بلوچستان ءِ دیمروئی ءُ وشھالی ءُ صوبہ ءِ مہلوک ءِ گہبودی مئے اولی ترجی انت، مزن وزیر محمد شہباز شریف گوں بلوچستان ءِ سینئر سیاستدان آنی  ڈل ءَ گپ ءُ تران

اسلام آباد۔12مئی  (اے پی پی): مزن وزیر محمد شہباز شریف ءَ گوشت کہ  بلوچستان ءِ دیمروئی ءُ وشحالی ءُ صوبہ ءِ مہلوک ءِ گہبودی مئے اولی ترجی انت۔ اے ھیالانی درشانی آئی ءَ بلوچستان ءِ سینئر اکیڈمشنز ءِ ڈل ءَ گوں گپ ءُ تران کنان ءَ کت ایشاں سئے شمبے ءِ روچ ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر ءَ گوں گند ءُ نند کنوکیں ڈل ءِ تہ ءَ وزیر سینیٹر میر دوستین خان ڈومکی، صوبائی وزیر برائے پبلک ہیلتھ انجینئرنگ سردار عبد الرحمان کھیتران، صوبائی اسمبلی  ءِ باسک  سردار چنگیز مری  ءُ  میر خدا بخش مری  ءُ مر ھوار اتنت۔ مزن وزیر ءَ گوشت کہ بلوچستان قدرتی وسیلگاں چہ مالا مال اِنت، ما ھمک رنگ ءِ کوشست کنگ ءَ آں تانکہ صوبہ ءِ الس سرجمی ءَ اے وسیلگاں چہ پائدگ چست بہ کن اَنت۔ آئی ءَ گوشت کہ وفاقی حکومت بلوچستان ءِ دیمروئی ءِ واستہ صوبائی حکومت ءِ گوما کار کنگ ءَ انت۔