وفاقی وزیر اطلاعات عطا اللہ ترار ءَ “سنو نیوز” ءِ سی ای او ءَ گوں گند ءُ نند کتگ، کم سطح ءِ کارمنداں پدا کار ءَ آرگ ءِ فیصلہ کتگ، دگہ برطرف بوتگیں کارمندانی واجبات ءِ زوت ادا کنگ ءِ سرا تپاک  

اسلام آباد۔12مئی  (اے پی پی): وفاقی وزیر اطلاعات ءُ نشریات عطا اللہ ترار ءَ سئے شمبے ءِ روچ ءَ سنو نیوز ‘‘ ءِ سی ای او ءَ گوں گند ءُ نند کت۔   ٹی وی چینل آنی دیم ءَ اوشتاتگیں جیڈھ ءُ  کشتگیں  کارندہ آنی جیڈھ ءِ سر ءَ سرجمیں رنگ ءَ گپ ءُ تران کنگ بوت۔ گند ءُ نند ءَ مزن وزیر ءِ میڈیا کوآرڈینیٹر بدر شہباز ورائیچ ءُ پرنپل انفارمیشن آفیسر مبشر حسن ھم ساڑی ات انت۔ گند ءُ نند ءِ تہ ءَ  "سنو نیوز”  ءِ 114 مزدگر  کشگ ءِ جیڈھ ءِ سر ءَ سرجمیں رنگ ءَ گپ ءُ تران کنگ بوت ءُ چہ کار ءَ کشگ بوتگیں کارندہ آنی واجبات زوت ءَ ادا کنگ ءِ سر ءَ تپاک کنگ بوت۔ دیوان ءَ پیسلہ کنگ بوتگ کہ کارمند آنی پگار آنی تہ ءَ گیشیں کمی نہ کنگ بہ بیت ءُ گیشیں کارمند آناں چہ کار ءَ در کنگ نہ بیت، ھمے وھد ءَ ڈرائیور ءُ ٹیکسی ءِ کارندہ آنی ھواریں کمیں تک ءِ کارمند آناں پدا کار ءَ آرگ بہ بیت۔ اے موہ ءِ سر ءَ وفاقی وزیر ءِ اھوالکاری ءَ گوشت کہ ’’سنو نوز‘‘ ءِ پیسلہ کتگیں نکات آنی سر ءَ عمل کنگ بندات بوتگ پمیشکا اشتہار آنی سر ءَ بندش ھلاس کنگ بوتگ۔ آئی ءَ گوشت کہ ایندگہ برطرف بوتگیں ملازم آناں متبادل روزگار ءِ پھجارینگ ءِ واستہ ھمک رنگ ءِ کوشست کنگ بیت۔ آئی ءَ گوشت کہ اھوالکار ءُ میڈیا ءِ کارندہ آنی ھک آنی رکھینگ حکومت ءِ اولی ترجی انت۔ “مرچی” نوز ءِ انتظامیہ ءَ ھم وزارت ءِ اطلاعات ءَ گوں رابطہ کتگ، ءُ باندا گوں آھاں دیوان کنگ بیت۔ وفاقی وزیر ءَ گشتگ کہ جیڈھ رسانکدر یا ادارہانی ہمراہی ءَ گیش ءُ گیوار کنگ بنت کہ آہانی مالی یا انتظامی جیڈھ  است انت ءُ کارکنانی حق ہر قیمت ءَ رکھینگ بنت۔