِ کمک ءَ را برجاہ دارگ ءِ وتی جزم ءِ یک رند ءَ پدر کت۔ گند ءُ نند ءَ گورنرسٹیٹ بینک جمیل احمد، سیکرٹری خزانہ امداداللہ بوسال   ،چیئرمین فیڈرل بورڈ آف ریونیو راشد محمودلنگڑیال  ءُ  وزارتِ ھزانگ   ءِ گپت ءُ گیر  ڈویژن  ءِ کارگس ءِ مزنیں کارندہ آں ھم بھر زوری کتگ۔