مزن وزیر شہباز شریف ءَ سرجمیں ملک ءَ سالڈ ویسٹ مینجمنٹ ءِ جدید ءُ مھکمیں  نظام ءِ دیم ءَ آرگ ءُ یک سرجمیں روڈ میپ ءِ تیار کنگ ءُ  سالڈ ویسٹ ءَ  چہ بجلی پیداک کنگ ءِ ٹاسک فورس جوڑ کنگ ءِ پنت ءُ شون

اسلام آباد۔12مئی  (اے پی پی): مزن وزیر محمد شہباز شریف ءَ اسلام آباد ءَ ھوار سرجمیں ملک ءَ سالڈ  ویسٹ مینجمنٹ  ءِ نوکیں ءُ مھکمیں  نظام ءِ بندات کنگ ءِ پنت ءُ شون کتگ ءُ سالڈ ویسٹ ءَ  چہ بجلی پیداک کنگ ءِ واستہ یک سرجمیں روڈ میپ ءِ تیار کنگ ءُ ایشی ءِ واستہ ٹاسک فورس جوڑ کنگ ءِ پنت ءُ شون کتگ۔ سئے شمبے ءِ روچ ءَ مزن وزیر محمد شہباز شریف ءِ سروکی ءَ سالڈ ویسٹءِ بندوبست ءِ ھوالگ ءَ یک ھاسیں دیوان ءِ برجم دارگ بوت کہ ایشی ءِ تہ ءَ وفاقی وزراء ڈاکٹر احسن اقبال، علی پرویز ملک، اویس احمد خان لغاری، وزیراعظم کے مشیران رانا ثناء اللہ   ءُ محمد علی ءِ گوما سیادی داروکیں کارندہ آں  بھر  زوری کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ٹاسک فورس جوڑ کنگ ءِ پنت ءُ شون کتگ کہ ایشی ءِ تہ سالڈ ویسٹءَ چہ توان پیداک کنگ ءِ واستہ یک ٹوھیں ایکشن پلان ءِ تجویز پیش کنگ بہ بیت۔ آئی ءَ اسلام آباد ءَ چہ بندات کنان ءَ سرجمیں ملک ءَ صوبائی حکومت آنی کمک ءَ سالڈ ویسٹءِ بندوبست ءِ نوکیں ءُ مھکمیں  نظام ءِ دیم ءَ آرگ ءِ پنت ءُ شون کت۔ بیان ءِ رد ءَ مزن وزیر ءَ سالڈ ویسٹءَ چہ بجلی پیداک کنگ ءِ واستہ یک سرجمیں روڈ میپ ءِ تیار کنگ ءِ پنت ءُ شون کتگ ءُ اے درگت ءَ یک سرجمیں ایکشن پلان ءِ تجویز ءِ واستہ ٹاسک فورس جوڑ کنگ ءِ پنت ءُ شون کتگ، ایشی ءِ تہ ءَ نوکیں ٹیکنالوجی ءُ جھان ءِ تجربگ آنی رد ءَ سفارشات جوڑ کنگ بنت۔ مزن وزیر ئَ مجوزہ ٹاسک فورس ءِ تہ ئَ جندی شوبگ ئُُ میاں اوستمانی نامداریں ادارگ ءِ کارندہ آناں ھوار کنگ ءِ ھم پنت ءُ شون کتگ۔ مزن وزیر ءَ گوشت کہ سالڈ  ویسٹ ءَ چہ توان پیداک کنگ ءَ چہ درآمدیں ایندھن ءِ سر ءَ بڈوئی ءَ را گیش کم کنگ ءُ گران بھائیں زرّ ءِ بچت بیت۔ سالڈ ویسٹءِ انتظام ءِ یک شریں نظام ءَ کاربن فٹ پرنٹ ءَ ہم مزنیں کساسے ءَ کم کنت۔ آئی ءَ گوشت کہ حکومت ءِ اولویت ءِ تہ ءَ پائیدار دیمروئی ءِ واستہ چاگرد دوستیں توانائی ءِ وسیلگ آناں کارمرد کنگ ھوار اِنت۔